Luka 2:10 - La Bible en Otetela (Bible K'Ekila) 1991

¹⁰ Ondjelo akawatela ati: Tanyukaki woma. Nyulungi, lambunyela lukumu lʼololo lʼongenongeno a wuki wayuyila le antu tshe,

Luka 2:10 Iomraidhean Croise

Etatelu 12:3

Dimi layotshokola wane wayukotshokola, la layudja wane wayukudja mananu mananu. Wedja tshe wa la kete wayotshokwama uma lu dikambu diaye.

Isaya 40:9

We umvutshi wa kumu yʼololo lu Siona, Umbeli lʼukungu wʼutali, dia diui diaye wulu. We umvutshi wa kumu yʼololo lu Jerusalema, Edia diui, tukaki woma. Uteli esumba wa Juda wati: Nyendi Unyashungu anyu.

Isaya 41:27

Dimi kakatatela mvutela wa la Siona nti: Vo ane, vo ane! Ndu le Jerusalema nti: Dimi lambukutumela dikendji dia kumu yʼololo.

Isaya 49:6

Kakiane ndi ambuta ati: Eko dikambu dia tshitshe dia we ndjala ukambi ami, Dia mbulula wedja wa Jakoba, La dia nkaluya atshikadi wa Isariyele. Kakiane dimi lambukete usasi le asi wedja, Dia we nkumia panda kami lu kuma ya la kete.

Isaya 52:10

Latuyalaka akakumbula dihondo lu lunya landi lʼekila, Akalusunula la ntundu ka wedja tshe. Ku kuma tshe ya la kete yambena panda ka Unyashungu asu.

Isaya 52:7

Ndi amena weli ekulu wʼomembi wa kumu yʼololo lʼekungu li! Ee, dikendji diatudianganyaka lukumu la ki, Latelaka kumu yʼololo, diatudianganyaka lukumu la panda, Diatutelaka Siona ati: Unyashungu aye uleli!

Isaya 61:1

Nyuma ka Khumadiondjo, Latuyalaka keli la mi, Ne dia Latuyalaka akankiti iso Dia dimi nsambisha amenyi fono lukumu lʼololo. Ndi akantumi dia dimi nkonoya akanga wʼetema wambate, Dia mvutela fumbi dia vo ndjala la ndjadjasela, La dia mvutela asi lukanu dia vo ntshungo;

Danyele 10:19

Ku ndi akamvutela ati: We untu lalangema efula, ki kayali la ye, tukaki woma; ukikitali, uyali la dihunga. Lamʼakandateketa la mi, dimi lakakikitala; lakati nti: Khumemi, otekete, ne dia we ambunkikitsha.

Zekariya 9:9

We ona umuntu a Siona, ongenengene utamanya! Ona umuntu a Jerusalema li, udi tukuku tʼongenongeno! Enda khumʼekanga kanyu ambuya uya le nyu. Ndi eko ololo ndu eko la panda. Ndi eko la ndjakitshakitsha, Ayahemi ladiku dia punda, Ladiku diʼona osongo wa punda.

Mateu 14:27

Keli kemʼedja, Jesu akawatela ati: Nyongenengene; dimʼone; tanyukaki woma.

Mateu 28:18

Jesu akayi le wo, akawatela ati: Wakambisha wulu tshe ndu lʼulungu ndu la kete.

Mateu 28:5

Keli ondjelo akatela amantu ati: Tanyukaki woma; ne dia dimi mbeyaka ndi: Nyu nyambuyanga Jesu, lakawadiaki lu utamba a mpeketanya.

Mako 1:15

Ndi akataka ati: Etena kambukuka, diulelu dia Unyashungu diaya suki. Nyukadimuli etema, nyetawo lukumu lʼololo.

Mako 16:15

Ndi akawatela ati: Nyutshu lu kete tshe, nvusambisha antu tshe lukumu lʼololo.

Luka 1:13

Keli ondjelo akawutela ati: Zekariya, tukaki woma, dombelo diaye diambukema. Wadeye Elisabete ayuta la ye ona pami, kuwole wati: Joani.

Luka 1:19

Ondjelo akâkaluya diui ati: Dimi, Ngabiriyele, latemalaka la ntundu ka Unyashungu, lambutumama dia ndjukutela, ndu dia nkela lukumu lʼololo lone.

Luka 1:30

Ku ondjelo akawutela ati: Mariya, tutaki woma, ne dia we ambukama ngandji ka mamba uma le Unyashungu.

Luka 2:11

ne dia wambunyutela Ushimbedi lu ngelu ka Davidi elo. Ndi eli Kristu Khumadiondjo.

Luka 24:47

la dia nsambisha wedja tshe dikambu dia ekadimwelu kʼetema la edimanyelu ka kolo lu lukumbu landi, atateli uma la Jerusalema.

Luka 8:1

Lʼokongo diku, Jesu akatakindulaka lʼesumba ndu lu ngelu, atasambisha lukumu lʼololo la diulelu dia Unyashungu, ndu ambeki dikumi la ahendi waki la ndi.

Etsha wa Atumami 13:32

Tambunyela lukumu lʼololo la daka diakawalaki watshesu,

Romo 10:15

Ukundi eyawo nsambisha, lamʼahawatatumama? Uku akafundama ati: Ndi amena weli ekulu a wane wasambisha lukumu lʼololo li!

Efeso 3:8

Dimi ako luleki ekilami tshe nkitakita, kakawasha ngandji kene ka mamba dia nsambisha asi wedja ongonyi wa Kristu waheyama mbedika,

Kolosai 1:23

naka nyu nyayutetemala lu mbetawo, naka nyayuyashikike, naka hanyunganyiama uma lʼelungamelu ka lukumu lʼololo lakanyuki, lakasambishama lʼetungelu tshe la tshina diʼulungu, ndu lakamayala, dimi Paulu, usambisha alo.