Luka 2:4 - La Bible en Otetela (Bible K'Ekila) 1991

⁴ Ndu Josefu akatshu uma la Ngalili, uma lʼusumba wa Nazareta, utsha la Judiya, utsha lʼusumba wa Davidi, wetawo vati: Betelehema,

Luka 2:4 Iomraidhean Croise

Etatelu 35:19

Ratshele akavu, wakukhunde lu mbuka kʼutsha la Efarate, wetawo vati: Betelehema.

Etatelu 48:7

Lamʼakamayakalulaka uma la Padana, Ratshele akayuvo lu mbuka lu kete ya Kanana, eki tshalula uma lʼEfarate. Ku dimi lakukhunde lu mbuka kʼutsha lʼEfarate (we-tawo vati: Betelehema).

Mika 5:2

Keli we Betelehema, Efarata, Leli tshitshe lʼatei a wauhu wa Juda, Uma le ye kayutumba one layuyala Umbuledi lu Isariyelea dikambu diami, Ndi akatongo umaka nshi yʼediedja, umaka mombokombola.

Mateu 1:20

Keli lamʼakandiakanaka dia akambu aso, nyulungi, ondjelo a Khumadiondjo akene le ndi lu do. Ndi akawutela ati: We Josefu, kanula ya Davidi, tukaki woma dia mbosa wadeye Mamya. Ne dia diemi diutshwindi diku, dieli uma le Nyuma kʼOlolo.

Mateu 2:23

Ndi akayi, akayudjase lu ngelu ketawo vati: Nazareta. Dikambu so diakayala dia nshidiya diui diakati amvutshi vati: Wayuweta vati: Usi Nazareta.

Luka 2:3

Antu tshe wakatshu dia ntufundama, untu lakawo, untu lakawo.

Luka 2:5

ndi la Mariya lakandambela, laki la diemi.

Luka 4:16

Jesu akayi la Nazareta, lene akanduli. Ndi akoto lʼetemwelo lushi lʼekila, uku aki etshelu kandi. Ndi akemala dia mbala mukanda a Unyashungu.

Joani 1:46

Ku Natanyele akawumbula ati: Engo kʼololo mbeyaka ndja uma la Nazareta uka? Filipo akawutela ati: Yaka yendi.

Joani 7:42

Undi, efundelu hati ati: Kristu ayuyala kanula ya Davidi, ayuya uma la Betelehema, lu ngelu kaki Davidi?

Ruta 1:19

Vo ahendi wakakimela mbuka, wakatukuma la Betelehema. Lamʼakawakumi, la Betelehema, asi usumba tshe wakasakanela; wakambwana vati: Aha Naomi uku?

Ruta 2:4

Etena kako, Boaza akayi uma la Betelehema, akemula amunyi ati: Latuyalaka ayali la nyu! Ku vo waketawo vati: Latuyalaka ako-tshokole!

Ruta 4:11

Ku dihangamendi la antu tshe waki laawo, waketawo vati: Shu tambuyala emenyi lu dikambu ne. Latuyalaka ete umuntu one, lamboto lu luudu laye, uku Ratshele la Lea, amantu ahendi wakatungi khumbu ka Isariyele Kongone lu Efarata, kuyali kanga lukumu lu Betelehema.

Ruta 4:17

Amantu, asukanyi andi, wakati vati: Naomi ambuta ona pami! Ku wakawole lukumbu vati: Obede. Obede ako kakuti Jese, shi Davidi.

1 Samuele 16:1

Latuyaʼaka akambula Samuele ati: Edja ndu kaandi ayuyukimo ndela lu dikambu dia Saulu? Dimi lambutuna dia ndi mbulela Isariyele ntu. Uludia iso too lu luseki laye. Uneli, layukutuma le Jese, usi Betelehema. Dimi lambuyasonwela khumʼekanga uma lʼatei wa anʼandi wʼapami.

1 Samuele 16:4

Samuele akatshi uku akawutela Latuyalaka, akakumi la Betelehema. Dihangamendi diʼusumba wakalawo dia ntulungula wadidima. Vo wakawumbula vati: Ngandi, we ambuya la ki?

1 Samuele 17:12

Davidi aki onʼa Jese, usi Efarayima, wa la Betelehema ka la Juda. Jese aki la ana apami enanei. Ndi aki usumbi a lukusumbi lu nshi ya Saulu.

1 Samuele 17:58

Saulu akawumbula ati: Olongo, onʼa na eye? Ku Davidi akûkaluya diui ati: Onʼa ukambi aye Jese, usi Betelehema, kemi!

1 Samuele 20:6

Naka sho ayumumbula, kuwuteli wati: Davidi akanombe wulu wa ntsho lʼusumba awo, la Betelehema, dia ntulambula ulambu wʼeleku, ndi la khumbu kandi kame.