Jeremiya 8:3 - La Bible en Otetela (Bible K'Ekila) 1991

³ Wane wayutshikala uma lu diuhu ne dia kolo lu ahuli tshe wakamawatshanya, wayukumbula nyoi uleki lumu, mbata Latuyalaka Kanga lulimbilimbi.

Jeremiya 8:3 Iomraidhean Croise

1 Khumi ya Dikanga 19:4

Keli ndi ndame akatshu lokendo la lushi otoi lʼusui wa shenga, akatudjase la tshina dia lokonga. Ndi akakumbula nyoi, akalombe ati: Latuyalaka, ambukuka! Ose lumu lami, ne dia dimi handeki wa papa ololo.

Jeremiya 23:3

Dimi layusanganya atshikadi wa ekoko ami, uma lʼahuli tshe wakamawatshanya, layakaluya lu ekutu awo. Ku vo wayutana, wayufulanela.

Jeremiya 23:8

Keli wayutaka vati: Uku eli Latuyalaka, lakela tukanula ta khumbu ka Isariyele uma lu kete ya la ngelʼa kushi ndu uma lu kete tshe yakandawatshanya la lumu! Vo wayudjase lu kete yawo.

Jeremiya 29:14

Dimi layetawo nyu mbishulami. Dimi layukadimula lohombo lanyu, layunyusanganya uma lu wedja tshe ndu uma ahuli tshe, lene akamanyutshanya. Dimi layunyu-kaluya lu dihuli diakamanyose, dia nyotola lu fumbi.

Jeremiya 29:28

Ndi ako kakatutumela diui la Babilona ati: Lohombo leki edja, nyuhiki mvudu, nyudjase loko, nyune diango lu dikambo, kanyuli diango dia dinela diʼuma loko!

Jeremiya 40:12

asi Juda tshe wakakalula uma lʼahuli tshe wakawatshanyema, wakatshu lu kete ya Juda utsha la Mizipa le Ngedaliya. Ku vo wakatamula ashi wʼelua, ndu wakatumba elua wʼowo efula.

Jeremiya 44:2

Latuyalaka Kanga lulimbilimbi, Unyashungu wa Isariyele, kata ati: Nyu nyakenyi elanyelu tshe kakamatumela Jerusalema, ndu esumba tshe wa la Juda. Kakiane, vo weko atongo atu, waha la antu

Jeremiya 44:6

Okone ududu ami la kele kami wakatshulo, wakahete lu esumba wa Juda ndu lu tushinga ta Jerusalema. Vo wakalanyema, wakayala atongo uku ewo elo.

Jeremiya 6:9

Latuyalaka Kanga lulimbilimbi kata okone ati: Nyokonole atshikadi wa Isariyele, Uku atuwokonolaka elua wa vinyo. Uwahe lunya laye ntu, uku atunyinginyaka umumbi wʼelua ekodi.

Danyele 9:7

Khumadiondjo li, le ye keli ololo. Keli le su, paka ufutanu utu la dundji uku lushi lone, le asi Juda, le asi Jerusalema la le asi Isariyele tshe weli lasuki ndu weli etali, lu kete tshe yakawatshanyama, ne dia kolo la ehedia wakawakuhediaka.

Akambu wʼAsi Lewi 26:33

Dimi layunyudianganya lʼatei a wedja, layosomola yombo lʼokongo anyu. Kete yanyu yayulanyema, esumba anyu wayuyala atongo.

Amose 3:1

Nyu asi Isariyele, nyulungi diui ne, Mbakati Latuyalaka lu dikambu dianyu, Lu dikambu dia khumbu tshe kakandatundja Uma lʼEdjibitu ati:

Jona 4:3

Okone we Latuyalaka, lambukosengasenga nti: Ose lumu lami kakiane, ne dia ndeka ololo dimi mvo uleki ntshikala la lumu.

Mika 2:3

Diako mbata Latuyalaka ati: Nyuki, dimi lambusanguya dia ntshela khumbu kene kolo, Kahanyeya ndawuya kingu yanyu, Kuyanga nkendakenda lʼutaku, Ne dia oso ayuyala etena ka kolo.

Euhwelu kʼElembe 30:1

Lamʼayuya akambu ane tshe le nyu, otshoko la mananu, wamumukitsha la ntundu kanyu, nyu nyayuwauho lamʼayunyuyala lʼatei a wedja tshe wambunyutshanya Latuyalaka, Unyashungu anyu.

Euhwelu kʼElembe 30:4

Kuyanga nyu nyayosekwama pulu ndu la kuma kʼulungu, Latuyalaka, Unyashungu anyu, ayutunyuyanga leko, ayutunyosa ntu.

Enyelo 6:16

wa tela ekungu la ave vati: Nyutukungweli, nyutushe uma lu ashu wa one latudjaseka lu kiti ka diulelu, ndu uma lu kele ka Ona-Okoko,

Enyelo 9:6

Lu nshi sho, antu wayuyanga nyoi, keli vo hawukitana; wayuyanga mvo, ku nyoi ayalawo.