Jeremiya 9:6 - La Bible en Otetela (Bible K'Ekila) 1991

⁶ Edjaselu kaye keko lʼatei a lukesu. Uma lu lukesu lawo, mbatuwutunaka mbeyami, mbata Latuyalaka.

Jeremiya 9:6 Iomraidhean Croise

Tukedi 1:24

Dimi lakanyeti keli nyu nyakatuni; Dimi lakasimbula lunya lami, ku nduku untu aketawo.

Tukedi 1:29

Vo wakatuni yimba, Konsonola dia mbuka Latuyalaka woma.

Isaya 1:25

Dimi layukahe lunya lami, Layolelola akedi aye, Layukunyiya tumi ta mbulu tshe.

Isaya 1:3

Ngombe atulimbitelaka khumeto, Ndu punda elelu ka khumeto. Keli Isariyele haweyi nduku yema, Wudja ami hawukani yimba.

Isaya 4:4

lamʼayotsha Khumadiondjo esekaseka wʼamantu wa lu Siona mindu yawo, ndu lamʼayundedia dikila dia Jerusalema uma lʼunungu adio la efufelu ka sambu kʼololo, ndu kʼetshumbelu.

Jeremiya 11:10

Vo wakakadimo utsha lu kolo ya washewo wa ntundu, wakatunaka aui ami. Vo wambuyela ditemolatemola dia ditemola. Khumbu ka Isariyele ndu ka Juda wakalanya sheki yami, yakamadji la washewo.

Jeremiya 11:19

Dimi laki uku onʼokoko latawalombola utsha lʼediakelu. Dimi kumbeya sheki yakawambidjela vati: Tulanya utamba kame la elua awo! Tuwunya uma lu kete ya wasena, Diaha antu mbuho lukumbu landi ntu.

Jeremiya 13:10

Wudja one wa kolo, watutunaka aui ami, watekamaka saki yʼetema awo, watuyelaka ditemolatemola dia ditemola la dikhusela adui. Vo wayuyala uku uya one wambuyala anyanya.

Jeremiya 18:18

Vo wakatanela vati: Nyeso, tudjeli Jeremiya sheki, ne dia elembe hawushisho le elombedi, alaka le akanga a yimba, kuyanga aui le amvutshi. Nyuyeti, tutudiaki lʼaui, tatulungaki aui andi nduku yema.

Jeremiya 20:10

Dimi mbukaka dionyo uma le antu efula, Woma wa mamba weko lʼutshimba tshe. Engenyi ami tshe waki kame la mi, Watulungamelaka ekwelo kami, wata vati: Nyufundi; tufundi, undu ndi ayukesama, Ku shu tayolembia, tayosomboya.

Jeremiya 5:27

Uku atululaka lusasa too la fudu, Mbatululaka mvudu yawo too la lukesu. Diako mbatuwuyalaka antu a waki ndu engonyi.

Jeremiya 8:5

Ku dikambu kuna diatokolamelaka wudja one nkalula ekongokongo? Vo watushikikalaka lu lukesu, hawetawo nkalula.

Hosea 11:8

Ukundi eyami nkukadja, we Efarayima? Ukundi eyami nkukimo, we Isariyele? Ukundi eyami nkete uku Adem? Ukundi eyami nkutshela uku Zeboyima? Utema ami ambulungula; Ketshi kami kambuyala otekoya.

Hosea 4:6

Wudja ami wambulanyema ne dia uhumba wʼewu. Ne dia we akatuni ewu, dimi layukutuna ntu, Ndu layukunya uma lʼulimu ami wʼolombedi. Ne dia we akuhela elembe wa Unyashungu aye, Osoku ndu dimi layuhela anʼaye.

Zekariya 13:9

Dimi layudja etenyi otoi ka satu lu dja, Layuwaedia uku atuwediaka fesa. Dimi layahimba uku atuwuhimbaka paunyi. Vo wayetaka lukumbu lami, ku dimi layuwaukelaka. Dimi layutaka nti: Vo weko wudja ami! Ku vo wayutaka vati: Latuyalaka keli Unyashungu asu!

Romo 1:28

Uku akawaseke nimbitela Unyashungu, mbakandakimo lu yimba yʼufutanu dia vo ntsha akambu wahasungana.

1 Koreto 15:34

Nyosene lu akambu wʼololo, tanyutshaki akambu wa kolo, ne dia amotshi haweyi Unyashungu. Dimi lambuta osoku, ne dia nyutsha sonyi.

1 Samuele 2:12

Ana apami wa Eli waki antu wa kolo. Vo konemiaka Latuyalaka.