Jeremiya 8:2 - La Bible en Otetela (Bible K'Ekila) 1991

² Vo wayuwekitsha kalakala la ntundu ka unya, ka ngondo, ndu ka ului tshe wa lʼulungu, wakawukaka ngandji, wakawekamaka, wakawayelaka, wakawayangaka, ndu wa-kawatemolaka. Vo hawusanganyema kuyanga nkhundema. Vo wayuyala uku tumi ladiku dia kete.

Jeremiya 8:2 Iomraidhean Croise

2 Khumi ya Dikanga 17:16

Vo wakaseke elembe tshe wa Latuyalaka, Unyashungu awo, wakayatshela tana ta ngombe tuhendi ta lolelola, wakatshi ndu ekishi ka Ashera, wakakhusamelaka ului a diango tshe dia lʼulungu, wakakambela Bala ulimu.

2 Khumi ya Dikanga 21:3

Ndi akalongosola alunga wakalanya Hezekiya, shi, ntu Ndi akeme diakelu dia Bala, akatshi ekishi ka Ashera, uku akatshi Ahaba, khumʼekanga ka Isariyele. Ndi akatemolaka ului tshe wa diango dia lʼulungu, akadikhusamelaka.

2 Khumi ya Dikanga 21:5

Ndi akatshela ului tshe wa diango dia lʼulungu diakelu lʼatei a kumbu hyendi yʼaseke wa luudu la Latuyalaka.

2 Khumi ya Dikanga 23:5

Ndi akatshanya elombedi wa dikishi, wakatadji khumi ya dikanga ya Juda dia ntshumbaka elambu wa malashi lu alunga wa lʼesumba wa Juda, ndu lʼahuli wa lʼutshimba wa Jerusalema, ndu waku wakatshumbelaka Bala, unya, ngondo, toto la ului tshe wa diango dia lʼulungu malashi.

Esambu 53:5

Lu dihuli diaki kundjala woma ntundu, Vo wakatamanya mbuka woma, Ne dia Unyashungu akadianganya weka wa one lakakukela wumbe. We akawautsha sonyi ne dia Unyashungu akatuni.

Esambu 83:10

Vo wakalanyema la Ene-Dora, Wakayala eteto ka ntemia kete.

Esambu 83:11

Utsheli ewandji awo uku akayatshela Oreba la Zeba, Ndu ana awo wʼewandji uku Zeba la Zalamuna.

Undaki 6:3

Naka untu ayuta ana lukama, ndu ambulumba deku efula dia nshi yandi ndjala efula efula, keli utema andi haluti diese, ndu hakundja diumbu, dimi lambuta nti: Ona uhasa mbuleka ololo.

Jeremiya 14:16

Ndu antu watuwutelaka akambu wahatayi, wayukadjema lu esese wa Jerusalema dikambu dia ndjala ka kasha la yombo. Nduku untu ayuyala leko dia mbakhunde: vo, wadiewo, anʼawo wʼapami kuyanga anʼawo wʼamantu. Dimi lajakaluya kolo yawo lu ete awo.

Jeremiya 16:11

Ku we ayakaluya diui wati: Latuyalaka kata ati: Ne dia washenyu wakanseke, wakayelaka ditemolatemola, wakaditemolaka, la waka-dikhuselaka adui. Vo wakanseke, kunkitanyia elembe ami.

Jeremiya 16:4

Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 16:6

Antu a waki ndu wa tshitshe wayuvo lu wudja one. Hawuwakhunde, hawuwalela, hawuwakotela puta, ndu hawuwanyela divu.

Jeremiya 19:13

Mvudu ya Jerusalema la mvudu ya khumi ya dikanga ya Juda yakawasanya, yayuyala uku dihuli dia Tofeta: mvudu tshe lene akawatshumbela ului tshe wa diango dia lʼulungu malashi ladiku diayo, la mvudu tshe lene akawatshulwela ditemolatemola elambu wʼashashi.

Jeremiya 22:19

Diumbu diandi diayuyala uku dia punda, wayukutula, Wayutuwukadja lʼandja wa asuku wa Jerusalema.

Jeremiya 25:33

Lushi lako, wane wayudiakema le Latuyalaka, wayukalema kalakala uma la kuma kemotshi ka kete pulu ndu la kuma kekina. Vo hawulelama, hawembama, hawukhundema. Vo wayuyala uku tumi ladiku dia kete.

Jeremiya 31:40

Ukidi tshe wa edu ndu wʼetuku, la esui tshe pulu ndu lu okedi wa Kidirona, edja ndu la tshuku dia Suku dia Falasa utsha lʼehutwelu ka unya wayukidiama le Latuyalaka. Vo hawunyukwama kuyanga nanyema ntu pundju.

Jeremiya 36:30

Diako mbata Latuyalaka lu dikambu dia Jehoyakima, khumʼekanga ka Juda, ati: Nduku onʼandi ayudjase lu kiti ka diulelu ka Davidi. Udu andi ayukalema lu lahaladi la yanyi ndu lu tshitshi kʼutshu.

Jeremiya 9:20

Nyu amantu, nyuki diui dia Latuyalaka, Nyuhuke atui lu aui watandi, Nyetsha anʼanyu wʼamantu kimbu yʼutanda. Nyu tshe untu lʼuntu etsha unyandi djuwa,

Jeremiya 9:21

Ne dia nyoi kambumbela lu adidishi asu. To kambuyoto lu mvudu yasu ya khumʼekanga. To katushilaka akenda lu aseke, la elongo wʼapami lu esese.

Jeremiya 9:22

Uti wati: Latuyalaka kata okone ati: Edu wʼantu wayukalema uku tumi lʼusui, Uku washa lʼokongo wʼumunyi, ku nduku layatongona.

Ezekiyele 29:5

Dimi layukukadja lʼusui wa shenga, We la nsi tshe ya lu ekedi aye. We ayoko lʼusui wa hwe. We hembama kana nkhundema. Dimi lambukukimo dia we ndjala engo ka nde Ka nyama ya la kete la fudu ya lʼulungu.

Ezekiyele 39:5

Nyu nyayutuvo lʼusui wa tshekelee, ne dia dimi lambuta, mbata Khumadiondjo Latuyalaka.

Ezekiyele 6:5

Dimi layukitsha edu wʼasi Isariyele la ntundu ka dikishi diawo. Dimi layudianganya weka anyu lʼetshimba wa diakelu dianyu.

Ezekiyele 8:16

Ku ndi akambela uya lu seke dia lʼatei dia luudu la Latuyalaka, menyi ku apami lasuki la akumi ahendi la atanu ane wemadi la suku dia luudu la Latuyalaka, lʼasa mbalasa lʼediakelu. Wuki ekongo awo utsha lʼetemwelo ka Latuyalaka, la dundji diawo dieledi utsha lʼehutwelu. Vo waki lu ntemola unya lu leke lako lʼehutwelu.

Zefaniya 1:17

Dimi layela asui le antu Dia vo nkendakenda uku akanga a tutshungu, Ne dia wakantshela, dimi Latuyalaka, kolo. Dikila diawo diayutshulwama uku ditshu, La emunyi awo uku tumi.

Zefaniya 1:5

Ee, layushila waku watotemolaka Ului wa diango dia lʼulungu lʼete wa mvudu, Waku watotemolaka, watutshibaka le Latuyalaka, Ndu watutshibaka Milikome,

Etsha wa Atumami 7:42

Keli Unyashungu akawaediya okongo, akakimo dia vo nkambela ului a diango dia lʼulungu ulimu. Uku akafundama lu abuku ati: Nyu khumbu ka Isariyele, Lamʼakinyu lʼusui deku akumi anei, Nyakanambula nyama ya ludiaka la elambu ekina uka?

Euhwelu kʼElembe 17:3

ambutsho le ditemolatemola dia ntudikambela ulimu la ditemola, kuyanga ntsho le unya, ngondo kana le ului tshe wa diango dia lʼulungu, diakamanyuseke.

Euhwelu kʼElembe 4:19

Ewo, ne dia lamʼediaye ashu utsha lʼulungu, ndu lamʼenaye unya, ngondo la toto, ului tshe wa diango dia lʼulungu, utukuyukutwama dia dikhusela adui la ditemola, diango diakakahanya Latuyalaka, Unyashungu anyu, le wedja tshe weli la tshina diʼulungu wʼutundu.