Luka 9:1 - La Bible en Otetela (Bible K'Ekila) 1991

¹ Jesu aketi ambeki dikumi la ahendi, akawasha wulu wa mbahamela edienge tshe la dia nkonoya hemo.

Luka 9:1 Iomraidhean Croise

Mateu 16:19

Dimi layukusha sapi ya diulelu dia lʼulungu. Kene tshe kakelekaye la kete, wayukikeleka lʼulungu. Kene tshe kakelekulaye la kete, wayukikelekula lʼulungu.

Mateu 4:24

Lukumu landi lakadiangana la Sumya tshe. Vo wakawela antu tshe waki lʼelandu, ndu akanga a wehu efula wa hemo, akanga wʼasui, akanga wʼedienge, akanga a dikhunye, ndu akanga wa tshumbi, ku ndi akakonoya.

Mateu 8:9

Dimi leko lʼokongo wa akina, ndu dimi leko la alimbi lʼokongo ami. Naka layutela one ndi: Utshu, ku ndi ntsho; la ukina ndi: Uyi, ku ndi ndja; ndu le ukambi ami ndi: Utshi dikambu ne, ku ndi ntsha.

Luka 10:1

Lamʼaketi akambu aso, Khumadiondjo akasonola akina akumi esambeli, akatumi ahendi ahendi la ntundu kandi lu esumba tshe ndu lu ahuli tshe wakandalangi ntsho.

Luka 10:19

Nyulungi, dimi lambunyusha wulu wa mbikamela elui la kutu, ndu ladiku dia wulu tshe wʼutunyi. Nduku engo kayunyutshela kolo.

Joani 14:12

Mete, mete, kanyutelami nti: One lambetawo, ndu ndi ayutsha elimu watumutshaka. Ndu elimu wuleki ene mbayundutsha, ne dia dimi layutsho le Papa.

Etsha wa Atumami 1:8

Keli nyu nyayulungula wulu lamʼayuya Nyuma kʼOlolo le nyu. Nyu nyayuyala emenyi ami lu Jerusalema, lu Judiya tshe la Samariya edja ndu lʼekumelu ka kete.

Etsha wa Atumami 3:16

Uma lu mbetawo lukumbu landi, lukumbu landi lambukikitsha untu one lendanyu ndu leyanyu. Mete, mbetawo kʼuma le ndi kambuwusha wulu one tshe lu ashu anyu, nyu tshe.

Etsha wa Atumami 4:30

lamʼasimbulaye lunya laye dia nkonoya antu, tulimbitelu la akambu wa mamba watshami lu lukumbu la ukambi aye wʼekila Jesu.

Etsha wa Atumami 9:34

Petero akawutela ati: Ayinea, Jesu Kristu ambukokonoya. Eto, olongosole tangi kaye. Kemʼedja ndi aketo.