Joele 2:12 - La Bible en Otetela (Bible K'Ekila) 1991

¹² Ndu kakiane mbata Latuyalaka ati: Nyukaluli le mi lʼetema anyu tshe, Kame lʼekilelu ka mbu ya nde, kame la alelu la tukuku.

Joele 2:12 Iomraidhean Croise

2 Samuele 24:10

Keli utema a Davidi wakate lamʼakandashidiya mbala antu. Ndi akatela Latuyalaka ati: Dimi lambutsha kolo ka wuki lu dikambu ne diutshami! Latuyalaka li! lambukosengasenga nti: Unyimanyia kolo kene, dimi ukambi aye, ne dia lakatshi utshatsha uku kanga enginya.

2 Ekondo 30:6

Okone akendji wakakindula lu Isariyele la Juda tshe la mikanda uma le khumʼekanga la ewandji andi waki la olembe wa khumʼekanga lako ati: Nyu asi Isariyele, nyukaluli le Latuyalaka, Unyashungu wʼAbarahama, wa Isaka, la Isariyele dia ndi nkalula le nyu, nyu wane wakahandi uma lʼanya wa khumi ya dikanga yʼasi Asuriya.

2 Ekondo 6:27

kuwaukeli lʼulungu. Kudimanyia ekambi aye, wudja aye wʼIsariyele kolo kawo. Kuwaetsha mbuka kʼololo kayuwuhumba nkendakenda, kolosha mvula lu kete yakayasha wudja aye ukito.

Esta 4:16

Utshu, utusanganya asi Juda tshe weli lu Susa, nyutunkileli ma, tanyolekaki, tanyonokaki yediko ya nshi shatu lʼutshu kana la yanyi. Ndu dimi la ekambi ami wʼamantu tayukila ma pupu. Ku dimi layutoto le khumʼekanga, kuyanga mbeko olembe Naka dia mvo, ku dimi mvo.

Etumbelu 33:5

Ku Latuyalaka akatela Mose ati: Uteli asi Isariyele wati: Nyu nyeli wudja weli la ete wulu. Utunduyala dimi ntshu lʼatei anyu kuyanga yema tshitshe, tshiki lutunyushila. Okone nyunya dengalenga dianyu kakiane, ku dimi layena uku ayumunyutshela.

Isaya 22:12

Lushi lako, Khumadiondjo, Latuyalaka Kanga lulimbilimbi, Akanyeti dia nyu ndela la ndjakomola lu tulu, Dia nyu minya divu la ndota akutu.

Isaya 58:4

Enda nyu nyatukilaka ma, Paka dia mama la ndo ata, la dia nkomwana mbala ya wulu. Wuhu wakilanyu ma elo, Hawunyukimanyia dia aui nkuma lʼulungu.

Jeremiya 3:22

Nyu ana wʼehedia, nyukaluli, Ku dimi layunyudimanyia ehedia anyu. Nyendi, shu tambuya le ye, Ne dia we keli Latuyalaka, Unyashungu asu.

Jeremiya 36:7

Undu, vo wayuyakitshakitsha lʼosengosengo la ntundu ka Latuyalaka. Undu, vo tshe untu lʼuntu ayukalula uma lu mbuka kandi ka kolo, uma lʼaui wakati Latuyalaka. Kele kandi la ududu andi wambufulanela le wudja one.

Jeremiya 4:1

Isariyele li, naka nyu nyayukalula, mbata Latuyalaka, Le mi kahumbanyu nkalula. Naka nyu nyayunya akambu anyu wa wononyi la ntundu kami, Nyu hanyuyala tekeko.

Jeremiya 4:2

Naka nyu nyayutshiba nyati: Uku eli Latuyalaka la lumu! Lu mete, lu sambu kʼololo, ndu lu ololo, Ku wedja wayotshokwama le ndi. Lu dikambu diandi, kayuyala lutumbu lawo.

Ezekiyele 33:11

Uwateli wati: Khumadiondjo Latuyalaka kata ati: Uku wemi la lumu! Dimi hangenangena nyoi kʼuntu a kolo! Dimi nangaka ndi nkalula uma lu kolo kandi, la ndi ndjaja la lumu. Nyukaluli, nyukaluli uma lu mbuka yanyu ya kolo. Khumbu ka Isariyele, ukundi alanganyu mvo?

Danyele 9:3

Dimi lakediya elundji kami utsha le Khumadiondjo Unyashungu, dia mbuyanga lu dombelo lʼosengosengo, lʼekilelu ka ma, lu elotelo kʼakutu ndu lu etelu kʼutuku.

Hosea 12:6

Keli we ukaluii le Unyashungu aye; Ukimeli ngandji la sambu kʼololo wulu, Ukungelaki Unyashungu aye nshi tshe.

Hosea 12:7

Efarayima eli usi ukanda, Latukimelaka kilo ya lukesu lu anya andi. Ndi atongenangenaka nkesa antu.

Hosea 14:1

Isariyele, nyukaluli le Latuyalaka, Unyashungu anyu, Ne dia nyu nyakako lʼuhedia anyu.

Hosea 6:1

Nyeso tukaluli le Latuyalaka. Ne dia ndi kakatatshatsha, ndi ayutokonoya; Ndi kakatuhumuya, ndi ayomba puta yasu.

Joele 1:13

Nyu elombedi, nyolote akutu, nyuleli; Nyu ekambi wa lʼediakelu, nyudi tukuku. Nyu ekambi wa Unyashungu ami, nyuyi, Nyuhutuya unya lʼakutu lu kindi, Ne dia elambu wa shima la wa lutela hawenama ntu Lu luudu la Unyashungu anyu.

Zekariya 7:3

ndu dia ntumbula elombedi wa luudu la Latuyalaka Kanga lulimbilimbi la amvutshi vati: Undi shu mbeyaka ndela lu ngondo ka tanu, la ndjatula uku akatatshaka deku efula?

Zekariya 7:5

Ututeli antu tshe wa lu kete la elombedi wati: Undi, lamʼakanyakili mbu ya nde, ndu lamʼakanyalelaka lu ngondo ka tanu ndu lu ngondo kʼesambeli, lu deku ne akumi esambeli, lu dikambu diami kanyakilaka?

Malaki 1:9

Lambunyosengasenga kakiane nti: Nyosengesenge Unyashungu, dia ndi ntuka ngandji ka mamba! La wuhu one wa ushasha uma le nyu, dimi mbeyaka nungula otoi anyu omotshi lʼongenongeno? mbambula Latuyalaka Kanga lulimbilimbi.

Etsha wa Atumami 26:20

Ntundu, dimi lakatela wa la Damaseke, ndu wa la Jerusalema, ndu wa lu leke la Judiya tshe, ndu asi wedja nti: Nyukadimuli etema le Unyashungu. Nyutshaki akambu uku ukadimudinyu etema.

Embadi 2:4

Lamʼakatela ondjelo Latuyalaka asi Isariyele tshe aui aso, antu wakadi tukuku, wakaleli wulu.

Embadi 20:26

Ku wudja wʼutundu tshe wa Isariyele wakatshu la Betele, wakatulela, wakatudjase la ntundu ka Latuyalaka, wakakili ma lushi lako edja ndu dikolo. Vo wakalambula elambu wa lutshimba la elambu wa ki la ntundu ka Latuyalaka.

1 Samuele 7:3

Samuele akatela khumbu tshe ka Isariyele ati: Naka la etema anyu tshe mbamunyukalula le Latuyalaka, nyunya ditemolatemola diʼasi wedja la WaAshetarota weli lʼatei anyu. Nyediya etema anyu le Latuyalaka, nyotemolaki ndi ndame. Ku ndi ayunyutshungula uma lʼanya wʼasi Filistiya.

1 Samuele 7:6

Ku vo wakasangana la Mizipa, wakaduwula ashi, wakawatshula la ntundu ka Latuyalaka. Vo wakakile mbu ya nde lushi lako, wata vati: Shu takatshela Latuyalaka kolo! Ku Samuele akalaka akambu wʼasi Isariyele la Mizipa.