Luka 3:11 - La Bible en Otetela (Bible K'Ekila) 1991

¹¹ Ndi akâkaluya diui ati: One leli la akoti ahendi, akahani la one laha la koti. One leli la mbu ya nde, atshi pupu.

Luka 3:11 Iomraidhean Croise

Ezekiyele 18:7

naka ndi kuntshela untu ukina kolo, naka ndi akasombola engo kakandasombe, naka ndi kompotola engo lohotola, naka ndi akasha akanga a ndjala mbu ya nde, akalotsha wane waki etakataka ahondo;

Danyele 4:27

Uma lu dikambu so, khumʼekanga etawo aui ami ane. Ukimo ntsha kolo, utshaki ololo; ukimo ehedia aye, ukaki amenyi fono ketshi. Undu we ayokolamela mpumoka lukulu lʼolo.

Mateu 25:40

Khumʼekanga ayakaluya diui ati: Mete kanyutelami ndi: Uku akanyatshela otoi omotshi a wane wuleki tshitshe lʼatei wʼanalingu ane, dimi uku akanyatshela.

Luka 11:41

Keli lamʼayunyusha antu diango la ketshi, nyuwasha diango dieli lʼetei. Nyendi, diango tshe diayela pudipudi le nyu.

Luka 18:22

Keli lamʼakuki Jesu aui aso, ndi akawutela ati: Dikambu otoi mbambutshikala! utusundja dieli la ye tshe, utudikaheli akanga a weula, ku we ayuyala la diango lʼulungu. Kuyi, kundjeli.

Luka 19:8

Zakeyo akemala, akatela Khumadiondjo ati: Ulungi, dimi layusha akanga a weula etenyi ka hendi ka diango diami. Naka lakose engo uma le untu lʼumamanyia, dimi layuwukaluya diango nei nei.

Joani 13:29

Ne dia Judasi aki la tapa, ku amotshi wakakani vati: Jesu ambuwutela ati: Usumbi diango diahumbasu ne dia dambu, kuyanga dia nbisha asi wula engo kemotshi.

Etsha wa Atumami 10:2

Ndi aki untu ololo, akukaka Unyashungu woma, ndi la wa lu luudu landi tshe. Ndi akashaka antu diango efula la ketshi, akalombaka Unyashungu nshi tshe.

Etsha wa Atumami 10:31

Ndi akati ati: Koneliyo, Unyashungu ambuka dombelo diaye. Ndi mbuhoka diango diatuyushanyaka la ketshi.

Etsha wa Atumami 10:4

Ndi akawendi tee, akuki woma; akati ati: Khumadiondjo, nemʼeku? Ondjelo akawutela ati: Dombelo diaye la diango diatuyushanaka la ketshi diambumbela uku euhwelu lu ashu wa Unyashungu.

Efeso 4:28

One latuvaka, tavaki. Keli ndi akambi ulimu, atshi akambu wʼololo lʼanya andi, dia ndi ndjala la diango dia mbisha one lahumba.

1 Timote 6:17

Ewuli akanga wʼengonyi wa lʼetena kene, dia vo tawutakulaki, ndu tawulu-ngamelaki efumbofumbo kʼongonyi, keli walungameli Unyashungu, latutushaka diango tshe ushasha ne dia ntongenyange-nya;

1 Timote 6:18

dia vo ntshela akina ololo, la dia vo ndjala engonyi wa lu elimu wʼololo, la dia vo ndjala la lukahu, ndu wuki akina ketshi.

Heberu 6:10

Ne dia Unyashungu kema kolo, dia ndi mbuhela ulimu anyu la ngandji kakanyenya antu lu lukamba landi, uku akanyakimanyia ekilami, ndu uku atshanyu edja ndu elo.

Jakoba 1:27

Otemwelo weli pudipudi, waha la vadi lu ashu a Unyashungu Shesu, weko okone: ntsho dia ntenda ana wa tshiki la wadi waki edu lu asui awo, la dia untu ndjalama diaha ndi ndjala la akambu wa kolo wa la kete.

Jakoba 2:14

Anyami, waho akona weli le untu naka ndi ambuta ati: Dimi la mbetawo, keli ndi kema la etsha? Mbetawo keso kayeya mbushimbela?

1 Joani 3:17

Keli naka untu eko la diango dia la kete, la ndi mendaka unyandi ahumba, ku ndi ambukikitsha utema, ukundi eli ngandji ka Unyashungu lʼutema andi?

1 Joani 4:20

Naka untu ayuta ati: Dimi latulangaka Unyashungu, ku ndi mpetshaka unyandi, keti kanga kashi kendi. Ne dia untu lahalangi unyandi lenandi, ndi heyi nanga Unyashungu lahandenyi.