Mateu 24:7 - La Bible en Otetela (Bible K'Ekila) 1991

⁷ Wudja ayolosha wudja ukina. Diulelu diayolosha diulelu dikina. Ndjala ka kasha la adidimu wa kete wayuyala lu dihuli la dihuli.

Mateu 24:7 Iomraidhean Croise

2 Ekondo 15:6

Vo wakatshanelaka kolo la wudja, usumba lʼusumba ne dia Unyashungu akahenyahenya la wehu tshe wʼasui.

Isaya 19:2

Dimi layotombosha asi Edjibitu dia vo ndosha asi Edjibitu. Vo tshe wayoloshanya untu lʼonangu, Ndu untu lʼuntu la unyandi, Usumba lʼusumba, diulelu la diulelu.

Isaya 29:6

Latuyalaka Kanga lulimbilimbi ayunyusuya la dikhungula, Edidimelu ka kete, la lundju la wuki, Lopepe la wulu la ngimbi ndu la lumbi la dja yadikita.

Ezekiyele 14:21

Khumadiondjo Latuyalaka kata ati: Naka osoku, ukundi ayuyala Jerusalema lamʼayumutumela asui ami anei ane: yombo, ndjala ka kasha, nyama ya ngala la elandu dia nshila antu la nyama ushiki?

Ezekiyele 21:27

Elanyelu! elanyelu! dimi layulanya tshe! Keli dikambu diako hadiuyala edja ndu kanga diulelu ambuya, ku dimi layuwushadio.

Zekariya 14:13

Lushi loso, lundju la wulu layuyala lʼatei awo le Latuyalaka. Vo tshe untu lʼuntu ayukimela lunya la unyandi, ku lunya landi layolo la lunya la unyandi.

Luka 21:11

Adidimu wa mamba wa kete wayuyala efula. Ndjala ya kasha yayuya, ndu elandu lu dihuli la dihuli. Weoma a mamba wayuyala la tulimbitelu ta waki uma lʼulungu.

Etsha wa Atumami 11:28

Omotshi, lukumbu landi Angabo, akemala. Nyuma akawenya ati: Ndjala ka kasha ka wulu kayuyala lu kete tshe. Mete, to kakayi lu nshi ya Kolodiyo.

Etsha wa Atumami 2:19

Dimi layenya akambu wa mamba ladiku dia ulungu, La tulimbitelu lʼesi ka kete; Dikila la dja, ndu lungi la edinga.

Heberu 12:27

La diui ne ati: Etena kekina ntu, diambutenya ati: Diango diakasutshasutshama diayunyema, uku diango diakatungama, ne dia diango diahasutshasutshama diatshikali,

Enyelo 6:12

Dimi lakenyi lamʼakandadihula djimbitelu ya samalu, kete yakadidima efula. Unya akayala tshududu uku dikuniya dia diosa, utundu a ngondo akayala uku dikila.

Enyelo 6:5

Lamʼakandadihula djimbitelu ya satu, dimi lakuki nyama ka satu kata ati: Yaka! Dimi lakendi, menyi ku falasa ka tshududu kene; one lakakiahemi aki la yediko ya mbedika wutshu lu lunya landi.

Enyelo 6:6

Dimi lakuki diui uku dia untu lʼatei a nyama sho nyei, diata ati: Yediko otoi yʼepunga wa menge yeko denariyo otoi; tediko tusatu ta epunga wa yelela denariyo otoi, keli tulanyaki iso la wanu!

Enyelo 6:8

Dimi lakendi, menyi ku falasa kʼekesekese kene. Lukumbu la one lakakiahemi laki Nyoi; Udimu a Pengandu akatuyelaka. Wakawasha wulu wa mbulela etenyi ka nei ka kete, dia vo mbadiaka la yombo, la ndjala ka kasha, la elandu, ndu le nyama ya lʼukunda ya la kete.