Joele 2:3 - La Bible en Otetela (Bible K'Ekila) 1991

³ Dja yaheta yeko la ntundu kawo, La lumbi layadikita lʼokongo awo. Kete yeli uku ekambo ka Edena la ntundu kawo, Ku lʼokongo awo shenga yakalana. Nduku engo kayuhanda uma lu anya awo.

Joele 2:3 Iomraidhean Croise

Etatelu 13:10

Lota akedia ashu, akenyi usui wa lʼukidi wa Jorodana ati: Leko keli ashi la tumbatumba efula dia dungalunga nde. Ntundu Latuyalaka atalanya Sodoma la Ngomora, leke lako lakafani la ekambo ka Latuyalaka, ndu la kete ya Edjibitu yatenaka untu lateti utsha la Zoara.

Etatelu 2:8

Ku Latuyalaka Unyashungu akune ekambo lu kete ya Edena, lu leke lʼehutwelu ka unya. Leko kakandakitsha untu lakandatungi.

Esambu 50:3

Unyashungu tuyakaka, hatutshikalaka ki. Dja yatohetaka la ntundu kandi, Lʼutshimba andi tshe, atuyalaka uku ngimbi ka wulu.

Esambu 97:3

Dja yatutshokaka la ntundu kandi, Yatutshumbaka atunyi weli lʼutshimba andi.

Etumbelu 10:15

Vo wakakumbi diku dia kete tshe, ku kete yakayala udjima. Wakali tumbatumba tshe dia la kete ndu elua tshe wa lʼetamba wakatshiki ngimbi ka mboko. Nduku engo kʼeleselese kakatshikala, utamba kana eunune ka lʼekambo, kakiwo konde lu kete ya Edjibitu.

Etumbelu 10:5

Vo wayukumba diku dia kete wuhu waheyi untu mena kete. Ku vo wayole diango diakatshikala le nyu uma lu ngimbi ka mboko. Vo wayole etamba anyu tshe watuyalaka lu dikambo.

Isaya 14:17

Aha ndi kakete andja shenga, Kakalembiaka esumba, Ndu kaki kuntshungulaka asi lukanu?

Isaya 15:6

Ashi wa Nimirime wambulanyema Adiyu wambuma tu-tu, ndu shinde yambusima, Nduku etumbatumba kʼomongela kekiko.

Isaya 33:4

Ekundji awo wayomotshama uku atomotshamaka eto. Antu wayesusana uku atususanaka endjo akatshi.

Isaya 51:3

Latuyaʼaka ambusamba Siona, Ndi ambukanela ahuli tshe wakalana loko. Ndi ambukadimula shenga yayo uku Edena, Ndu ahuli wʼanyanya uku ekambo ka Latuyalaka. Ongenongeno a wuki ndu wa mamba wayutanema lʼatei ayo, Ndu eukelu ka lusaka la embelu kʼesambu.

Isaya 9:18

Kolo atohetaka uku dja, Yatutshumbaka adungu la atende. Yo yatutshumbaka akanda wa lʼukunda, Ku vo watumbelaka lu dinga.

Isaya 9:19

Uma lu kele ka Latuyalaka Kanga lulimbilimbi, Mbatutshumbamaka kete, Ku antu watuyalaka uku kunyi ya dja, Nduku untu ayuhandja onangu.

Jeremiya 5:17

Vo wayumana dinela dianyu, la mbu yanyu ya nde. Vo wayumana anʼanyu wʼapami la wʼamantu. Vo wayumana dungalunga dianyu la ngombe yanyu. Vo wayumana vinyo yanyu la fingu yanyu. Vo wayulanya esumba anyu a wulu, watunyekamaka la tombo.

Ezekiyele 36:35

Ku vo wayuta vati: Kete yako yakalanyema, yayuyala uku ekambo ka Edena; esumba awo wakalanyema, wakahandjo; wakatshikala atongo wambuhikama ntu, antu wambudjase loko.

Amose 7:4

Khumadiondjo Latuyalaka akamenya enelo kene. Enda, Khumadiondjo Latuyalaka aki lu mbeta antu dia mbalumbuya la dja, ku yo yakatshumbi ohongo a wuki, yaki lu numbialumbia ladiku dia kete.

Habakuka 1:6

Enda, dimi lambunyia asi Kaladiya, Wudja uku wa ngala ndu watudjaka luwangu; Dia vo ntenanya kete lu wuki ayo, La dia vo nkita adjaselu weli kema wawo.

Zekariya 7:14

Dimi lakadianganya la punganendji lʼatei a wedja tshe wakiwo kumbeya. Okone kete yakalana lʼokongo awo wuhu waheyi untu mbeta kuyanga nkalula, ne dia vo wakete kete yʼololo shenga.