Luka 2:9 - La Bible en Otetela (Bible K'Ekila) 1991

⁹ Ondjelo wa Khumadiondjo akemala lasuki la wo. Lutumbu la Khumadiondjo lakahetela, ku vo wakuki woma efula.

Luka 2:9 Iomraidhean Croise

1 Khumi ya Dikanga 8:11

edja ndu elombedi kumbeya ntsha ulimu dikambu dia dingi, ne dia lutumbu la Latuyalaka lakaluli lu luudu landi.

Etumbelu 16:10

Kamʼakateketaka Arona la ului tshe wʼasi Isariyele, wenyi ku lutumbu la Latuyalaka lambene lu dingi, lʼusui wa shenga.

Etumbelu 16:7

Ku lui la pindju, nyu nyayena lutumbu la Latuyalaka, ne dia ndi akuki uku wakanyungunangunela. Kakona kesu, katungunangunelanyu?

Isaya 35:2

Mamasongo yako yayoto alembo efula. Ku kete yako yayongenangena, yayimba esambu wʼongenongeno. Yo yayukundja lutumbu la Lebanona, La dimena dia Karamele, ndu dia Sharona. Vo wayena lutumbu la Latuyalaka la dimena dia Unyashungu asu.

Isaya 40:5

Lutumbu la Latuyalaka layenama. Ku antu tshe wayulena kame, Ne dia Latuyalaka kambuta osoku.

Isaya 60:1

We Jerusalema, uneli, osenyami, Ne dia lutumbu la Latuyalaka lambukuhutwela, Ee, usasi aye wambukuma.

Ezekiyele 3:23

Dimi lakunela, lakatshu utsha lʼusui. Enda, lutumbu la Latuyalaka laki leko, uku lutumbu lakamenyi lʼumamu a Kebara, ku dimi lakako ekhukhumadi la kete.

Mateu 1:20

Keli lamʼakandiakanaka dia akambu aso, nyulungi, ondjelo a Khumadiondjo akene le ndi lu do. Ndi akawutela ati: We Josefu, kanula ya Davidi, tukaki woma dia mbosa wadeye Mamya. Ne dia diemi diutshwindi diku, dieli uma le Nyuma kʼOlolo.

Luka 1:28

Ondjelo akayi le ndi, akawutela ati: Moyo! we umbukami a ngandji ka mamba, Khumadiondjo eko la ye.

Luka 2:8

Lu leke loso kaki aiami wʼekoko, waki lʼusui walama ekoko awo lʼutshu.

Luka 24:4

Lamʼakawakananaka dia dikambu diako, apami ahendi wakayemala lasuki la wo, wolotshi ahondo wa ngaingai.

Joani 12:41

Akambu aso mbakati Isaya ne dia ndi akenyi lutumbu landi. Ndi akati dikambu diandi.

Etsha wa Atumami 12:7

Nyulungi, ondjelo wa Khumadiondjo akemala la le ndi, ku usasi akahete lu luudu. Ondjelo akahumela Petero lu luhandju, akawemula; akati ati: Unela esadi! Ku molola wakamo uma lu anya.

Etsha wa Atumami 27:23

Ne dia lʼutshu one, ondjelo wa Unyashungu, one lemi untu andi ndu lakambelami ulimu akayemala lasuki la mi;

Etsha wa Atumami 5:19

Keli ondjelo wa Khumadiondjo akadihula kuki ya luudu la lukanu lʼutshu, akatundja; akawatela ati:

2 Koreto 3:18

Keli shu tshe, lamʼendasu lutumbu la Khumadiondjo la dundji diahakumbami, uku lu lulindu, shu tambuhilwama lu efanelu kandi, uma lu edelu kemotshi utsha lu edelu kekina ka lu lutumbu, uma le Khumadiondjo leli Nyuma.

2 Koreto 4:6

Ne dia Unyashungu akati ati: Usasi wayoheta uma lu udjima, vo wamboheta lʼetema asu, ne dia ntusha usasi wa mbeya lutumbu la Unyashungu lʼelundji ka Jesu.

1 Timote 3:16

Aha tamu, ne dia dikambu diushami dia otemwelo asu dieko wuki, ati: Unyashungu akenama lu cunha, Akayindjama le Nyuma, Akenama le andjelo, Akasambishama lʼatei a wedja, Aketawoma le wa la kete, Akalungwama utsha lʼulungu lu lutumbu.

Heberu 12:21

Enelo keso kakaleki mbutsha antu woma, okone Mose akati ati: Dimi lambutamanya mbuka woma la lukumba.

Enyelo 18:1

Lʼokongo wʼakambu aso, dimi lakenyi ondjelo ukina ayahulo uma lʼulungu aki la diulelu dia wuki. Ku kete yakahete la lutumbu landi.

Enyelo 20:11

Dimi lakenyi kiti ka wuki ka wema ka diulelu, ndu one lakadjashi loko; ulungu la kete wakamo uma lu ashu andi. Dihuli diawo kuntanema ntu.