Jeremiya 9:22 - La Bible en Otetela (Bible K'Ekila) 1991

²² Uti wati: Latuyalaka kata okone ati: Edu wʼantu wayukalema uku tumi lʼusui, Uku washa lʼokongo wʼumunyi, ku nduku layatongona.

Jeremiya 9:22 Iomraidhean Croise

2 Khumi ya Dikanga 20:13

Hezekiya akalungula ololo, akawaenya diango diandi tshe diʼushinga a wulu diaki lu luudu: fesa, paunyi, diango diʼepumu, iso kʼushinga a wulu, ndu luudu landi la diango dia ta, diango tshe dia ongonyi andi. Nduku engo kaki lu luudu la Hezekiya kana kaki lu diulelu diandi tshe kakindi kumbaenya.

2 Khumi ya Dikanga 20:15

Ku Isaya akawumbula ntu ati: Kakawenyi lu luudu laye na? Hezekiya akûkaluya diui ati: Vo wakenyi diango tshe dieli lu luudu lami, nduku engo lʼatei a waumbelu ami kakimi kumbaenya.

2 Khumi ya Dikanga 9:37

la udu wa Jezebele wayuyala uku tumi lu ekambo lʼusumba wa Jezerele, wuhu waheyi antu mvuta vati: Jezebele one.

Jobo 5:13

Ndi katundaka akanga a tumba lu ewu kawo vame, Ku sangweyu dia akanga a lukesu diatukumeka esadi.

Esambu 49:7

Nduku otoi lʼatei awo leya ntshungula unyandi, Kuyanga mbisha Unyashungu ushinga wʼetshungwelu.

Esambu 83:10

Vo wakalanyema la Ene-Dora, Wakayala eteto ka ntemia kete.

Tukedi 18:11

Ukundji eli usumba a wulu le kanga ongonyi. Vo weli eheli kʼave kʼutali lu tukanyi tandi.

Tukedi 23:4

Tuyahenyahenyaki dia ndjala kanga ongonyi, Tudjaki yimba vaye loko.

Isaya 5:25

Okone kele ka Latuyalaka kambufulanela le wudja andi. Ndi ambusimbula lunya landi dia mbasuya; Ekungu wambudidima; Ndu edu awo wambuyala uku ndjetete lu esese. Kuyanga akambu aso tshe wakatshama, kele kandi kumumo. Ndu lunya landi lakasimbwi tshu.

Jeremiya 16:4

Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 25:33

Lushi lako, wane wayudiakema le Latuyalaka, wayukalema kalakala uma la kuma kemotshi ka kete pulu ndu la kuma kekina. Vo hawulelama, hawembama, hawukhundema. Vo wayuyala uku tumi ladiku dia kete.

Jeremiya 6:21

Diako mbata Latuyalaka ati: Enda, dimi layukitsha etamba wa ntakanya la ntundu ka wudja one. Loko kayuwutakanaka, ndu washi ndu ana kame; Usukanyi ndu ongenyi wayulanyema.

Jeremiya 7:33

Edu wʼantu ane wayuyala ma dia fudu ya lʼulungu la nyama ya la kete, ku nduku untu layuyitshanya.

Jeremiya 8:2

Vo wayuwekitsha kalakala la ntundu ka unya, ka ngondo, ndu ka ului tshe wa lʼulungu, wakawukaka ngandji, wakawekamaka, wakawayelaka, wakawayangaka, ndu wa-kawatemolaka. Vo hawusanganyema kuyanga nkhundema. Vo wayuyala uku tumi ladiku dia kete.

Habakuka 1:11

Ku vo wayeta leko esadi uku lopepe, wayuyala la unungu. Wulu awo weli etemolatemola kawo!

Zefaniya 1:17

Dimi layela asui le antu Dia vo nkendakenda uku akanga a tutshungu, Ne dia wakantshela, dimi Latuyalaka, kolo. Dikila diawo diayutshulwama uku ditshu, La emunyi awo uku tumi.

Euhwelu kʼElembe 8:17

Nyewo, nyutukuta lʼetema anyu nyati: Khudu kasu la wulu wʼanya asu mbakatukundjiya ekundji ene.