Jobo 1:1 - La Bible en Otetela (Bible K'Ekila) 1991

¹ Lu kete ya Uze kaki untu omotshi, lukumbu landi Jobo. Pami keso aki untu ololo ndu usimbwi; akakadimo uma lu kolo.

Jobo 1:1 Iomraidhean Croise

Etatelu 10:23

Ana apami wa Arama ane: Uze, Hulu, Ngetere, la Mashe.

Etatelu 17:1

Lamʼaki Abarama la deku akumi divwa la divwa, Latuyalaka akene le ndi, akawutela ati: Dimi leli Unyashungu, Kanga-Wulu-Tshe. Okendakendaki ololo la ntundu kami, ndu uyali ololo tshe.

Etatelu 22:12

Ondjelo akawutela ati Tukumiaki lunya laye le ona. Ndu tutshelaki nduku dikambu. Dimi lambeya kakiane nti: We mbukaka Unyashungu woma, ne dia we konseka dia mbishami etoi kaye kʼona.

Etatelu 36:28

Ana wa Dishana ane: Uze la Arana.

Etatelu 42:18

Lushi la satu Josefu akawatela ati: Dimi mbukaka Unyashungu woma, nyutshi okone mbayunyutshikala la lumu.

Etatelu 6:9

Nonga ya Noa nye. Noa aki ololo la uluwanyi lʼatei wʼantu wa lolonga landi. Ndi akakendakendaka la Unyashungu.

2 Khumi ya Dikanga 20:3

Latuyalaka li, lambukosengasenga nti: Uho uku akamakendakendaka la ntundu kaye lu mete, lʼutema wʼusimbwi, ndu uku akamatshaka akambu waki ololo lu ashu aye, ku Hezekiya akaleli wulu.

1 Ekondo 1:17

Ana apami wa Sheme ane: Elame, Ashura, Arapakeshade, Luda, Arama, Uze, Hula, Ngetere la Mesheke.

1 Ekondo 1:42

Ana apami wa Ezere ane: Bilikana, Zavana la Jakana. Ana apami wa Dishana ane: Uze la Arana.

Jobo 1:8

Latuyalaka akambula Satana ati: We akalimbitela ukambi ami Jobo? Nduku untu la kete uku ndi, untu lʼololo ndu lʼusimbwi, latukaka Unyashungu woma, ndu lambukadimo uma lu kolo.

Jobo 2:3

Latuyalaka akambula Satana ati: We akalimbitela ukambi ami Jobo? Nduku untu la kete uku ndi, untu lʼololo ndu lʼusimbwi, latukaka Unyashungu woma, ndu lambukadimo uma lu kolo. Ndi ambushikikalaka lu uluwanyi andi, kuyanga we atuhimbaka mbulanya ulanyalanya.

Jobo 28:28

Ku ndi akatela untu ati: Ulungi, woma wa Khumesu mbeli yimba; La anganelu kʼuma lu kolo keli ewu.

Jobo 4:6

Woma aye wa Unyashungu, kema usuku aye? La uluwanyi aye, kema elungamelu kaye?

Jobo 9:21

Dimi kema la unungu, keli dimi hakimela lumu lami: Dimi lambuluhetsha.

Etumbelu 18:21

Dikambu dikina, osonole apami a wulu uma lʼatei a wudja tshe, wane wuka Unyashungu woma, akanga a mete, wane watuhetshaka ekundjelu kʼuma lu lukesu, akitsha ladiku dia wudja one, dia vo ndjala uku embuledi wʼantu kinunu kinunu, wʼantu lukama lukama, wʼantu akumi atanu atanu, ndu wʼantu dikumi dikumi.

Tukedi 14:16

Kanga yimba atuyakimelaka, atukadimoka uma lu kolo. Keli kanga enginya hatuyakimelaka, atutshaka utshatsha.

Tukedi 14:2

One latokendakendaka lu akambu wʼusimbwi, atukaka Latuyalaka woma. Keli one latunganelaka lu mbuka yandi, atuwonyolaka.

Tukedi 16:17

Mbuka kʼuntu lʼusimbwi keli dia mumo uma lu kolo. One latulamaka mbuka kandi, atumbaka utema andi.

Tukedi 16:6

Uma lu mete la kolamelu mbatudimanyiamaka kolo; La uma lu woma wa Latuyalaka mbatukadimoka antu uma lu kolo.

Tukedi 20:7

Untu ololo atokendakendaka lʼuluwanyi wʼutema andi. Anʼandi watongenangenaka lʼokongo andi!

Tukedi 3:7

Tuyalaki kanga yimba lu ashu aye weme: Uki Latuyalaka woma, umo uma lu kolo.

Tukedi 8:13

Woma wa Latuyalaka eli dia mpetsha kolo. Utaku, ngala, mbuka ka kolo, La unyo a kolo mbatumuhetshaka.

Jeremiya 25:20

la asi wedja tshe wakadjashi lʼatei awo, khumi ya dikanga tshe ya kete ya Uze, la khumi ya dikanga tshe ya kete yʼasi Filistiya, yʼAshikelona, ya Ngaza, ya Ekerona, la atshikadi wa Ashidode;

Delu dia Jeremiya 4:21

We ona umuntu Edome, ludjashi lu kete ya Uze, Ongenongeno, ongenongeno utamanya. Keli dikoho ne diayukuma ndu le ye; We ayudjo, ayengola utakataka.

Ezekiyele 14:14

utunduyala antu ane asatu: Noa, Danyele la Jobo wayali loko, tshiki vo wutushimbamela vame lu ololo awo, mbata Khumadiondjo Latuyalaka.

Ezekiyele 14:20

uku wemi la lumu! mbata Khumadiondjo Latuyalaka, utunduyala Noa, Danyele la Jobo wayali loko, tshiki vo tutuwushimbela ona pami kana ona umuntu, keli vo vame mbutushimbela nyumu yawo uma lu ololo awo.

Luka 1:6

Vo ahendi waki ololo lu ashu wa Unyashungu. Vo wakakendakendaka lu elembe la lu adjangu tshe wa Khumadiondjo aha la unungu.

Euhwelu kʼElembe 18:13

Kanyuyalaki aha la unungu la ntundu ka Latuyalaka, Unyashungu anyu.

Jakoba 5:11

Nyulungi, shu mvutaka dia antu wakayakikitsha shati: Weko la otshoko. Nyu nyakuki lukumu la etetemalu ka Jobo, nyakenyi ekumelu ka Khumadiondjo, ndu uku uludi Khumadiondjo la memakana la ketshi.

1 Petero 3:11

Ndi akadimo uma lu kolo, atshaki ololo; Ayangi ki, akiyeli.