Joele 2:26 - La Bible en Otetela (Bible K'Ekila) 1991

²⁶ Nyu nyayole, nyayutumbula lukumbu lami, Dimi Latuyalaka, Unyashungu anyu, Lakatshaka akambu wa mamba lʼatei anyu. Wudja ami hawutshama sonyi ntu pundju.

Joele 2:26 Iomraidhean Croise

Etatelu 33:11

Dimi lambukosengasenga nti: Ulunguli ushasha ami one wamumukela, ne dia Unyashungu akambukaka ketshi utamanya. Okone handjuhumba engo. Ndi akatamanya nsengasenga Esau, ku ndi akalungula ushasha andi.

Nehemiya 9:25

Vo wakayala ewandji wʼesumba a wulu, la wa kete yʼeteto. Vo wakakiti mvudu yuludi too la wehu tshe wa diango, eshima wa lutshima, dikambo dia vinyo, eweli la etamba wʼelua efula. Okone vo wakalekaka, wakalutaka, wakanuni, wakangenangena lʼololo aye wa mamba.

Esambu 103:5

One latukunduyaka lu deku diaye la diango diʼololo, Latukukaluyaka wulu wakiye olongo a pami uku pungu.

Esambu 116:7

We utema ami, ukaluli lu mumuya kaye, Ne dia Latuyalaka akakutshela ololo.

Esambu 13:6

Dimi layimbelaka Latuyalaka esambu, Ne dia ndi akantshela ololo.

Esambu 22:26

Akanga a memakana wayolekaka, wayulutaka. Wane watuyangaka Latuyalaka, wayuwandulaka! Etema anyu watshikalaki la lumu pundju!

Esambu 37:19

Vo hawutshama sonyi lu nshi ya pa, Ndu lu nshi ya ndjala ka kasha, vo wayulutshama.

Esambu 67:5

Unyashungu li, wa la kete wakanduli, Wedja tshe wakutumbuli.

Esambu 72:18

Unyashungu, Latuyalaka, atumbwami, Unyashungu wa Isariyele, ndame katutshaka akambu wa mamba!

Tukedi 13:25

Antu wʼololo watolekaka, watulutaka. Keli antu wa kolo wayudienaka la ndjala.

Limbu la Solomona 5:1

Dimi lambuya lu ekambo kami, wademi, kadiyemi. Lambusanganya mura yami la diango diami diʼupumu. Lambole ehihi kami kʼusanga kame la usanga ami. Dimi lambono wanu ami la awele ami. Engenyi, nyuli, nyono, nyudjo ngandji!

Isaya 25:1

Latuyalaka li, we keli Unyashungu ami. Dimi layukutumbula, layandula lukumbu laye, Ne dia we akatshi akambu wa mamba. We akashidiya alaka wakayalaki la kolamelu la mete.

Isaya 29:22

Diako mbata Latuyalaka, lakatshungula Abarahama, lu dikambu dia luudu la Jakoba ati: Jakoba hutshama sonyi ntu, elundji kandi hokolama la dionyo.

Isaya 45:17

Keli nyu, asi Isariyele, nyayushimbamela Le Latuyalaka la panda ka pundju, pundju. Nyu hanyuhananaki, hanyutshamaki sonyi.

Isaya 49:23

Khumi ya dikanga la wadiewo wayukuleshaka. Vo wayokole dundji diawo la kete, wayukotemola; Wayolombola ditshu diʼuma lu akaka aye. Ku we ayeya wati: Dimi keli Latuyalaka, Ne dia wane watunkungelaka, hawutshama sonyi.

Isaya 54:4

Tukaki woma, ne dia we huvo sonyi. Tukananaki, ne dia we hutshama sonyi. Keli we ayuhela sonyi ya lu nshi yaye yʼusekaseka. We huho lotengo lakawakotengaka lamʼakiye wadi aki udu.

Isaya 55:2

Okoko wana atunyukimoka falanga yanyu lu kene kaha na? Dikambu kuna diatunyushishaka wulu anyu lu kene kahanyulutsha? Nyumbukeli, nyolekaki kene keli ololo. Etema anyu wangenangenaki lu mbu ya nde yʼololo.

Akambu wʼAsi Lewi 25:19

Kete yayongonyaka diango, ku nyu nyayolekaka, nyayulutaka, nyayudjase la lutui tshitshi.

Akambu wʼAsi Lewi 26:26

Lamʼayumulanya engonelo ka mbu yanyu ya nde, amantu dikumi wayukate ma dianyu lu tshuka otoi, vo wayunyedikela ma dianyu lu tediko ta wetshu. Nyu nyayole, keli hanyuluta.

Akambu wʼAsi Lewi 26:5

Nyu nyayuyala lʼesuswelu kʼepunga edja ndu lu diela diʼelua. Diela diʼelua diayukuma pulu ndu lu diunelu, ku nyu nyayolekaka ma dianyu, nyayulutaka. Nyayudjaseka la lutui tshitshi lu kete yanyu.

Mika 6:14

Nyu nyayole, keli hanyuluta. Ndjala kayuyala lʼatei anyu. Nyu nyayumba, keli hanyulama. Kene kayunyulama, kayumukimo le yombo

Zefaniya 3:11

Lushi lako, we, Jerusalema, huyala lu sonyi Dia etsha aye wakayantshelaka kolo, Ne dia dimi layunya akanga wʼutaku weli lʼatei aye, La we huyala la lahi ntu lʼukungu ami wʼekila.

Zekariya 9:15

Latuyalaka Kanga lulimbilimbi ayalama, Ku vo wayudiaka ambuki wʼave, wayahotshahotsha. Vo wayono dikila diawo uku wanu, Wayulula too uku alonga wʼafuku, Wayoloyama uku atshuku wʼediakelu.

Zekariya 9:17

Ndi wuki weli ololo andi li! Ndi wuki weli dimena diandi li! Weuhu wayudia elongo wʼapami, La ashi wʼelua wayudia esekaseka wʼamantu.

Romo 10:11

Afundelu mvutaka ati: Untu tshe layuwetawo, hutshama sonyi,

Romo 5:5

Elungamelu hatutsha sonyi ne dia Unyashungu ambutshulula ngandji kandi lʼetema asu uma le Nyuma kʼOlolo kakandatusha.

Romo 9:33

uku akafundama ati: Enda, lambukitsha dive dia ntakanya lu Siona, Dive dia wuki dia djewoki. Ku one lawetawo, hutshama sonyi.

Euhwelu kʼElembe 11:15

Ndi ayutumbia ndu adiyu lu dikambo dianyu dikambu dia dungalunga dianyu. Nyu nyayolekaka, nyayulutaka.

Euhwelu kʼElembe 12:12

Nyu nyayongenangenaka leko la ntundu ka Latuyalaka, Unyashungu anyu, nyu la anʼanyu wʼapami la anʼanyu wʼamantu, ekambi anyu wʼapami la ekambi anyu wʼamantu ndu usi Lewi leli lu luudu lanyu, ne dia ndi kema la etenyi kana ukito kame la nyu.

Euhwelu kʼElembe 12:18

Keli kanyuyilekaki, nyu la anʼanyu wʼapami la anʼanyu wʼamantu, ekambi anyu wʼapami la ekambi anyu wʼamantu, ndu asi Lewi lʼatei wʼesumba anyu, la ntundu ka Latuyalaka, Unyashungu anyu, lu dihuli diayundosonola. Ku kanyongenengene la ntundu ka Latuyalaka, Unyashungu anyu, lu elimu tshe watunyutshaka lʼanya anyu.

Euhwelu kʼElembe 12:7

Leko kayunyutolekaka la ntundu ka Latuyalaka, Unyashungu anyu, ndu kayunyongenangenaka nyu la khumbu yanyu lu akambu tshe wayunyutshaka, wayunyotshokola Latuyalaka, Unyashungu anyu.

Euhwelu kʼElembe 8:10

Okone nyu nyayolekaka, nyayulutaka, ku nyayutumbulaka Latuyalaka, Unyashungu anyu, ne dia kete yʼololo yakandanyusha.

1 Timote 6:17

Ewuli akanga wʼengonyi wa lʼetena kene, dia vo tawutakulaki, ndu tawulu-ngamelaki efumbofumbo kʼongonyi, keli walungameli Unyashungu, latutushaka diango tshe ushasha ne dia ntongenyange-nya;

1 Joani 2:28

Anʼami wa tshitshe, nyuyalaki lu utema andi, ne dia naka ndi ayene, shu katuyali la dihunga. Tatuyalaki la sonyi la ntundu kandi lamʼayunduya.