Joele 2:16 - La Bible en Otetela (Bible K'Ekila) 1991

¹⁶ Nyusanganya wudja, Nyutshi lusanganya lʼekila. Nyusanganya dihangamendi, Nyusanganya ana, kuyanga wane wakalome awele. Utshuki atumbi uma lu luudu landi, La utshukami uma lu luudu la mbetama.

Joele 2:16 Iomraidhean Croise

2 Ekondo 20:13

Asi Juda tshe wakemala la ntundu ka Latuyalaka kame la anʼawo wʼashasha, wadiewo la ana awo.

2 Ekondo 29:5

Ndi akawatela ati: Nyu asi Lewi, nyumbukeli! Kakiane, nyuyakidia, nyukidia luudu la Latuyalaka, Unyashungu a washenyu, nyutundja kene tshe keli mindu uma lʼetemwelo.

2 Ekondo 30:17

Laso ku antu efula lʼatei wʼului watakidiama. Okone asi Lewi waki la okende wa ndjakela waku tshe waha pudipudi esongo wʼekoko ne dia dambu diʼelekanelu, dia mbakidia le Latuyalaka;

2 Ekondo 30:19

lambudja utema dia nyanga Unyashungu Latuyalaka, Unyashungu a washi, kuyanga ndi kundjaedia uku elembe wʼekila wa edielo.

2 Ekondo 35:6

Nyudiaki esongo wʼekoko wa dambu diʼelekanelu; nyuyakidia; nyelongoswele anengenyu uku diui dia Latuyalaka uma le Mose.

Jobo 1:5

Lamʼaketi nshi ya dambu, Jobo aketi anʼandi wʼapami dia mbakidia. Ndi aketo kʼolomo la pindju, akalambwela vo tshe, untu lʼuntu ulambu wa lutshumba, ne dia ndi akati ati: Undu, anʼami wʼapami wakatshi kolo ndu wakatenge Unyashungu lʼetema awo. Osoku mbakatshaka Jobo.

Esambu 19:5

Unya atuyalaka uku utshuki a wadi lamʼatundutumbaka uma lu luudu landi. Vo watuyalaka la ongenongeno lu lokendo lawo uku pami ka wulu.

Etumbelu 19:10

Latuyalaka akatela Mose ati: Utshu le wudja utakidia elo la lui. Kawusuli ahondo awo,

Etumbelu 19:15

Ku ndi akatela antu ati: Nyuyalongosole ne dia lushi la satu, pami tshe teyanaki la umuntu.

Etumbelu 19:22

Ndu elombedi watusukanaka le Latuyalaka, kawutayakidisha, ne dia Latuyalaka atukuyakungutwela.

Joele 1:14

Nyuyakidia lʼekilelu ka mbu ya nde, Nyudianganya lukumu dia lusanganya lʼekila. Nyusanganya dihangamendi la antu tshe wa lu wudja Lu luudu la Latuyalaka, Unyashungu anyu, Nyuleli le Latuyalaka.

Mateu 21:16

Ku vo wakawumbula vati: We mbukaka okone wata akendia aso? Jesu akawatela ati: Elu; nyu nyatali nyati: We akaluwanya diandu lʼenyo Wa ana wʼashashi la waloma?

Mateu 9:15

Jesu akawatela ati: Engenyi wʼutshuki a wadi mbeyaka ndela lamʼeki utshuki a wadi la wo uka? Keli nshi yayuyala, lamʼayuwakosola utshuki a wadi, ku vo wayukila mbu ya nde.

1 Koreto 7:5

Tanyusehianyaki, tshikima nyambulakana etenyi, dia nyu ndjakimo lu dombelo, ku nyayuyala kame ntu; Satana atukunyuhimba ne dia wodu anyu.

Jashua 7:13

Emali, ukidia antu; uwateli wati: Nyuyakidia dikambu dia lui, ne dia Latuyalaka, Unyashungu wa Isariyele, kata ati: Isariyele li, diango diakakimwama tadiuyalaki lʼatei anyu. Nyu hanyeyi memala la ntundu kʼatunyi anyu, tshikima nyu nyambutanyisha diango diku diakakimwama uma lʼatei anyu.

Jashua 8:35

Nduku diui diakati Mose, diaki Jashua kumbala la ntundu kʼului tshe wa Isariyele, amantu, ana, la angendangenda wakadjashi lʼatei awo.

1 Samuele 16:5

Ndi akakaluya diui ati: Elu; la ndjulambula Latuyalaka ulambu, kuyemi. Nyuyalongosole, tutshu la ntulambula ulambu. Ndi akakidia Jese la anʼandi wʼapami; akawaeti uya lu ulambu.