Joele 2:20 - La Bible en Otetela (Bible K'Ekila) 1991

²⁰ Dimi layunyanganyia ntunyi Wʼuma lu leke la ngelʼa kushi. Layuwutshanya utsha lu kete yʼelanyelu yahalo mvula, Alimbi andi wa la ntundu lu ashi a waki wa lu leke lʼehutwelu, Alimbi andi wa lʼokongo lu ashi a waki wa lu leke lʼedjelu. Puta kandi kayulalo, La sulu kato ka kolo kayudiangana lu lopepe, Ne dia nai akatshi akambu a waki.

Joele 2:20 Iomraidhean Croise

2 Khumi ya Dikanga 8:13

Hazaele akûkaluya diui ati: Kakona kemi, dimi ukambi aye, leli uku fo, dia ntsha dikambu dia wuki so? Elisha akûkaluya diui ati: Latuyalaka akamenya ati: We ayuyala khumʼekanga ka Suriya.

Esambu 126:3

Latuyalaka akatutshela akambu a waki; Diako mbangenangenasu.

Etumbelu 10:19

Latuyalaka akapepia lopepe la wulu lʼuma lʼedjelu, ku lo lakakaluya endjo, lakatuwedja lʼUduwa a Tilili. Nduku ondjo otoi akatshikala lu kete kʼutundu ka Edjibitu.

Etumbelu 8:14

Antu wakemotsha elui, ku sulu kakayala lu kete yako.

Isaya 34:3

Edu wa wavo wayukadjema, wayutumba sulu. Ku ekungu wayolelo la dikila diawo.

Ezekiyele 47:18

Uma lu leke lʼehutwelu, ulelu wayeta uma la Hazara-Enana, lʼasa Haurana la Damaseke; vo wayeta lʼetei wa Jorodana, lʼasa Ngiliyade la kete ya Isariyele, utsha lʼuduwa wa lu leke lʼehutwelu pulu ndu la Tamara. Osoku mbayuyala ulelu wa lu leke lʼehutwelu.

Amose 4:10

Dimi lakatumi asui lʼatei anyu Wuhu waki lʼEdjibitu. Dimi lakadiaki elongo anyu wʼapami la yombo, Lakandamia punda yanyu. Dimi lakanyukia sulu ka lu pangu kanyu lu ehembe anyu, Keli nyu kunkadimo le mi, Mbata Latuyalaka.

Zekariya 14:8

Lushi lako, ashi wa nkela wayutumba uma la Jerusalema. Etenyi ka hendi kʼashi ako kayokelaka utsha lʼashi a waki wa lu leke lʼehutwelu, la etenyi ka hendi utsha lu ashi a waki wa lu leke lʼedjelu. Osoku mbayuwuyalaka lʼowo ndu la diye.

Malaki 3:11

Dimi layuhangwela undeshi lu dikambu dianyu, ku ndi hulanya elua wa kete yanyu. Kuyanga elua wa vinyo yanyu hawolololo uma lu dikambo dianyu, mbata Latuyalaka Kanga lulimbilimbi.

Euhwelu kʼElembe 11:24

Ahuli tshe wakamelaka akaka anyu, wayuyala anyu. Ulelu anyu wayuyala uma lʼusui wa shenga pulu ndu la Lebanona ndu uma lu Ndjali, ndjali kʼEyufarate, edja ndu lʼashi a waki wa lu leke lʼedjelu ka unya (wetawo: Mediteraneya).