Mateu 26:13 - La Bible en Otetela (Bible K'Ekila) 1991

¹³ Mete kanyutelami ndi: Lʼahuli tshe wa la kete, lene ayuwusambishaka lukumu lʼololo lone, wayutaka ndu dikambu diambutsha umuntu one. Dio diayuyala euhwelu kandi.

Mateu 26:13 Iomraidhean Croise

Esambu 112:6

Untu ololo hayusutshasutshama, La euhwelu kandi katutshikalaka pundju.

Isaya 52:9

Nyu ahuli wakalana wa Jerusalema, Nyudji dielu diʼongenongeno kame, Ne dia Latuyalaka ambusamba wudja andi, Ambushimbela Jerusalema.

Mateu 24:14

Lukumu lʼololo lone la diulelu layusambishama lu kete tshe, uku omenyi le wedja tshe. Lʼokongo diku, ekumelu kayuya.

Mateu 28:19

Okone nyutshu, nyete wedja tshe ambeki, nyabatiza lu lukumbu la Papa ndu lʼOna ndu la Nyuma kʼOlolo.

Mako 13:10

Dieli la lukumu lʼololo nsambishama ntundu lu wedja tshe.

Mako 14:9

Mete kanyutelami nti: Lu ahuli tshe wa la kete wayuwutasambishaka lukumu lʼololo lone, wayutataka ndu dikambu diutshendi, dia ndjala euhwelu kandi.

Mako 16:15

Ndi akawatela ati: Nyutshu lu kete tshe, nvusambisha antu tshe lukumu lʼololo.

Luka 24:47

la dia nsambisha wedja tshe dikambu dia ekadimwelu kʼetema la edimanyelu ka kolo lu lukumbu landi, atateli uma la Jerusalema.

Etsha wa Atumami 10:4

Ndi akawendi tee, akuki woma; akati ati: Khumadiondjo, nemʼeku? Ondjelo akawutela ati: Dombelo diaye la diango diatuyushanaka la ketshi diambumbela uku euhwelu lu ashu wa Unyashungu.

Romo 10:18

Keli lambumbula nti: Vo kumbuka? Mete, vo wakuki; ne dia: Wetshelu awo wakadiangana lu kete tshe, La aui awo pulu ndu lu kuma yʼandja.

Romo 15:19

Uma lu wulu wa tulimbitelu la akambu wa mamba, uma lu wulu wa Nyuma kʼOlolo ka Unyashungu, mbakamadianganya lukumu lʼololo la Kristu uma la Jerusalema, pulu ndu lʼutshimba wa Iluriko.

2 Koreto 10:18

Ne dia aha untu latuyandulaka, kambetawoma, paka one landula Khumadiondjo.

Kolosai 1:23

naka nyu nyayutetemala lu mbetawo, naka nyayuyashikike, naka hanyunganyiama uma lʼelungamelu ka lukumu lʼololo lakanyuki, lakasambishama lʼetungelu tshe la tshina diʼulungu, ndu lakamayala, dimi Paulu, usambisha alo.

Kolosai 1:6

lakayi le nyu. Lo leko ndu lu kete tshe — latotokaka elua, latufulaka — uku atshalo ndu lʼetema anyu uma lu lushi lakanyuki ndu lakanyeyi ngandji ka mamba ka Unyashungu lu mete;

1 Timote 2:6

Ndi akayakimo dia ntshungula antu tshe. Dikambu ne dieyami lu tena diadio.

Heberu 6:10

Ne dia Unyashungu kema kolo, dia ndi mbuhela ulimu anyu la ngandji kakanyenya antu lu lukamba landi, uku akanyakimanyia ekilami, ndu uku atshanyu edja ndu elo.

Enyelo 14:6

Dimi lakenyi ondjelo ukina afumbo lʼulungu, aki la lukumu lʼololo la pundju, lakandatelaka wa la kete, ndu wedja tshe ndu wauhu tshe ndu eteketa tshe, ndu antu tshe.

1 Samuele 2:30

Okone Latuyalaka, Unyashungu wa Isariyele, kata ati: Dimi lakataka nti: Mete, wa lu luudu laye la wa lu luudu la sho wayokendakendaka la ntundu kami pundju. Keli kakiane dimi Latuyalaka, kata nti: Kanyi sho yeko etali uma le mi. Wane watonemiaka, mbayumolemia, la wane watomonyolaka, wayonywama.