Luka 10:2 - La Bible en Otetela (Bible K'Ekila) 1991

² Ndi akawatela ati: Dinela dieko efula, ken ekambi mbeli tshitshe; okone nyolombe uwandji a dinela, dia nyutumela ekambi lu dinela diandi.

Luka 10:2 Iomraidhean Croise

1 Khumi ya Dikanga 18:22

Ku Elidja akatela wudja ati: Dimi dime utu kambutshikala lʼatei wʼamvutshi wa Latuyalaka, keli amvutshi wa Bala weko kama nyei la akumi atanu.

Esambu 68:11

Khumadiondjo katukimoki didjangu. Ndi ului a wuki wakadidianganya vati:

Jeremiya 3:15

Dimi layunyusha alami weli la etema uku wami. Vo wayunyuleshaka la ewu la yimba.

Zekariya 11:17

Mananu kayali le ulami wʼekoko wʼanyanya Latutshikaka limba lʼekoko. Yombo yakote lunya landi, Ndu yakote su diandi dia lunya la pami. Lunya landi lumi tu, Su diandi dia lu lunya la pami diayali tshungu tshu.

Zekariya 11:5

Wane watesumbaka, wetediakaka aha la unungu; wane watesundjaka, watutaka vati: Latuyalaka atumbwami! ne dia shu tambuyala akanga wʼengonyi; alami awo hita, hawuweuki ketshi.

Walelu 11:17

Ku dimi layuhulo dia ndjusawula la nyu leko. Dimi layosa wuhu wa nyuma weli la ye, layuwashato. Ku vo wayembaka la ye wutshu a wudja one, diaha weme mbemba.

Walelu 11:29

Keli Mose akûkaluya diui ati: We ambumbukelawo kandjema? Dimi nkumbulaka dia antu wa Latuyalaka tshe ndjala amvutshi. Dimi nkumbulaka dia Latuyalaka mbasha nyuma kandi.

Mateu 20:1

Diulelu dia lʼulungu dieli uku kanga luudu, lakatshu kʼolomo la pindju dia ntuyanga asi ulimu, dia vo ndijukambela lu ekambo kandi kʼelua.

Mako 13:34

Dikambu diako dieko uku untu lakatshu lu kete kina, lakatshiki luudu landi, lakasha ekambi andi okende, lakakahela ulimu untu lʼuntu, lakatela ndu ulami wa suku ati: Ulamaki ngelu ololo!

Mako 16:15

Ndi akawatela ati: Nyutshu lu kete tshe, nvusambisha antu tshe lukumu lʼololo.

Mako 16:20

Ku vo wakatshu, wakasambisha lukumu lʼololo lu ahuli tshe. Khumadiondjo akakambaka kame la wo, akikitsha diui la tulimbitelu takayelaka esambishelu kadio. Ayali osoku!

Luka 9:1

Jesu aketi ambeki dikumi la ahendi, akawasha wulu wa mbahamela edienge tshe la dia nkonoya hemo.

Etsha wa Atumami 11:19

Wane wakahandjo ne dia asui wakayala dia nyoi ka Stefano, wakatshu la Fonikiya la Kupiro la Atiyoka. Vo kumvutela nduku untu diui, tshikima asi Juda atu.

Etsha wa Atumami 13:2

Lamʼakawakambela Khumadiondjo ulimu, ndu lamʼakawakili mbu ya nde, Nyuma kʼOlolo akati ati: Nyonsonwele Baranaba la Saulu dia ulimu wakamawaeti.

Etsha wa Atumami 13:4

Okone Baranaba la Saulu wakatshu la Selukiya. Vo wakamo uma leko, wakateho la Kupiro.

Etsha wa Atumami 20:28

Nyuyalami ololo, ndu nyulami limba tshe ololo, wako wakanyukitsha Nyuma kʼOlolo alami, dia nyu ndesha ekelizia wa Khumadiondjo, wakandasumbi la dikila diandi.

Etsha wa Atumami 22:21

Ndi akamvutela ati: Umo. Dimi layukutuma etali le asi wedja.

Etsha wa Atumami 8:4

Wane wakadiangana, wakakindula lu dihuli la dihuli, watasambisha diui dia lukumu lʼololo.

1 Koreto 12:28

Unyashungu ambukitsha amotshi lu ekelizia, ntundu atumami, la hendi amvutshi, la satu embetsha ku atshi wʼakambu wa mamba, ku akonodi la ekimanyidi la embuledi, la ateketshi a wehu wʼeteketa.

1 Koreto 15:10

Keli ne dia ngandji ka mamba ka Unyashungu, mbemi uku wemi one; ngandji ka mamba kandi kakandambisha, taki anyanya. Keli dimi lakaleki tshe ntsha ulimu efula, aha dime, keli ngandji ka mamba ka Unyashungu kaki la mi.

2 Koreto 6:1

Shu tatukambaka kame la Unyashungu, tambunyosengasenga shati: Tanyulungulaki ngandji ka mamba ka Unyashungu anyanya;

Filipi 2:21

Ne dia vo tshe watuyangaka akambu awo, aha akambu wa Jesu Kristu.

Filipi 2:25

Keli lakakani nti: Dieli la mi dia nyutumela Epaforodito, onalingu ndu ukambi la dimbi, kame la mi ndu dikendji dianyu la ukimanyidi wʼehumba ami,

Filipi 2:30

ne dia ndi akayala lasuki la nyoi dia ulimu wa Kristu. Ndi akayakimo lasʼeku la nyoi dia nkutsha kene kakahumbama lʼulimu anyu le mi.

Kolosai 1:29

Dia dikambu ne, mbatumutshaka ulimu wulu, mbatumuhimbaka ntsha ulimu andi la wulu ami tshe watundumbishaka.

Kolosai 4:12

Epafara, usikanyu, ukambi a Kristu, ambunyutumela moyo. Ndi atunyolombelaka, dia nyu nduwana la ndjala la elungamelu ka wulu lu lulangu tshe la Unyashungu.

1 Tesalonika 2:9

Anyasu, nyu mbuhoka ulimu asu la pa kasu; shu takakambaka utshu la yanyi, dia shu tatukunyuyalela wutshu. Okone takanyusambishaka lukumu lʼololo la Unyashungu.

1 Tesalonika 5:12

Anyasu, tambunyosengasenga dia nyu mbeya wane watutshaka ulimu lʼatei anyu, weli ladiku dianyu le Khumadiondjo, watunyewulaka.

2 Tesalonika 3:1

Anyasu, diui diami dia ndjihelu ne nti: Nyutolombelaki, dia diui dia Khumadiondjo diadiangani ndu diatumbwami, uku atumbwamadio lʼatei anyu;

1 Timote 4:10

Dia dikambu ne mbatshasu ulimu, ndu mbatetemalasu le dia shu teko la elunga-melu kasu le Unyashungu wa lumu, leli Ushimbedi wʼantu tshe, djekaleka le wane wetawo.

2 Timote 4:5

Keli we, uyakimeli lu akambu tshe, enaki pa, utshaki ulimu wʼusambisha, ukutshaki ekambelu kaye.

Filemona 1:1

Paulu, usi lukanu la Kristu Jesu, la Timote unyasu. Le Filemona, unyasu ukambi a ngandji,

Heberu 3:6

Keli Kristu aki ladiku dia luudu la Unyashungu uku ona. Shu teli uku luudu landi, naka shu tayushikikala lu dihunga diasu, lu lutumbu ndu lu elungamelu kasu edja ndu lʼekumelu.

Enyelo 2:1

Ufundeli ondjelo wʼekelizia ka lʼEfeso wati: Aui wa one latukimelaka toto esambeli lu lunya landi la pami, latokendakendaka lʼatei a dikitshelu dia paunyi esambeli diʼatala ane.