Joele 2:18 - La Bible en Otetela (Bible K'Ekila) 1991

¹⁸ Latuyalaka ambuka kandjema lu dikambu dia kete yandi. Ndi ambuka wudja andi ketshi.

Joele 2:18 Iomraidhean Croise

2 Khumi ya Dikanga 19:31

Ne dia atshikandi wayutumba uma la Jerusalema le waku wambuhanda uma lʼukungu wa Siona. Saki ka Latuyalaka nambutsha dikambu ne.

Esambu 103:13

Uku atusambaka umbutshi anʼandi, Mbatusambaka Latuyalaka wane watuwukaka woma,

Esambu 103:17

Keli ngandji ka shikaa ka Latuyalaka katutshikalaka pundju, pundju, Le waku watuwukaka woma, Ndu ololo andi pulu ndu le tukanula tawo;

Isaya 37:32

ne dia atshikadi wayutumba uma la Jerusalema, la waku wambuhanda uma lʼukungu a Siona. Saki ka Latuyalaka Kanga lulimbilimbi kambutsha dikambu ne.

Isaya 42:13

Latuyalaka ayunela uku kanga wulu. Ndi ayufudia ngala kandi uku dihuka dia wulu. Ndi ayedia diui, ayuhangohango, ayenya atunyi andi wulu andi.

Isaya 60:10

Asi wedja wayuhika peli diawo ntu, La khumi ya dikanga yawo yayukukambela ulimu, Ne dia dimi laki la kele mbakamakusuya, Keli uma lu ngandji kami kakukami, mbamumukuka ketshi.

Isaya 63:15

Uhuluya ashu uma lʼulungu, Uma lʼedjaselu kaye kʼekila ka lutumbu. Endi, lendʼeli saki kaye la wulu aye na? Lukumbu lakasakelaka utema aye, La ketshi kakayambukaka, kambushila le mi.

Isaya 63:9

Lʼatei asui awo tshe, ndi akasuwi kame la wo, Ana uma le olohe kana dikendji, Keli ndi ndame kakashinbela. Lu ngandji kandi la ketshi kandi mbakandashimbela; Ndi akasukelaka, akawaembaka tena tshe lu nshi yʼedjedja.

Jeremiya 31:20

Undi, Efarayima kema onʼami a pami la ngandji? Ndi kema onʼami lulekimi nanga uka? Tena tshe diatumuhangwelaka, dimi latuwuhoka. Diako mbatulungulaka utema ami lu dikambu diandi. Dimi layuwukaka ketshi, mbata Latuyalaka.

Delu dia Jeremiya 3:22

Ngandji ka shikaa ka Latuyalaka hatushilaka, Ketshi kandi kema la ekumelu.

Zekariya 1:14

Ku ondjelo wakateketaka la mi, akamvutela ati: Uhangohango, uti wati: latuyalaka Kanga lulimbilimbi kata ati Dimi lambuka Jerusalema kandiema, la Siona kandjema ka wulu.

Zekariya 8:2

Latuyalaka Kanga lulimbilimbi kata ati: Dimi mbukaka Siona kandjema ka wulu. Dimi lambuyuka kandjema lʼududu wa wulu.

Luka 15:20

Ku ndi akunela, akayi le shi. Keli lamʼakindi tshalula, shi akawenyi, akangasana la ketshi, akalawo, akatukhumbatela lu kingu, akanonana la ndi.

Euhwelu kʼElembe 32:16

Vo wakawukia kandjema ne dia ditemolatemola diʼangendangenda, Wakawukia kele lʼakambu awo wa wononyi,

Euhwelu kʼElembe 32:36

Latuyalaka ayamela wudja andi; Ayuka ekambi andi ketshi Lamʼayundena ati: Wulu awo ambushila, La nduku otoi wekeko, fumbi kana luyadjasedi.

Euhwelu kʼElembe 32:43

Nyu wedja, nyanduli wudja wa Latuyalaka, Ne dia ndi ayosomboya dia dikila diʼekambi andi, Ayosomboya atunyi andi, Ku ndi ayutungela kete yandi la wudja andi ekesanelu.

Jakoba 5:11

Nyulungi, shu mvutaka dia antu wakayakikitsha shati: Weko la otshoko. Nyu nyakuki lukumu la etetemalu ka Jobo, nyakenyi ekumelu ka Khumadiondjo, ndu uku uludi Khumadiondjo la memakana la ketshi.

Embadi 10:16

Ku vo wakanya ditemolatemola diʼasi wedja uma lʼatei awo. Vo wakatemolaka Latuyalaka. Ku ndi akalembe utema, ne dia asui wa Isariyele.