Joele 3:7 - La Bible en Otetela (Bible K'Ekila) 1991

⁷ Diako mtayumuwanya uma lʼahuli wa-kanyasundja, ku dimi layukaluya esombweyo kanyu lʼete anyu.

Joele 3:7 Iomraidhean Croise

Esta 7:10

Ku vo wakahane Hamana lʼutamba wakandalongosola dikambu dia Morodekai. Kele ka khumʼekanga akakitakita.

Isaya 11:12

Ndi ayuhane djimbitelu ya wedja; Ndi ayusanganya asi Isariyele wakatshanyema. Ndi ayomotsha asi Juda wakadianganyema Uma lu kuma nyei ya kete.

Isaya 49:12

Enda, vo wayuya uma lʼetali: Amotshi uma la ngelʼa kushi, Ndu uma lʼedjelu ka unya, La akina uma lu kete ya Sinime.

Isaya 66:6

Nyulungi diui so diambutumba uma lʼusumba. Diui diako diambutumba uma lʼetemwelo, Dio dieli diui dia Latuyalaka, Latufutaka atunyi andi difutu diawo.

Jeremiya 23:8

Keli wayutaka vati: Uku eli Latuyalaka, lakela tukanula ta khumbu ka Isariyele uma lu kete ya la ngelʼa kushi ndu uma lu kete tshe yakandawatshanya la lumu! Vo wayudjase lu kete yawo.

Jeremiya 30:10

Okone tukaki woma we ukambi ami Jakoba, Tateki asulu, we Isariyele, Ne dia dimi layukushimbela uma lu kete yʼetali, La tukanula taye uma lu kete yewo lu lohombo. Jakoba ayukalula, Ayuyala la mumuya ndu la ki, Ku nduku untu layohenyahenya, mbata Latuyalaka.

Jeremiya 30:16

Waku tshe watukolekaka, wayolema. Atunyi aye tshe otoi lʼotoi ayotolama lu fumbi. Waku watukumbaka la diango, wayumbama. Waku tshe watukundaka lu fumbi, Dimi layakimo lu fumbi.

Jeremiya 31:8

Enda, dimi layuwaela uma lu kete ya la ngelʼa kushi, Layasanganya uma lu kuma ya kete. Lʼatei awo Keli kanga tshungu, kanga etshumbi, Umuntu kanga diemi, la one latata lono. Vo wayukalula ului a wuki lindu.

Jeremiya 32:37

Nyuki, dimi layasanganya uma lu wedja tshe, lene akamawatshanya, lu yenyi yami, lu kele kami ndu lʼududu ami wa mamba. Dimi layakaluya uya lu dihuli ne, layadjasha loko la lutui tshitshi.

Ezekiyele 36:24

Dimi layunyutundja uma lʼatei a wedja, layunyusanganya uma lu kete tshe, ku layunyukaluya lu kete yanyu hita.

Ezekiyele 38:8

Lʼokongo wa nshi efula, dimi layuya le ye. Ku lu deku diayayi, we ayutsho dia ntolosha wudja wakasanganyema uma lu wedja, lu ekungu wa Isariyele wakatetemala nanyema. Keli wakawaela uma lu wedja, vo tshe wayudjase la lutui tshitshi.

Joele 3:4

Kakona kasami la nyu, we Tura la Sidona, ndu nyu beke tshe dia Filistiya? Undi, nyu nangaka somboyami? Naka nyu nyayosomboya, dimi layukaluya esombweyo kanyu lu ete anyu esadi a wulu.

Zekariya 9:13

Ne dia dimi lakayalemela Juda uku uta, Lakete Efarayima uku pitu yawo, Dimi layunyia anʼaye, we Siona, Dia vu ndo lʼana wa Ngirika. Dimi layukete uku yombo ya pami ka wulu.

Mateu 7:2

Ne dia wayala akambu anyu uku walanyu akambu awo. Wayunyedikela diango uku awaedikelanyu.

2 Tesalonika 1:6

naka dieko ololo dia Unyashungu nsuya wane watunyusuyaka,

Jakoba 2:13

Ne dia elumbwelu kaha la ketshi kayuyala le one lahukana ketshi; ketshi kambuleka elumbwelu wulu.

Enyelo 13:10

Naka untu eko la dia mundama lu fumbi, Dieli la ndi dia ntsho lu fumbi. Naka untu ambudiaka untu la yombo, Dieli la ndi dia ndjakema la yombo. Dikambu so mbeli leta lʼetetemalu la mbetawo ka ekilami.

Enyelo 16:6

Ne dia vo wakatshulula dikila dia Ekilami ndu dia amvutshi, We akawasha dikila dia vo no. Vo mbukuki dino!

Enyelo 19:2

Ne dia dumbwelu diandi dieko usimbwi la mete! Ndi akalumbuya umuntu kanga luseka la mamba, Lakalanya kete kʼutundu la munanyi kandi. Ndi akosomboya dia dikila diʼekambi andi.

Embadi 1:7

Adoni-Bezeke akati ati: Khumi ya dikanga akumi esambeli yakahimbwama waumi wa pita wa lʼanya ndu wa lʼekulu, wakatongonaka fusa ya ma la tshina dia mesa ami. Unyashungu ambuntshela uku akamatshaka. Vo wakatshu la ndi la Jerusalema. Ku ndi akatuvo leko.

1 Samuele 15:33

Samuele akawutela ati: Uku akatshikia yombo yaye ana anyengewo, osoku mbayutshikala nyo lʼatei wʼamantu aha la ona. Samuele akatshatsha Anganga betshi betshi la Ngilingala, la ntundu ka Latuyalaka.