Mateu 19:9 - La Bible en Otetela (Bible K'Ekila) 1991

⁹ Dimi lambunyutela nti: Untu tshe layukimo wadendi, naka aha lu dikambu dia luseka, ku ndi ntshuka ukina, ndi ambunana. Lamʼayutshuka pami umuntu lukimwewo osoku, ndi ambunana.

Mateu 19:9 Iomraidhean Croise

Etatelu 20:3

Ku Unyashungu akene le Abimeleke lu do lʼutshu, akawutela ati: We aya uku udu lu dikambu dia umuntu lakayoshi, ne dia ndi eko la umi.

2 Ekondo 21:11

Jehorama akatshi ndu alunga lu ekungu wa Juda. Ndi akanganyia asi Jerusalema dia ntemola ditemolatemola, akanganyia ndu Juda.

Jeremiya 3:1

Vo mvutaka vati: Naka pami amboseka wadendi, la umuntu ambumo lakandi, Ku ndi ambututshukama la pami kekina, pami kako ayukaluya ntu uka? Undi, ndu kete hayusana la dikambu diako? Nyu nyakanseke, nyakatemola ditemolatemola efula. Keli nyukaluli le mi, mbata Latuyalaka.

Jeremiya 3:8

Kuyanga mbakamaseke asi Isariyele, akanga wʼuhedia, ne dia etemwelo kawo ka dikishi ndu kuyanga mbakamawasha mukanda wʼesekanelu, dimi lakenyi nti: Anengewo, asi Juda, akanga a lukesu, hawuki woma. Vo wakatshu dia ntotemola ditemolatemola pupu.

Ezekiyele 16:15

Keli we akekamaka dimena diaye. Uma lu lutumbu laye mbakayatatela ndjala kanga luseka. We akafudia luseka laye edja ndu lo lakeyama le untu tshe laketaka lasuki la ye.

Ezekiyele 16:29

We akafudia otemwelo aye wa dikishi uma lu kete ya Kanana pulu ndu lu Kaladiya, keli saki kaye kumunduyama.

Ezekiyele 16:8

Lamʼakameti lasuki la ye ntu, dimi lakakendi, menyi ku etena kaye ka ntshukama kambukuka. Dimi lakakolotsha dihondo diami, lakakumbi utakataka aye. Dimi lakakutshimbela, lakadji la ye sheki, ku we akayala la mi, mbata Khumadiondjo Latuyalaka.

Mateu 19:10

Ambeki andi wakawutela vati: Naka dikambu dia umi la wadi dieko osoku, keti hasungana ntshukana.

Mateu 19:8

Ndi akawatela ati: Ne dia lunyu lʼetema anyu, mbaketawo Mose nyu nkimo wadienyu, keli uma lʼetatelu, kundjala osoku.

Mateu 5:32

Keli dimi lambunyutela ndi: Untu tshe lakimo wadendi naka aha lu dikambu dia luseka, ndi ambuwete umunanyi. Untu tshe latshuka umuntu losekiwo, ambunana.

Luka 16:18

Untu tshe laseka wadendi, latshuka ukina, ambunana. One latshuka umuntu lukimwi umendi, ambunana.

1 Koreto 5:1

Lukumu lambuya ati: Munanyi keko lʼatei anyu. Wuhu oso kema kuyanga lʼatei wʼasi wedja, ne dia untu omotshi eko la wadi a shi.

1 Koreto 7:39

Wadi ambukelekama le umendi lamʼeki umendi la lumu. Keli naka umendi ambuvo, ndi mbeyaka ntshukama le one lalangandi. Keli paka lu lulangu la Khumadiondjo.

1 Koreto 7:4

Wadi kema la wulu ladiku dia dimba diandi hita, paka umendi; ndu umi kema la wulu ladiku dia dimba diandi hita, paka wadendi.