Luka 1:8 - La Bible en Otetela (Bible K'Ekila) 1991

⁸ Lamʼakandatshaka ulimu andi wʼolombedi la ntundu ka Unyashungu la lushi la lushi,

Luka 1:8 Iomraidhean Croise

1 Ekondo 24:19

Osoku mbakawalongama lʼelimu awo dia mbotoka lu luudu la Latuyalaka uku olembe wakadji tshewo Arona, uku akawutela Latuyalaka, Unyashungu wa Isariyele.

1 Ekondo 24:2

Keli Nadaba la Abihu wakavu la ntundu ka shewo atavu, vo kumbuta ana. Okone Eleazara la Itamara mbakatshaka ulimu wʼolombedi.

2 Ekondo 11:14

Asi Lewi wakatshiki etshimba awo, etenyi kawo kʼukito, wakayi uya la Juda la Jerusalema, ne dia Jeroboama la anʼandi wakashimbi dia vo ntshela Latuyalaka ulimu awo wʼolombedi.

2 Ekondo 31:19

Lu dikambu diʼasika Arona, elombedi wakadjase lʼesui wa lʼetshimba, wakasonola apami wakawafundi kumbu dia nkahanya diango le apami tshe lʼatei wʼelombedi ndu le asi Lewi tshe wakafundama kumbu uku autwelu awo.

2 Ekondo 31:2

Hezekiya akakitsha elombedi wʼasi Lewi lu elui awo, untu lʼuntu uku ulimu andi dia nambulaka elambu wa lutshumba, elambu wa ki, dia mbuka Latuyalaka lusaka, la dia mbandula lu asuku wa pangu kandi.

2 Ekondo 8:14

Ndi akadji elombedi lu elui awo wʼulimu uku akadjanga Davidi, shi, ndu asi Lewi lu elimu awo wa mandulaka la wa ntshaka elimu wa la lushi la lushi la ntundu kʼelombedi uku ehumba. Ndi akadji ndu alami wʼasuku lu ahuli awo lu asuku tshe; ne dia osoku mbakati Davidi, umvutshi a Unyashungu.

Ezera 6:18

Vo wakakitsh? elombedi lu elui awo, lʼasi Lewi lu elui awo, dia nkambela Unyashungu leli la Jerusalema ulimu, uku wufundami lu buku dia Mose.

Etumbelu 28:1

Ose onanyo Arona la anʼandi wʼapami, Nadaba, Abihu, Eleasara la Itamara uma lʼatei wʼasi Isariyele, uwakitsha lasuki la ye, dia vo nkambelami ulimu wʼolombedi.

Etumbelu 28:41

Kuwelotsha onanyo Arona la anʼandi wʼapami weli la ndi. Kuwakiti iso, kuwasonole, kuwakidia, dia vo nkambelami ulimu wʼolombedi.

Etumbelu 29:1

Kutshi okone dia mbakidia, dia vo nkambelami ulimu wʼolombedi. Kose osongo a ngombe otoi wʼumi la waumi wʼekoko ahendi waha la ekomo.

Etumbelu 29:44

Dimi layukidia luudu lʼesanganelu la dipema, ndu ediakelu. Layukidia ndu Arona la anʼandi wʼapami dia vo nkambelami ulimu wʼolombet

Etumbelu 29:9

Kolotsha Arona la anʼandi wʼapami eya. Kukeleki tufulefule lʼete wa anʼandi. Vo mbayuyala akanga wʼulimu wʼolombedi uma lʼolembe wa pundju. Osoku mbayuyukidia Arona la anʼandi wʼapami.

Etumbelu 30:30

Kukiti Arona la anʼandi wʼapami iso, kuwakidia, dia vo nkambelami ulimu wʼolombedi.

Walelu 18:7

Keli we la anʼaye wʼapami weli la ye nyayutshaka ulimu anyu wʼolombedi la engo tshe keli lʼediakelu, ndu keli lʼedia dihondo diʼatanyelu. Elimu eso mbayunyutshaka. Dimi lambunyusha ulimu wʼolombedi hwe ushasha, la untu kʼuntu tshe layusukana, ayudiakema.

Luka 1:5

Lu nshi ya Herode, khumʼekanga ka Judiya, olombedi omotshi akiko, lukumbu landi Zekariya. Ndi aki lʼonongo wa Abidja Wadendi aki kanula ya ana amantu wa Arona, lukumbu landi Elisabete.

Luka 1:7

Vo tawaki la ona, ne dia Elisabete aki ekumba. Vo ahendi waki esumbi.