Joele 2:21 - La Bible en Otetela (Bible K'Ekila) 1991

²¹ Kete li, tukaki woma, Uyali la ongenongeno, ongenengene utamanya, Ne dia Latuyalaka ambutsha akambu a waki!

Joele 2:21 Iomraidhean Croise

Etatelu 15:1

Lʼokongo wʼakambu aso, Latuyalaka akene le Abarama lu do. Ndi akawutela ati: Abarama, tukaki woma; dimi leli engawu kaye. Difutu diaye diayuyala wuki efula.

Esambu 71:19

Unyashungu li, wulu aye la sambu kaye kʼololo nkumaka pulu ladiku diʼulungu. We atutshaka akambu a waki; We Unyashungu, akona eli uku we?

Esambu 98:8

Dula diʼashi diahumi saka, Akuna wadji dielu diʼongenongeno kame

Isaya 35:1

Usui wa shenga la kete ya wumu wayongenangena. Kete yʼufumbu yayutundja mamasongo yato alembo wʼamena.

Isaya 41:10

Tukaki woma, dimi leko la ye. Tuyakiyanyaki, dimi keli Unyashungu aye. Dimi layukukikitsha, layukukimanyia, Layukusukela ololo la lunya lami la pami.

Isaya 44:23

Ulungu li, imbi usambu, Ne dia Latuyalaka kambutsha dikambu ne. Nyu ehongo wa la kete, nyuhangohango. Nyu ekungu, ekunda, la etamba tshe weli loko, Nyudji dielu diʼongenongeno, Ne dia Latuyalaka akashimbela Jakoba. Ndi ayutumbwama lu Isariyele.

Isaya 54:4

Tukaki woma, ne dia we huvo sonyi. Tukananaki, ne dia we hutshama sonyi. Keli we ayuhela sonyi ya lu nshi yaye yʼusekaseka. We huho lotengo lakawakotengaka lamʼakiye wadi aki udu.

Isaya 55:12

Nyu nyayunela lʼongenongeno, nyayolombwama la ki. Akuna la ekungu wayimba kimbu yʼongenongeno la ntundu kanyu. La etamba tshe wa lʼusi wayuhuma saka.

Jeremiya 33:3

Umbeti, ku dimi layuketawo, layukenya akambu a waki ndu wushami, wahayeyi.

Hosea 2:21

Lʼetena keso kata Latuyalaka ati: Dimi layuwukela, layukela ulungu, Ku vo wayukela kete.

Joele 2:20

Dimi layunyanganyia ntunyi Wʼuma lu leke la ngelʼa kushi. Layuwutshanya utsha lu kete yʼelanyelu yahalo mvula, Alimbi andi wa la ntundu lu ashi a waki wa lu leke lʼehutwelu, Alimbi andi wa lʼokongo lu ashi a waki wa lu leke lʼedjelu. Puta kandi kayulalo, La sulu kato ka kolo kayudiangana lu lopepe, Ne dia nai akatshi akambu a waki.

Joele 2:26

Nyu nyayole, nyayutumbula lukumbu lami, Dimi Latuyalaka, Unyashungu anyu, Lakatshaka akambu wa mamba lʼatei anyu. Wudja ami hawutshama sonyi ntu pundju.

Zekariya 8:15

Osoku mbakamakani ntu nshi nye, dia ntshela Jerusalema la khumbu ka Juda ololo: tanyukaki woma

Euhwelu kʼElembe 4:32

Nyumbuli nshi yʼedjedja yaketi la ntundu kanyu, umaka lushi lakatungi Unyashungu untu la kete, ndu umaka kuma kemotshi kʼulungu pulu ndu lu kuma kawo kekina, nyati: Dikambu dimotshi dia wuki diakiko uku dikambu ne, kana diakukema uku dikambu ne?

1 Samuele 12:16

Okone nyukungi lane kakiane. Nyendi dikambu dia mamba ne diayanga Latuyalaka ntsha la ashu anyu.

1 Samuele 12:24

Keli dikambu otoi, nyukaki Latuyalaka woma, nyotemolaki la kolamelu ndu lʼutema otoi. Nyukanaki yimba lu akambu a waki wakandanyutshela.