Joele 3:5 - La Bible en Otetela (Bible K'Ekila) 1991

⁵ Nyu nyakose fesa yami la paunyi yami, nyakatole diango diami diʼamena ndu diʼushinga a wulu.

Joele 3:5 Iomraidhean Croise

2 Khumi ya Dikanga 12:18

Jehoashi, khumʼekanga ka Juda, akose diango tshe diʼekila diakatakidisha washi: Jehoshafata, Jorama, la Ahaziya, khumi ya dikanga ya Juda, la ne diakandakidia ndame, ndu paunyi tshe yaki lu waumbelu wa lu luudu la Latuyalaka, ndu wa lu luudu la khumʼekanga, akayitumela Hazaele khumʼekanga ka Suriya, ku Hazaele akamo uma la Jerusalema.

2 Khumi ya Dikanga 16:8

Ahaza akose fesa la paunyi yakandatani lu luudu la Latuyalaka ndu lu waumbelu wa luudu la khumʼekanga, akayitumela khumʼekanga kʼAsuriya ushasha.

2 Khumi ya Dikanga 24:13

Ndi akatundja diango tshe uma lu waumbelu wa lu luudu la Latuyalaka, la uma lu waumbelu wa luudu la khumʼekanga. Ndi akudiudia diango diʼulimu tshe wa paunyi wakatatshi Solomona, khumʼekanga ka Isariyele, lu luudu la Latuyalaka, uku akati Latuyalaka.

Isaya 11:11

Lushi lako, Khumadiondjo ayusimbula lunya landi etena ka hendi dia nshimbela atshikadi wa lu wudja andi wakadiangana lu Asuriya, ndu lʼEdjibitu, la Patorose ndu la Etiyopiya, la Elame, la Shinare ndu la Hamata, ndu lu asenga wa lu ashi a waki.

Jeremiya 23:7

Okone Latuyalaka kata ati: Nyulungi, etena kayuyala, kahutaka antu vati: Uku eli latuyalaka, lakatundja asi Isariyele uma lu kete ya Edjibitu la lumu!

Jeremiya 50:28

Nyuki tukuku tʼandawi! Vo wambulawo uma lu kete ya Babilona dia ntuta lukumu lʼesombweyo ka Latuyalaka, Unyashungu asu, lu Siona, ee, esombweyo dia etemwelo kandi!

Jeremiya 51:11

Nyoketemole akhuwa! Nyukimeli dingawu. Latuyalaka ambutshutshiya, ndu ambuhashahasha tukanyi ta khumi ya dikanga yʼasi Mediya, ne dia ndi ambusanguya nanya Babilona. Oso eli esombweyo ka Latuyalaka, ee, esombweyo ka etemwelo kandi!

Ezekiyele 37:12

Okone usambisha, uwateli wati: Khumadiondjo Latuyalaka kata ati: Nyulungi, dimi layufula waumbu anyu, nyu wudja ami, layunyutundja uma lu waumbu anyu; layunyela lu kete ya Israiyele.

Danyele 11:38

Lu diulelu diandi, ndi ayolemia etemolatemola ka lu wembe wa ta lu dihuli diadio. Etemolatemola kako kaki washi kumbeya, ndi ayukilemia la paunyi, fesa, ave wʼushinga a wulu la diango diʼamena.

Obadiya 1:17

Keli lʼUkungu wa Siona kayuyala wane wambuhanda. Ukungu ako wayuyala ekila Khumbu ka Jakoba wayukita kete yawo.