Luka 4:16 - La Bible en Otetela (Bible K'Ekila) 1991

¹⁶ Jesu akayi la Nazareta, lene akanduli. Ndi akoto lʼetemwelo lushi lʼekila, uku aki etshelu kandi. Ndi akemala dia mbala mukanda a Unyashungu.

Luka 4:16 Iomraidhean Croise

Mateu 2:23

Ndi akayi, akayudjase lu ngelu ketawo vati: Nazareta. Dikambu so diakayala dia nshidiya diui diakati amvutshi vati: Wayuweta vati: Usi Nazareta.

Luka 2:39

Lamʼakawashidiya akambu tshe uku elembe wa Khumadiondjo, vo wakakalula la Ngalili, lu ngelu kawo Nazareta.

Luka 2:42

Lamʼakindi la deku dikumi la pendi, vo wakatshu leko uku aki etshelu kawo ka lushi la wuki lako.

Luka 2:51

Ku ndi akatshu la wo, akakumi la Nazareta; akakitanyiaka aui awo. Nyangu akalamaka aui aso tshe lʼutema.

Luka 4:15

Ndi aketshaka lu temwelo diawo, akatumbwama le antu tshe.

Luka 4:17

Wakawusha buku dia umvutshi Isaya, ku ndi akombola wombo wʼafundelu wʼekila, akenyi dihuli diakawafundi ati:

Luka 4:21

Ku ndi akatatela mbatela ati: Afundelu kene kambushidiyama lʼatei anyu elo.

Luka 4:23

Ndi akawatela ati: Mete, nyayukanula nyati: We wetshi, uyakonoya! Utshi akambu wakatuki we atsha la Kaperenauma ndu lindu lakanyu.

Joani 18:20

Jesu akûkaluya diui ati: Dimi lakatela antu diui diami lu seke. Dimi laketshaka antu nshi tshe lu temwelo, ndi lu etemwelo ka wuki lene atusanganaka asi Juda tshe. Dimi kumvuta nduku dikambu lu usheshe.

Etsha wa Atumami 17:2

Paulu akoto la wo loko, uku aki etshelu kandi. Ndi akateketa la wo akambu wʼuma lu afundelu nshi yʼekila shatu.