Luka 10:1 - La Bible en Otetela (Bible K'Ekila) 1991

¹ Lamʼaketi akambu aso, Khumadiondjo akasonola akina akumi esambeli, akatumi ahendi ahendi la ntundu kandi lu esumba tshe ndu lu ahuli tshe wakandalangi ntsho.

Luka 10:1 Iomraidhean Croise

Ezekiyele 8:11

Apami akumi esambeli uma lʼatei a dihangamendi dia khumbu ka Isariyele wakemala la ntundu kadio. Kʼatei awo kakemadi Jazaniya, onʼa Shafana. Untu tshe akakimela lukinga landi la ntshumba malashi lu lunya, ku dinga dia malashi diakambela.

Walelu 11:16

Latuyalaka akatela Mose ati: Usanganya apami akumi esambeli uma lʼatei a dihangamendi dia Isariyele la ntundu kami. Osonole wane weyaye wati: Dikumanyi la elombodi a wedja mbewo. Kuyi la wo la luudu lʼesanganelu la dipema, kawuyemali kame la ye leko.

Luka 1:17

Ndi ayokendakenda la ntundu ka Unyashungu Lu nyuma ndu lu wulu wa Elidja, Dia nkadimula etema wa washi le anʼawo La dia nkadimula akanga wa uhedia lu yimba yʼantu wʼololo, Ne dia ntanya Khumadiondjo antu wolongoswami.

Luka 1:76

Ee, ndu we ona, wayuketa vati: Umvutshi a KhumʼUlungu, Ne dia we ayutsho la ntundu ka Khumadiondjo Dia nongosola mbuka yandi.

Luka 7:13

Lamʼakawenyi Khumadiondjo, ndi akawuki ketshi; akawutela ati: Tulelaki.

Luka 7:19

Ku Joani aketi ambeki andi ahendi. Ndi akatumi le Jesu dia ntuwumbula vati: We keli ndʼako layayi, kana tukungeli ukina?

Luka 9:52

Ndi akatumi akendji la ntundu kandi. Vo wakatshu, wakakumi lu ngelu kʼasi Samariya la ntolongoswela akambu.