Keli olombedi Jehoyada akose oshete a wuki, akatundula wushu lʼufudi awo, akukitsha lʼumamu wʼediakelu lu lunya la pami, lu dihuli diakawotoka utsha lu luudu la Latuyalaka. Elombedi wakalamaka suku, wakadjaka falanga tshe yakawelaka lu luudu la Latuyalaka loko.
Ndi akatundja diango tshe uma lu waumbelu wa lu luudu la Latuyalaka, la uma lu waumbelu wa luudu la khumʼekanga. Ndi akudiudia diango diʼulimu tshe wa paunyi wakatatshi Solomona, khumʼekanga ka Isariyele, lu luudu la Latuyalaka, uku akati Latuyalaka.
Ndi akatole diango tshe diʼulimu dia luudu la Unyashungu, dia waki ndu dia tshitshe, diango uma lu waumbelu wa lu luudu la Latuyalaka, ndu uma lu waumbelu wa khumʼekanga ndu wʼewandji andi utsha la Babilona.
Ku dimi lakakitsha antu ane dia namaka waumbelu: olombedi Shelemiya, ufundji Zadoka, Pedaya, uma lʼatei wʼasi Lewi. Lakawasha ndu Hanana, onʼa Zakura, onʼa Mataniya, ukimanyidi ne dia vo waki tutshundju. Vo waki la ulimu wa nkahanya anengewo diango.
Ku vo wakatshumbi usumba la diango tshe laki loko. Tshikima, fesa, paunyi, la diango tshe diʼehotela la dia mbulu, mbakawotshiya lu eumbelu ka luudu la Latuyalaka.