Joele 2:19 - La Bible en Otetela (Bible K'Ekila) 1991

¹⁹ Latuyalaka akakaluya diui, akatela wudja andi ati: Nyulungi, dimi layunyutumela Epunga, ashi wʼelua la iso, ku nyu nyayuluta. Dimi halunyukimo lu dionyo ntu lʼatei a wedja.

Joele 2:19 Iomraidhean Croise

Jeremiya 31:12

Vo wayuya, wayuyimba esambu lʼukungu wa Siona, Wuludi too la diandu ne dia ololo wa Latuyalaka, Ne dia epunga, ashi wʼelua, la iso; Ne dia ana wʼekoko la wa ngombe. Etema awo wayuyala uku ekambo kamboloyama lʼashi. Vo hawuyuyala la lunyangu ntu nduku yema.

Ezekiyele 34:29

Dimi layuwakitshiya ekambo kʼongonyi, diaha vo ndjala la ndjala ka kasha lu kete, kuyanga mbutshama sonyi le wedja ntu.

Ezekiyele 36:15

Dimi halukutsha sonyi ka wedja, kuyanga nkete dionyo diʼantu; we hutakanya wudja aye pundju, mbata Khumadiondjo Latuyalaka.

Ezekiyele 36:29

Dimi layunyushimbela uma lu mindu yanyu tshe. Dimi layela wehu, layuwefudia, keli halutuma ndjala ka kasha lʼatei anyu ntu.

Ezekiyele 36:30

Dimi layufudia elua wa lʼetamba la tumbatumba dia lu dikambo, diaha nyu ndjala la sonyi lu dikambu dia ndjala ka kasha lʼatei a wedja.

Ezekiyele 39:29

Dimi halushe elundji kami uma le wo ntu, ne dia dimi lambahe khumbu ka Isariyele Nyuma kami, mbata Khumadiondjo Latuyalaka.

Hosea 2:15

Dimi layutuwusha dikambo diandi dia vinyo leko, Ndu ukidi wa Akora uku suku diʼelungamelu. Ndi ayimba esambu leko Uku akandimbaka lu nshi yandi yʼusekaseka, Uku lushi lakandatumbi uma lu kete ya Edjibitu.

Hosea 2:21

Lʼetena keso kata Latuyalaka ati: Dimi layuwukela, layukela ulungu, Ku vo wayukela kete.

Hosea 2:22

Ku kete yayukela epunga, Ashi wʼelua la iso, ku vo wayukela Jezerele.

Joele 1:10

Dikambo diambulanyema, kete yaya lʼutanda, Ne dia epunga wambulanyema, ashi wʼelua wambuma, iso kambushila.

Joele 2:24

Ahuli wʼesuswelu wayulula too la epunga, La kenga ya waki yayulula to la ashi wʼelua la iso.

Akambu wʼAsi Lewi 26:5

Nyu nyayuyala lʼesuswelu kʼepunga edja ndu lu diela diʼelua. Diela diʼelua diayukuma pulu ndu lu diunelu, ku nyu nyayolekaka ma dianyu, nyayulutaka. Nyayudjaseka la lutui tshitshi lu kete yanyu.

Zekariya 8:12

Eunelu ka weuhu ka ki kayuyala; ekodi wa vinyo wayoto elua awo. Kete yayutundja diango diayo; ulungu wayutuma dihohe diawo. Ku dimi layusha atshikadi wa wudja one diango ne tshe, dia vo ndjala akanga adio.

Mateu 6:33

Keli ntundu nyutayangi diulelu la ololo wa Unyashungu, ku diango so tshe diayuyala dianyu.

Euhwelu kʼElembe 11:14

ndi ayunyoloshiya mvula lu kete yanyu lu etena kato, mvula kʼalohoki la mvula ka lolonge. Nyu nyayunaka epunga anyu, nyayamulaka ashi anyu wʼelua ndu biso dianyu.

Ruta 1:6

Ku ndi akunela ndi la alokai andi, dia mumo uma lu kete ya Moaba. Ndi akuki lukumu ati: Latuyalaka ambotshokola wudja andi, ambuwasha mbu ya nde.