Luka 3:8 - La Bible en Otetela (Bible K'Ekila) 1991

⁸ Okone nyoto elua uku ekadimwelu kʼetema anyu; tanyutatelaki mvuta nyati: Shu la tshesu Abarahama. Dimi lambunyutela nti: Unyashungu mbeyaka mbulwela Abarahama tukanula tandi uma lu ave ane.

Luka 3:8 Iomraidhean Croise

Nehemiya 5:11

Timi lambunyosengasenga elo nti: Nyakaluya kete yawo, dikambo diawo dia vinyo, eweli awo, la mvudu yawo, ndu etenyi etoi ka lukama ka falanga, kʼepunga, kʼashi wʼelua, ndu ka iso kakanyalombe waho.

Ezekiyele 33:24

Onʼa untu, waku wudjashi lu ahuli wʼelanyelu, lu kete ya Isariyele, mvutaka vati: Abarahama aki untu otoi, ku ndi akakiti kete nye. Keli shu teko ntu efula, wakatusha kete nye ukito.

Mateu 21:43

Okone dimi lambunyutela ndi: Wayunyokosola diulelu dia Unyashungu, ku wayudisha wudja watotokaka elua adio.

Mateu 3:8

Nyoto elua uku ukadimudinyu etema.

Mateu 3:9

Tanyukanaki lʼetema anyu nyati: Shu teko la tshesu Abarahama. Dimi lambunyutela ndi: Unyashungu mbeyaka mbulwela Abarahama tukanula uma lu ave ane.

Luka 13:25

Lamʼayeto kanga luudu, lamʼayundudiha lukuki, nyu nyayutatela memala lʼandja. Nyu nyayokokola lu lukuki, nyayuta nyati: Khumadiondjo, utudihula. Ku ndi ayunyukaluya diui ati: Dimi haleyi uma lendi uyenyu.

Luka 13:26

Ku nyu nyayutatela mvuta nyati: Shu takalekaka, takanokaka lu ashu aye; we aketshaka antu lu esese asu.

Luka 14:9

Ku one lakaketshi we la ndi, ayukutela ati: Utshikeli untu one dihuli, ku we ayuleka mbosa dihuli diuleki nkitakita la sonyi.

Luka 19:40

Ndi akâkaluya diui ati: Dimi lambunyutela nti: Naka vo wayolembohala, ave wayuhangohango.

Luka 19:9

Jesu akawutela ati: Panda kambuya lu luudu lone elo! ne dia ndu ndi keli kanula ya Abarahama.

Luka 5:21

Afundji la Afarise wakatatela mumbwana vati: Akona one atenga Unyashungu na? Akona eli la wulu wa nyimanyia kolo, naka aha Unyashungu ndame?

Joani 8:33

Vo wakûkaluya diui vati: Tukanula tʼAbarahama mbesu. Shu kundjala fumbi yʼuntu edja ndu kakiane. Ukundi wataye wati: Nyu nyayutshungo?

Joani 8:39

Vo wakûkaluya diui vati: Abarahama keli tshesu. Jesu akawatela ati: Utunduyala tukanula tʼAbarahama mbenyu, tshiki nyututshaka uku akatshaka Abarahama.

Etsha wa Atumami 26:20

Ntundu, dimi lakatela wa la Damaseke, ndu wa la Jerusalema, ndu wa lu leke la Judiya tshe, ndu asi wedja nti: Nyukadimuli etema le Unyashungu. Nyutshaki akambu uku ukadimudinyu etema.

Romo 4:16

Dia dikambu so, daka diatuyalaka uma lu mbetawo dia dio mbekama lu ngandji ka mamba, la dia dio nshiki kala — le tukanula tʼAbarahama tshe. Aha paka le waku watuyelaka elembe, keli ndu le waku weli la mbetawo uku Abarahama, ne dia ndi keli lotshetshe lasu shu tshe.

Romo 9:7

Ndu aha wane tshe weli tukanula tʼAbarahama, mbeli anʼandi, ne dia vo wakatongo uma le ndi. Wakafundi vati: Uma le Isariyele, kayotongo tukanula taye.

Filipi 1:11

la dia nyu ndudiama la elua wʼakambu wʼololo weli uma le Jesu Kristu, ne dia lutumbu la diandu dia Unyashungu.