Joele 3:4 - La Bible en Otetela (Bible K'Ekila) 1991

⁴ Kakona kasami la nyu, we Tura la Sidona, ndu nyu beke tshe dia Filistiya? Undi, nyu nangaka somboyami? Naka nyu nyayosomboya, dimi layukaluya esombweyo kanyu lu ete anyu esadi a wulu.

Joele 3:4 Iomraidhean Croise

2 Ekondo 21:16

Latuyalaka akatshutshiya kele kʼasi Filistiya la asi Arabiya wuladi lasuki lʼasi Etiyopiya dia vo ndosha Jehorama.

Isaya 14:29

Nyu wudja tshe wʼasi Filistiya, tanyongenangenaki, Ne dia ukalimba wakanyokomolaka wambuhimbo, Ne dia uma lʼudiu wʼului kayutumba dikhuha, La ulua awo ayuyala kunga ka dja, kafumbo.

Isaya 34:8

Latuyalaka ambosonola lushi lʼesombweyo, La ononyi wa nsombweya Siona.

Isaya 59:18

Ndi ayufuta antu uku ditshelu diawo: Kele le atunyi andi, sonyi le wane watuhetshaka. Ndi ayufuta ndu wa lu asenga pupu.

Jeremiya 47:1

Diui dia Latuyalaka diakayi le umvutshi Jeremiya lu dikambu diʼasi Filistiya ntundu Farayo atalembia Ngaza.

Jeremiya 47:4

Lushi lutsha nkuka dia nshila asi Filistiya tshe ushiki, Dia ndjaka ukimanyidi tshe wutshikadi la Tura la Sidona. Latuyalaka ayudiaka asi Filistiya, Atshikadi wa lu disenga dia Kafetore.

Jeremiya 51:6

Nyulawo uma la Babilona. Nyu tshe untu lʼuntu ashimbeli lumu landi, Nyutukudiakema lu elanyelu kawo, Ne dia etena kʼosombweyo ka Latuyalaka kambukuka. Ndi utsha mbafuta uku etsha awo.

Joele 2:10

Kete yambudidima la ntundu kawo, Ulungu wambusukasuka. Unya la ngondo waya udjima utu, Ndu toto hatuyoheta ntu.

Joele 2:2

Lushi la udjima la lʼutshutshumalu, Lushi la wangi la udjima a tshududu. Lo lambuya uku sasi dia pindju, Diatudianganaka ladiku diʼekungu. Enda wudja wʼefula ndu wa wulu, Wuhu wahatayala nduku lushi, Ndu wahayalaki pundju lu nonga yayayi.

Mateu 11:21

Fono kayayi le ye, we Korazina! Fono kayayi le ye, we Betesayida! Ne dia utunduyala akambu wa mamba wakatshama lʼatei anyu, mbakatshama lu Tura la Sidona, tshiki vo wambukadimulaka etema, wolotshi akunyia ndu wudjashi lʼetuku.

Mateu 11:22

Keli dimi lambunyutela ndi: Lu lushi lʼelumbwelu, fono kanyu kayuleka ka Tura la Sidona.

Luka 10:13

We Korazina, fono kayayi le ye! We Betesayida, fono kayayi le ye! Utunduyala akambu wa wulu wakatshama lʼatei aye, mbakatshama la Tura la Sidona tshiki vo wambukadimulaka etema edjedja, wudjashi lu akutu la lʼetuku!

Luka 10:14

Keli lʼelumbwelu, fono kanyu kayuleka ka Tura la Sidona.

Luka 18:7

Ku Unyashungu hasombweya esonami andi watulelelaka ndu la yanyi ndu lʼutshu, ndi atakungiyaka edja uka?

Etsha wa Atumami 9:4

Ndi akako la kete. Ndi akuki diui diawutela ati: Saulu, Saulu, okoko wana wansuyaye?

Euhwelu kʼElembe 32:35

Somboya eli dikambu diami, ndu difutu, Lamʼayoselo ekulu awo! Ne dia lushi lʼelanyelu kawo aya suki, La elumbwelu kawo kambuya esadi.

2 Tesalonika 1:6

naka dieko ololo dia Unyashungu nsuya wane watunyusuyaka,

Embadi 11:12

Jefeta akatumi akendji le khumʼekanga kʼasi Amona ati: Kasami la ye, kayangaye ndosha wudja ami?