Joele 1:10 - La Bible en Otetela (Bible K'Ekila) 1991

¹⁰ Dikambo diambulanyema, kete yaya lʼutanda, Ne dia epunga wambulanyema, ashi wʼelua wambuma, iso kambushila.

Joele 1:10 Iomraidhean Croise

Etatelu 4:12

Lamʼayuyukambaka kete la mune diango, yo hayuleka nkongonyia diango. We ayuyala yekeko, ndu aha la ngelu shikaa la kete.

Isaya 15:6

Ashi wa Nimirime wambulanyema Adiyu wambuma tu-tu, ndu shinde yambusima, Nduku etumbatumba kʼomongela kekiko.

Isaya 24:11

Wambulela lʼesese ne dia wanu kema. Ongenongeno tshe wambukadimo okei, Ongenongeno wa la kete wambukume.

Isaya 24:7

Wanu wʼuyuyu hawuyuyala ntu, Okodi wʼelua wambolengela. Wane wakangenangenaka, wukhuma akhumu.

Jeremiya 12:11

Vo wakakiete dihuli diʼanyanya. To katulelaka la ntundu kami, ne dia elanyelu kato. Kete tshe yambuyala anyanya Ne dia nduku untu layikanela.

Jeremiya 12:4

Etena kakona kayukimo wudja ndela, Kayukimo tumbatumba nengela lu kete tshe? Uma lu kolo kʼasi kete, mbambushila nyama la fudu ushiki, Ne dia vo wakataka vati: Unyashungu hendi ekumelu kasu.

Jeremiya 48:33

Ongenongeno, la ongenongeno a wuki ambumo Uma lʼesui wʼeteto wa lu kete ya Moaba. Dimi lambumia ashi wʼelua lu ahuli watuwuhinaka. Nduku uhinyi weli la ongenongeno. Waelu kema waelu wʼongenongeno.

Hosea 4:3

Diako mbayuyala kete la utanda, Mbayukiyana wane tshe wudjashi loko. Nyama ya la kete la fudu ya lʼulungu Ndu nsi ya la ashi a waki wayunyema.

Hosea 9:2

Dihuli diʼesuswelu la diʼehinelu kʼelua hadiuwalesha, Ndu ashi wʼelua wayuhumbama.

Joele 1:12

Ekodi wa vinyo wambolengela, La etamba wa fingu wambuma. Etamba wa dikomi, atuku, ahamvu, Etamba tshe wa lu dikambo, wambuma; Ndu ongenongeno wambushila lʼetema wʼantu.

Joele 1:5

Nyu ambidjoki, nyemo, nyuleli; Nyu anoshi a wanu, nyudi tukuku lu dikambu diʼashi wʼelua, Ne dia vo wambunyama uma lʼenyo anyu.

Joele 2:19

Latuyalaka akakaluya diui, akatela wudja andi ati: Nyulungi, dimi layunyutumela Epunga, ashi wʼelua la iso, ku nyu nyayuluta. Dimi halunyukimo lu dionyo ntu lʼatei a wedja.

Akambu wʼAsi Lewi 26:20

Nyayushisha wulu anyu anyanya, ne dia kete yanyu hayongonya mbu ya nde, la etamba wa la kete hawoto elua awo.

Habakuka 3:17

Kuyanga etamba wa fingu hawutundja alembo, Kana elua ndjala lu ekodi wa vinyo, Kuyanga ekambelu ka mbeli huluwana, Dikambo hadiutundja mbu ya nde ntu; Kuyanga ekoko wayutundjama uma lu lukumbu, La ngombe hayuyala ntu lʼekutu,

Hangai 1:11

Dimi laketi owo ladiku dia kete, ladiku diʼekungu, ladiku dia wehu, ladiku dia ashi wʼelua, ladiku dia iso, ladiku dia kene tshe katutumbaka lu kete; ladiku dia antu, ladiku dia dungalunga, ndu ladiku diʼelimu tshe wʼanya.

Malaki 2:3

Nyulungi, dimi layuhangwela anʼanyu. Dimi layunyutela tumi lu dundji dianyu, tumi ta nyama yʼelambu anyu. Dimi layunyunya uma la ntundu kami.