Joele 2:22 - La Bible en Otetela (Bible K'Ekila) 1991

²² Nyu nyama ya lʼusui, tanyukaki woma, Ne dia adiyu wa nde wambutumba lʼusui wa shenga, Ne dia etamba wamboto elua awo. Etamba wa fingu la ekodi wa vinyo wamboto elua ntu.

Joele 2:22 Iomraidhean Croise

Etatelu 4:12

Lamʼayuyukambaka kete la mune diango, yo hayuleka nkongonyia diango. We ayuyala yekeko, ndu aha la ngelu shikaa la kete.

Esambu 36:6

Esambwelu kaye keko uku akuna wa Unyashungu, Dumbwelu diaye dieko uku luwinga la wuki. Latuyalaka li, we atulamaka ndu antu ndu nyama.

Esambu 65:12

Adiyu wa lʼesui watongonaka efula, La mbu ya nde yatufulanelaka lu akuna tshe.

Esambu 65:13

Dungalunga diatululanelaka lu esui wʼadiyu wʼomongela, Ndu ekedi tshe watukumbamaka, watufulamaka la mbu ya nde. Antu watimbaka esambu, watudjaka waelu wʼongenongeno.

Esambu 67:6

Kete yakangonya diango diayo. Unyashungu, Unyashungu akatotshokola.

Isaya 51:3

Latuyaʼaka ambusamba Siona, Ndi ambukanela ahuli tshe wakalana loko. Ndi ambukadimula shenga yayo uku Edena, Ndu ahuli wʼanyanya uku ekambo ka Latuyalaka. Ongenongeno a wuki ndu wa mamba wayutanema lʼatei ayo, Ndu eukelu ka lusaka la embelu kʼesambu.

Ezekiyele 36:30

Dimi layufudia elua wa lʼetamba la tumbatumba dia lu dikambo, diaha nyu ndjala la sonyi lu dikambu dia ndjala ka kasha lʼatei a wedja.

Ezekiyele 36:35

Ku vo wayuta vati: Kete yako yakalanyema, yayuyala uku ekambo ka Edena; esumba awo wakalanyema, wakahandjo; wakatshikala atongo wambuhikama ntu, antu wambudjase loko.

Ezekiyele 36:8

Keli nyu, ekungu wa Isariyele, nyayutundja tahi yanyu, nyayotwela wudja ami wa Isariyele elua anyu, ne dia vo waya ka ndja.

Jona 4:11

Taki ololo dimi mbuka usumba a wuki uku wa Niniva ngandji, weli la antu ndeka nunu ukama la akumi ahendi, waheyi ntshikitanya lunya lawo la pami kana lunya lawo la lomoso, ndu dungalunga efula?

Hangai 2:16

Ngandi akinyu? Lamʼakayi untu lʼului wa tediko akumi ahendi, ndi akatani paka dikumi. Lamʼakatshu untu dia ntotekola tediko akumi atanu ta wanu lu ludu, ndi akatani paka akumi ahendi.

Zekariya 8:12

Eunelu ka weuhu ka ki kayuyala; ekodi wa vinyo wayoto elua awo. Kete yayutundja diango diayo; ulungu wayutuma dihohe diawo. Ku dimi layusha atshikadi wa wudja one diango ne tshe, dia vo ndjala akanga adio.

1 Koreto 3:7

Okone ndu one lakune, ndu one lakatela ashi, kema la dikambu, paka Unyashungu latotoshaka diango.