Jeremiya 8:13 - La Bible en Otetela (Bible K'Ekila) 1991

¹³ Dimi layashila ushiki, mbata Latuyalaka. Ekodi wa vinyo hawoto elua ntu, kuyanga etamba wa fingu nto fingu. Akatshi wayolengela, la diango diakamawasha diayumo uma le wo.

Jeremiya 8:13 Iomraidhean Croise

Isaya 5:10

Dikambo dikumi diʼelua diayutumba paka bata otoi kʼashi wʼelua. Dinela dia homera otoi ka wuhu ayuyala paka efa otoi.

Jeremiya 14:12

Lamʼakilawo ma, dimi haluka esengosengo awo. Lamʼalambulawo elambu wa lutshumba la wa shima, dimi halelungula. Keli dimi layadiaka la yombo la ndjala ka kasha ndu la elandu.

Jeremiya 14:15

Okone lu dikambu diʼamvutshi ako watutaka akambu wahatayi lu lukumbu lami, wakimi kuntuma, ndu watutaka vati: Yombo la ndjala ka kasha hawuyala lu kete nye, mbatami dimi Latuyalaka nti: Amvutshi ako wayudiakema la yombo la ndjala ka kasha.

Jeremiya 17:8

Ndi ayuyala uku utamba wakawune lʼumamu wʼashi, Watotolaka ediu awo utsha lʼokedi. Vo hawutukaka woma lamʼatuyakaka luhaladi. Akatshi awo watutshikalaka eleselese. Vo hawutukananaka lu eleku kʼowo, Hawutukimoka nto elua.

Jeremiya 5:17

Vo wayumana dinela dianyu, la mbu yanyu ya nde. Vo wayumana anʼanyu wʼapami la wʼamantu. Vo wayumana dungalunga dianyu la ngombe yanyu. Vo wayumana vinyo yanyu la fingu yanyu. Vo wayulanya esumba anyu a wulu, watunyekamaka la tombo.

Jeremiya 7:20

Diako mbata Khumadiondjo Latuyalaka okone ati: Nyulungi, kele kami la ududu ami wayutshulo lu dihuli ne, ladiku diʼantu, ladiku dia nyama, ladiku diʼetamba wa lu dikambo, ndu ladiku diʼelua wa la kete. To kayoheta, haweyi nkidima.

Ezekiyele 22:31

Diako mbayumatshulwela ududu ami. Dimi layashila ushiki la dja ya kele kami. Dimi layukaluya kolo yawo lu ete awo, mbata Khumadiondjo Latuyalaka.

Hosea 2:12

Dimi layulanya ekodi indi wa vinyo la etamba andi wa fingu; Wakandataka ati: Vo weli tshindu diakantshinde eseka ami. Dimi layuwaete ukunda, ku nyama ya lʼukunda yayelekaka.

Joele 1:7

Vo wakalanya ekodi ami wa vinyo, Wakatshatsha etamba ami wa fingu. Vo wakaweuwula, wakawekadja; Tahi yawo yakayala wema.

Akambu wʼAsi Lewi 26:20

Nyayushisha wulu anyu anyanya, ne dia kete yanyu hayongonya mbu ya nde, la etamba wa la kete hawoto elua awo.

Habakuka 3:17

Kuyanga etamba wa fingu hawutundja alembo, Kana elua ndjala lu ekodi wa vinyo, Kuyanga ekambelu ka mbeli huluwana, Dikambo hadiutundja mbu ya nde ntu; Kuyanga ekoko wayutundjama uma lu lukumbu, La ngombe hayuyala ntu lʼekutu,

Hangai 1:11

Dimi laketi owo ladiku dia kete, ladiku diʼekungu, ladiku dia wehu, ladiku dia ashi wʼelua, ladiku dia iso, ladiku dia kene tshe katutumbaka lu kete; ladiku dia antu, ladiku dia dungalunga, ndu ladiku diʼelimu tshe wʼanya.

Hangai 2:17

Dimi lakanyusuya la elanyelu ka mbu ya nde, la pota ndu la mvula ka mboko lu elimu tshe wʼanya anyu. Keli nyu kunkadimo le mi, mbata Latuyalaka.

Malaki 3:11

Dimi layuhangwela undeshi lu dikambu dianyu, ku ndi hulanya elua wa kete yanyu. Kuyanga elua wa vinyo yanyu hawolololo uma lu dikambo dianyu, mbata Latuyalaka Kanga lulimbilimbi.

Mateu 21:19

Lamʼakandenyi utamba a fingu lʼumamu a mbuka, ndi akatshu laawo. Ndi kuntana nduku engo loko, paka akatshi atu. Ku ndi akatela utamba ati: Elua tawotokaki ntu le ye pundju! Kemʼedja utamba a fingu akalengela.

Jakoba 1:11

Ne dia unya atandaka la luhaladi la wulu, atolengiyaka adiyu, ku alembo awo watokokaka la kete, dimena diawo diatushilaka. Osoku mbayuyala ndu kanga ongonyi lu akambu andi.