Jeremiya 9:12 - La Bible en Otetela (Bible K'Ekila) 1991

¹² Untu akona eli kanga yimba lukuki nimbitela dikambu ne? One lakatela Latuyalaka, adisanya. Okoko wana wambulanyema kete, wambuyutshumbama uku usui wa shenga, lene ahatetaka untu?

Jeremiya 9:12 Iomraidhean Croise

Esambu 107:34

Ndu kete yʼeteto, shenga ya leho, Ne dia kolo ya waku watudjaseka loko.

Esambu 107:43

Ku akanga a yimba wayulamaka akambu ane, Ndu wayukanaka yimba la ngandji ka shikaa ka Latuyalaka.

Isaya 42:23

Akona lʼatei anyu ayuhuke tui lu akambu ane? Akona ayulanga inbahukama La mbalunga ne dia etena kayayi?

Jeremiya 23:10

Kete yambulula too lʼakanga a lukesu. Yo yaya lʼutanda ne dia mananu. Adiyu wa lʼusui wambulungula. Vo watulawoka utsha lu kolo. Wulu awo weko paka dia ntsha kolo,

Jeremiya 23:16

Latuyalaka Kanga lulimbilimbi kata okone ati: Tanyulungaki aui w amvutshi watunyutelaka akambu wahatayi. Vo watunyulungamiyaka akambu ulungamiyalungamiya. Vo watunyutelaka waenelo wʼuma lʼetema awo, aha wʼuma lʼunyo ami, dimi Latuyalaka.

Jeremiya 23:22

Utunduyala vo wakemala lʼului ami, Vo wutukia wudja ami aui ami, Wutakaluya uma lu mbuka kawo ka kolo Ndu uma lʼetsha awo wa kolo.

Jeremiya 23:28

Umvutshi lakenyi do, asakuli do diako, keli one lakuki diui diami, ataki diui diami la kolamelu. Okoko wana wasohanyawo puhudi la epunga? mbambula Latuyalaka.

Jeremiya 9:20

Nyu amantu, nyuki diui dia Latuyalaka, Nyuhuke atui lu aui watandi, Nyetsha anʼanyu wʼamantu kimbu yʼutanda. Nyu tshe untu lʼuntu etsha unyandi djuwa,

Ezekiyele 14:23

Vo wayunyusamba lamʼayunyena lokewo lawo la etsha awo. Nyu nyayulimbitela nyati: Dimi kuntsha akambu tshe wakamatshi la Jerusalema utshatsha, mbata Khumadiondjo Latuyalaka.

Hosea 14:9

One leli la yimba, alimbiteli akambu ane. One leli la ewu, amani akambu ane fundu, Ne dia mbuka ya Latuyalaka yeko ololo. Untu ololo atokendakendaka loko, Keli akanga wʼuhedia wayoko loko.

Hosea 4:10

Vo wayole, keli hawuluta. Vo wayunana, keli hawutana, Ne dia vo wakantuni, dimi Latuyalaka, la elembe ami.

Joele 1:11

Nyu ekambi wa dikambo, nyuleli; Nyu alami wa vinyo, nyate asulu Lu dikambu dia epunga wa menge la wa yelela, Ne dia dinela kema.

Zefaniya 3:6

Dimi lakashili wedja ushiki, tangelu diawo diakalanyema. Dimi lakalanya esese awo, wuhu waheyi untu mbeta leko. Esumba awo wakalanyema, wuhu waheyi untu ndjala leko, Wuhu waheyi untu mbidjase leko.

Mateu 24:15

Okone lamʼayunyena elanyelu ka wononyi kakati umvutshi Danyele kemadi lu dihuli diʼekila (one lala akambu ane amani fundu),

Euhwelu kʼElembe 32:29

Utunduyala wayali la yimba, vo wutulimbitela dikambu ne, Vo wututshikitanya akambu awo wa ndjihelu la wʼekumelu.

Enyelo 1:3

Untu tshe ladia, ndu wane wuka akambu wahatayi ane, la wakitanyia akambu wambufundama loko, weli la otshoko, ne dia etena kʼakambu ako kaya suki.