Luka 2:41 - La Bible en Otetela (Bible K'Ekila) 1991

⁴¹ Ambutshi wa Jesu wakatshokat i eleku la eleku la Jerusalema lu dikambu dia lushi la wuki lʼElekanelu.

Luka 2:41 Iomraidhean Croise

Etumbelu 12:11

Wuhu one mbayunyole: eya lu kendi yanyu, tupapa lʼekulu anyu, ekalimba anyu lu anya anyu. Kanyuli shamanyashamanya. Dambu diʼelekanelu ka Latuyalaka so.

Etumbelu 12:14

Lushi lako, layuyala lushi lʼeuhwelu le nyu, kanyululamaki uku lushi la wuki le Latuyalaka. Kanyuluhoki, ndu nyu ndu tukanula tanyu ta lolonga la lolonga, pundju.

Etumbelu 34:23

Apami tshe kawenamaki la ntundu ka Khumadiondjo, Latuyalaka, Unyashungu wa Isariyele, tena satu lʼeleku.

Akambu wʼAsi Lewi 23:5

Elekanelu ka Latuyalaka, kayuyalaka la dikolo dia lushi la dikumi lʼanei la ngondo ka ntundu.

Walelu 28:16

Lushi la dikumi lʼanei la ngondo ka ntundu, layuyalaka lushi lʼelekanelu ka Latuyalaka.

Luka 2:42

Lamʼakindi la deku dikumi la pendi, vo wakatshu leko uku aki etshelu kawo ka lushi la wuki lako.

Joani 11:55

Elekanelu kʼasi Juda kaki lasuki. Antu efula wakamo lu beke diawo. Vo wakatshu la Jerusalema la ntundu ka Elekanelu dia ntuyaedia.

Joani 13:1

La ntundu ka dambu diʼElekanelu, Jesu akeyi ati: Etena kami kambukuka ka dimi mumo uma la kete nye utsha le Papa, uku akandalangi antu andi la kete, osoku mbakandalangi edja ndu lʼekumelu.

Joani 2:13

Elekanelu ka asi Juda kaki lasuki, ku Jesu akatshu la Jerusalema.

Joani 6:4

Elekanelu, dambu diʼasi Juda, aki lasuki.

Euhwelu kʼElembe 12:11

Ku Latuyalaka, Unyashungu anyu, ayosonola dihuli dimotshi dia nkitsha lukumbu landi leko. Leko kayunyutukimoka kene tshe kamumunyudjangela: elambu anyu wa lutshumba, la elambu anyu ekina, tenyi dianyu dia dikumi, laelonga anyu la elambu anyu wa daka, wayunyukimoka le Latuyalaka, dia nshidiya alaka anyu.

Euhwelu kʼElembe 12:18

Keli kanyuyilekaki, nyu la anʼanyu wʼapami la anʼanyu wʼamantu, ekambi anyu wʼapami la ekambi anyu wʼamantu, ndu asi Lewi lʼatei wʼesumba anyu, la ntundu ka Latuyalaka, Unyashungu anyu, lu dihuli diayundosonola. Ku kanyongenengene la ntundu ka Latuyalaka, Unyashungu anyu, lu elimu tshe watunyutshaka lʼanya anyu.

Euhwelu kʼElembe 16:16

Apami tshe lʼatei anyu, kawenamaki la ntundu ka Latuyalaka, Unyashungu anyu, tena satu lʼeleku lʼeleku, lu dihuli diayundosonola: lu lushi la wuki la ma diaha la edya, lu lushi la wuki la bingu, ndu lu lushi la wuki la tusamvusamvu. Vo tawenamaki lʼanya hwe la ntundu ka Latuyalaka.

1 Samuele 1:21

Elekana la khumbu kandi wakatshu dia ntulambula Latuyalaka ulambu wakawalambulaka eleku lʼeleku, ndu dia ntushidiya dokoloko diandi.

1 Samuele 1:3

Pami kako akunelaka uma lʼusumba andi lʼeleku lʼeleku utsha la Shilo, dia ntotemola Latuyalaka, Kanga lulimbilimbi, la dia ntulambula elambu. Leko kaki ana apami ahendi wa Eli: Hofeni la Finehasi, elombedi wa Latuyalaka.