Mateu 16:4 - La Bible en Otetela (Bible K'Ekila) 1991

⁴ Wa lolonga lone la kolo ndu la luseka watuyangaka djimbitelu, keli hawuwasha nduku djimbitelu kina, paka djimbitelu ya Jona. Ku ndi akatshiki, akatshu.

Mateu 16:4 Iomraidhean Croise

Jona 1:17

Latuyalaka akatumi lusi la wuki, dia lo mena Jona Ku Jona aki lʼutema a lusi tanyi tusatu la etshu esatu.

Mako 8:38

Untu tshe lʼatei a lolonga lone la luseka ndu lʼakambu wa kolo layumbuka dimi la aui ami sonyi, ndu dimi, Onʼa untu, layuwuka sonyi lamʼayumuya lu lutumbu la Papa, kame la andjelo wʼekila.

Mako 8:12

Ndi akakitshakitsha lumu, akambula ati: Okoko wana wayanga wa lolonga lone djimbitelu? Mete kanyutelami nti: Hawenya wa lolonga lone djimbitelu.

Mateu 15:14

Nyuwaete; elombodi wa tutshungu mbewo. Naka kanga tshungu ayolombola kanga tshungu, vo ahendi wayoko lu difuku.

Etatelu 6:3

Latuyalaka akati ati: Nyuma kami hutshikala le untu pundju, ne dia untu eko paka emunyi etu. Nshi ya lumu lʼuntu yayuyalaka deku lukama la akumi ahendi.

Etsha wa Atumami 18:6

Lamʼakawahangakala, lamʼakawotenge, ndi akanyinginya ahondo andi; akawatela ati: Dikila dianyu diayali lʼete anyu! Dimi kema la dikambu. Umaka kakiane, dimi layutsho le asi wedja.

Hosea 9:12

Kuyanga vo wayudia anʼawo, Dimi layahotolawo, Edja ndu nduku otoi ayutshikala. Mananu kayali le wo lamʼayumaseka.

Hosea 4:17

Efarayima ambumamema dikishi diawo, nyukimo ndame.

Etsha wa Atumami 2:40

Ndi akawatela aui akina efula, akalaki ati: Nyuyashimbeli uma lu lolonga la kolo lone!

Isaya 57:3

Keli nyu, ana wa umuntu kanga doka, Diuhu dia kanga munanyi ndu dia unyimba kanga luseka, nyusukani.

Jona 1:1

Diui dia Latuyalaka diakayi le Jona, onʼa Amitai, ati:

Mateu 16:5

Lamʼakakumi ambeki la wedi ukuna, vo kundjala la ma: wakuhela dia ntola.