Joele 2:28 - La Bible en Otetela (Bible K'Ekila) 1991

²⁸ Lʼokongo wʼakambu ane, Dimi layahe antu tshe nyuma kami, Ku anʼanyu wʼapami la wʼamantu wayuta akambu wahatayi, Esumbi anyu wayena alo, La elongo anyu wʼapami wayena waenelo.

Joele 2:28 Iomraidhean Croise

Tukedi 1:23

Ukadimo lu ehanguhangu ami! Enda, dimi layukutshulwela yimba yami, Layukulimbitshiya aui ami.

Isaya 32:15

Enda, ndu Nyuma ka Unyashungu ambutuhulwela uma lʼulungu. Ku usui wa shenga ayukadimo ekambo kʼelua La ekambo kʼelua ayuyala uku ukunda.

Isaya 40:5

Lutumbu la Latuyalaka layenama. Ku antu tshe wayulena kame, Ne dia Latuyalaka kambuta osoku.

Isaya 44:3

Dimi layutshulula ashi lu kete yambuma, Layutunga ekedi lu kete yʼufumbu. Dimi layutshulwela diuhu diaye lumu lami, La tukanula taye otshoko ami.

Isaya 49:26

Dimi layuleshaka wane watukusuyaka emunyi awo hita. Ndu vo wayono dikila diawo hita, Wayudidjo uku wanu wʼuyuyu. Ku antu tshe wayeta vati: Dimi keli Latuyalaka, Ushimbedi aye, Utshungudi aye, Kanga Wulu la Jakoba.

Isaya 49:6

Kakiane ndi ambuta ati: Eko dikambu dia tshitshe dia we ndjala ukambi ami, Dia mbulula wedja wa Jakoba, La dia nkaluya atshikadi wa Isariyele. Kakiane dimi lambukete usasi le asi wedja, Dia we nkumia panda kami lu kuma ya la kete.

Isaya 54:13

Ana aye tshe wayetshama le Latuyalaka, Ku vo wayuyala la ki kʼutamanya.

Jeremiya 23:25

Dimi lakuki aui wʼamvutshi wakataka akambu wahatayi wa kashi lu lukumbu lami, wata vati: Dimi lakenyi do! dimi lakenyi do!

Jeremiya 23:28

Umvutshi lakenyi do, asakuli do diako, keli one lakuki diui diami, ataki diui diami la kolamelu. Okoko wana wasohanyawo puhudi la epunga? mbambula Latuyalaka.

Ezekiyele 36:27

Dimi layunyudja Nyuma kami, layunyokendjakendja lu elembe ami, ku nyu nyayulamaka adjangu ami, la mbatshaka.

Ezekiyele 37:14

Dimi layunyudja Nyuma kami, ku nyu nyayuyala la lumu. Dimi layunyukitsha lu kete yanyu hita, ku nyu nyayeya nyati: Latuyalaka kakati dikambu diako ndu kakadishidiya, mbata Latuyalaka.

Ezekiyele 39:29

Dimi halushe elundji kami uma le wo ntu, ne dia dimi lambahe khumbu ka Isariyele Nyuma kami, mbata Khumadiondjo Latuyalaka.

Danyele 7:1

Lʼeleku ka ntundu ka diulelu dia Beleshaza, khumʼekanga ka Babilona, Danyele akenyi do la waenelo lamʼakindi lu mbetu kandi. Ku ndi akafundi do diako, akati akambu wa waki waki loko.

Zekariya 12:10

Dimi layutshulwela khumbu ka Davidi la asi Jerusalema nyuma ka ngandji ka mamba ndu ka osengosengo. Vo wayenda one lakawungula dikonga. Vo wayulela uku atulelaka untu onʼandi etoi. Vo wayuyala la okei lu dikambu diandi, uku atuyalaka untu la okei lu dikambu dia onʼandi lʼenundu.

Walelu 11:17

Ku dimi layuhulo dia ndjusawula la nyu leko. Dimi layosa wuhu wa nyuma weli la ye, layuwashato. Ku vo wayembaka la ye wutshu a wudja one, diaha weme mbemba.

Walelu 12:6

Ndi akawatela ati: Nyulungi aui ami. Naka umvutshi omotshi ambuyala lʼatei anyu, dimi Latuyalaka layeneka le ndi lu enelo; layoteketaka la ndi lu do.

Luka 1:67

Zekariya, shi, akaludiama la Nyuma kʼOlolo. Ndi akati akambu wahatayi ati:

Luka 3:6

Ku antu tshe wayena panda ka Unyashungu.

Joani 7:39

Diui dia Nyuma diakandati ne, diaki dia Nyuma nkahumba wane wakawetawo nungula. Nyuma atayala, ne dia Jesu atatumbwama.

Etsha wa Atumami 2:33

Okone ndi akambiyama la lunya la pami la Unyashungu, ndu akalungula daka dia Nyuma kʼOlolo uma le Shi; ndi akaditshulula uku wenanyu la wukanyu.

Etsha wa Atumami 2:39

Ne dia daka dieko le nyu, le anʼanyu, ndu wa lʼetali tshe, wayeta Khumadiondjo Unyashungu asu le ndi.

Etsha wa Atumami 21:9

Untu ako aki la ana amantu anei wa dimuma, wakataka akambu wahatayi.

Ngalatiya 3:28

Aha usi Juda kuyanga usi Ngirika, aha fumbi kuyanga luyadjasedi, aha pami kuyanga umuntu; ne dia nyu tshe nyeko untu otoi le Kristu Jesu.

Heberu 1:1

Lu nshi yʼedjedja, Unyashungu akatelaka watshesu aui andi lʼenyo wʼamvatshi lu akambu efula la wehu efula wu ditelu.

1 Samuele 19:20

Saulu akatumi antu dia ntunda Davidi. Vo wakenyi ului wa amvutshi wakataka akambu wahatayi, la olombodi awo Samuele emadi. Nyuma ka Unyashungu kakahema akendji wa Saulu, ku ndu vo wakad akambu wahatayi.

1 Samuele 19:21

Lamʼakawatela Saulu dikambu so, ndi akatumi akendji akina, ku ndu vo wakatuta akambu wahatayi. Saulu akatumi akendji etena ka satu, ku ndu vo wakatuta akambu wahatayi pupu.

1 Samuele 28:6

Saulu akambula Latuyalaka. Ku Latuyalaka kumbukaluya diui lu alo, lu loyembo lʼaloho usasi, kuyanga uma le amvutshi.