Joele 2:13 - La Bible en Otetela (Bible K'Ekila) 1991

¹³ Nyati etema anyu, aha ahondo. Nyukaluli le Latuyalaka, Unyashungu anyu, Ne dia ndi eli kanga ketshi la ngandji ka shikaa. Ndi huki kele esadi, eko too la ololo wa mamba, Ndu atolembaka utema lu kolo katundulangaka ntuma.

Joele 2:13 Iomraidhean Croise

Etatelu 37:29

Rubena akakalula la difuku, keli ndi kuntana Josefu leko. Okone ndi akatshatsha ahondo andi.

Etatelu 37:34

Jakoba akatshatsha ahondo andi, akalote dihondo diʼutanda, akaleli onʼandi.

2 Samuele 1:11

Davidi akakimela ahondo andi, akatshatsha. Ndu apami tshe waki kame la ndi wakatshatsha ahondo awo.

1 Khumi ya Dikanga 21:27

Lamʼakuki Ahaba aui wa Elidja, ndi akatshatsha ahondo, akalote akutu. Ndi akakili ma, aketamaka lu dikutu, akakendakendaka kyoke.

2 Khumi ya Dikanga 22:11

Lamʼakuki khumʼekanga aui wʼuma lu buku diʼelembe, ndi akatshatsha ahondo andi.

2 Khumi ya Dikanga 22:19

Ne dia utema aye akalembe, ndu we akayakitshakitsha la ntundu kami, dimi Latuyalaka, lamʼakayuki aui wakamati lu dikambu dia dihuli ne ndu le antu wudjashi loko, dia vo ndjala engo kʼelanyelu la ka mananu; ndu ne dia we akatshatsha ahondo aye, akaleli la ntundu kami, osoku dimi lambukutela, mbata Latuyalaka.

2 Khumi ya Dikanga 5:7

Lamʼakali khumʼekanga ka Isariyele mukanda, ndi akati ahondo andi, akati ati: Undi, dimi kaya Unyashungu dia ndjaka la mbulula, mbutumedindi pami kene dia dimi mbokonoya sudi kandi? Nyeyi ndu nyulimbiteli nyati: Ndi eko lu nyanga dikambu dimotshi dia mama la mi!

2 Khumi ya Dikanga 6:30

Lamʼakuki khumʼekanga aui wa umuntu ako, ndi akatshatsha ahondo andi. (Ndi aki lu mbeteta ladiku diʼeheli ka lukumbu.) Antu wakenyi vati: Dikutu mbolotendi la tshina diʼahondo andi.

2 Ekondo 6:27

kuwaukeli lʼulungu. Kudimanyia ekambi aye, wudja aye wʼIsariyele kolo kawo. Kuwaetsha mbuka kʼololo kayuwuhumba nkendakenda, kolosha mvula lu kete yakayasha wudja aye ukito.

Nehemiya 9:17

Vo wakatuni nkitanyia, wakuhela akambu aye wa mamba wakayatshi lʼatei awo, wakayala la ete wulu. Ndu lʼatei wʼuhedia awo, vo wakasonola olombodi dia vo nkalula utsha lu lohombo lawo. We keli Unyashungu, kanga ngandji la ketshi, lahuki kele esadi, luludi too la ngandji ka mamba, we kumbaseka, we aketawo mbadimanyia.

Jobo 1:20

Jobo akunela, akatshatsha ukutu andi. Ndi akanya divu, akako la kete, akatemola.

Esambu 103:8

Latuyalaka keli kanga ketshi la ngandji ka mamba. Ndi huki kele esadi, ambulula too la ngandji ka shikaa.

Esambu 106:45

Ndi akuho daka diandi le wo, Akalembe utema, ne dia efula ka ngandji kandi ka shikaa.

Esambu 34:18

Latuyalaka eko lasuki la wane weli la etema wambate. Ndi atushimbelaka waku weli la etema wa ndjakitshakitsha.

Esambu 51:17

Elambu watongenangenaka Unyashungu well sulu diambate. Unyashungu li, we hatuni sulu diambate kana utema wa ndjakitshakitsha.

Esambu 86:15

Keli we Khumadiondjo, keli Unyashungu wuludi too la ketshi la ngandji, Lahuki kele esadi, keli we ambulula too la ololo la mete.

Esambu 86:5

Ne dia we Khumadiondjo keli ololo, katetawoka nyimanyia antu kolo. We kuludi too la ngandji le waku tshe watuketaka la watukotemolaka.

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Isaya 58:5

Lushi layohenyahenya untu utema andi, Layundokole ote uku lokombe, Ndu layundetama lu wanga la lʼutuku, Mbayuyala kilu katumulangaka? Oso kayuyeta wati: Kilu, Lushi la ngenyangenya Latuyalaka uka?

Isaya 66:2

Lunya lami mbakatungi diango ne tshe. Osoku diami mbedio dio tshe, mbata Latuyalaka. Enda, dimi layediya ashu ami Utsha le one latusuwaka ndu leli lʼutema ambate, Utsha le one latukaka diui diami woma.

Jeremiya 36:7

Undu, vo wayuyakitshakitsha lʼosengosengo la ntundu ka Latuyalaka. Undu, vo tshe untu lʼuntu ayukalula uma lu mbuka kandi ka kolo, uma lʼaui wakati Latuyalaka. Kele kandi la ududu andi wambufulanela le wudja one.

Jeremiya 41:5

antu akumi enanei wakayayakaka uma la Shekeme, Shilo, ndu uma la Samariya wakatanyisha ndedu, la ahondo betshi betshi, ndu wakatayakotshi puta. Vo wakayayakaka la elambu wa shima ndu malashi dia ndjukimo lu luudu la Latuyalaka.

Jeremiya 42:10

Naka nyu nyayutshikala lu kete nye, dimi layunyushikike loko. Dimi halunyudiaka. Dimi layunyune, halunyu-nula, ne dia lambuyatshumuya dia kolo kakamanyutshela.

Ezekiyele 9:4

Latuyalaka akawutela ati: Utshu lʼatei wʼusumba, lʼatei a Jerusalema, utudji djimbitelu lu fumu yʼantu tshe wakhuma akhumu ndu walela, ne dia akambu tshe wa wononyi wambutshama lʼatei awo.

Hosea 14:1

Isariyele, nyukaluli le Latuyalaka, Unyashungu anyu, Ne dia nyu nyakako lʼuhedia anyu.

Jona 3:9

Akona eya kana Unyashungu hukadimo, holemba utema ndu humo kele kandi ka wulu, diaha shu mvo?

Jona 4:2

Ndi akalombe Latuyalaka ati: Latuyalaka li, ulungi, aha dikambu ne mbakamatakutedi lamʼakimi lu kete yasu? Uma lu dikambu diako, mbakamasamanya dia ndawo utsha la Tarashishi. Dimi lakeyi nti. We eli Unyashungu, kanga ngandji ka mamba, lahatukaka kele esadi, luludi too la ngandji ka shikaa, latolembaka utema, diaha ntshela antu kolo.

Mika 7:18

Akona eli Unyashungu uku we, latudimanyiaka kolo, latuhelaka uheaia wʼatshikadi wʼukito aye? Ndi hatutshikalaka la kele pundju, Ne dia ndi atongenangenaka lu ngandji ka shikaa.

Nahuma 1:3

Latuyalaka huki kele esadi, Ndi eli wuki lu wulu andi, Ndi huyindja kanga unungu. Mbuka ka Latuyalaka keko lu punganendji ndu luhunga; Wangi weko ditshu diʼkulu andi.

Walelu 14:18

Latuyalaka huki kele esadi, eko too la ngandji ka shikaa, atudimanyiaka antu kolo la ehedia awo. Keli ndi hatuyindjaka akanga wʼenungu, atosomboyaka ana ne dia kolo ya washewo, edja ndu lu lolonga la satu kana la nei.

Romo 2:4

We latonyolaka ongonyi wʼololo wa Unyashungu, la ndjakimela kandi, ndu memakana kandi, we heyi wati: Ololo andi mbatukolombolaka utsha lʼekadimwelu kʼutema?

Efeso 2:4

Keli Unyashungu eko ongonyi lu akambu wa ketshi, ne dia ngandji kandi ka wuki kakandatuki.

1 Timote 4:8

Ndja-sutshasutsha ka dimba eli la waho tshitshe, keli ololo a Unyashungu eli la waho lu akambu tshe. Vo weko la daka dia lumu leli kakiane, ndu dia lumu layayi.