Jeremiya 7:34 - La Bible en Otetela (Bible K'Ekila) 1991

³⁴ Ku dimi layukumiya ongenongeno, ongenongeno a wuki, kimbu yʼutshuki la kimbu yʼutshukami lu esumba wa Juda ndu lʼesese wa la Jerusalema, ne dia kete yayuyala elanyelu ketu.

Jeremiya 7:34 Iomraidhean Croise

Jobo 3:7

Utshu uku ayali wʼekumba, Dielu diʼongenongeno tadiukamaki lʼatei awo!

Esambu 78:63

Dja yakatshumbi elongo awo wʼapami, Ku esekaseka awo wʼamantu kumbeya ntshukama.

Isaya 1:7

Wudja anyu wambuhandjwama, Esumba anyu wambutshumbama. Asi wedja wambole diango dia lu kete yanyu lu ashu anyu. Kete yambulanyema, asendji wambuyilembia.

Isaya 3:26

Asuku wa Siona wayuyala la alelu, ndu la utanda. Vo wayohenyahenyama wulu, wayutadjaseka udjasedjase la kete.

Isaya 6:11

Ku dimi lakambula nti: Khumemi, edja ndu kaandi? Ku ndi akakaluya diui ati: Edja ndu esumba wambulanyema, wambuyala aha la antu; Edja ndu mvudu yambuyala aha la untu; Edja ndu kete yambuyala shenga tshu;

Jeremiya 16:9

ne dia Latuyalaka Kanga lulimbilimbi, Unyashungu wa Isariyele, kata okone ati: Dimi layukumiya waelu wʼongenongeno, waelu wʼongenongeno a wuki, kimbu yʼutshuki ndu kimbu yʼutshukami la ntundu kanyu lu nshi yanyu lu kete.

Jeremiya 22:6

Latuyalaka kata okone lu dikambu dia khumbu ka khumʼekanga ka Juda ati: We eli uku Ngiliyade le mi, uku ote wa Lebanona. Keli mete, dimi layukete shenga, usumba waha la antu.

Jeremiya 25:10

Dimi layukumiya waelu wʼongenongeno la waelu wʼonge-nongeno a wuki, kimbu yʼutshuki la kimbu yʼutshukami, mindju wa toshi la esasi wa tala.

Jeremiya 27:17

Tanyulungaki, nyuyali lʼokongo a khumʼekanga ka Babilona, mbayunyulumba. Okoko wana wukuki usumba one nanyema?

Jeremiya 33:10

Latuyalaka kata okone ati: Lu dihuli ne diakanyataka nyati: Dio diambulanyema, diaha lʼuntu kuyanga nyama; lu esumba wa Juda ndu lu tushinga ta Jerusalema aya atongo atu, nduku untu, one ludjashi kuyanga nyama;

Jeremiya 33:11

leko hukema aui wa tola la aui wʼongenongeno ntu, aui wʼutshuki la aui wʼutshukami, aui a wane wimba esambu, lamʼatuwelaka elambu wʼeukelu ka lusaka uya lu luudu la Latuyalaka, vati: Nyuki Latuyalaka Kanga lulimbilimbi lusaka, Ne dia ndi eko ololo, Ne dia ngandji kandi ka shikaa ntshikalaka pundju! Dimi layukaluya ongonyi wa kete uku akiwo ntundu, mbata Latuyalaka.

Jeremiya 4:26

Dimi lakendi, ku usui waki eteto, waya shenga. La esumba awo tshe wakalanyema la ntundu ka Latuyalaka, La ntundu ka kele kandi ka wulu.

Jeremiya 4:27

Latuyalaka kata okone ati: Kete tshe yayulanyema, keli dimi haluyilanya tshe tshe.

Jeremiya 44:6

Okone ududu ami la kele kami wakatshulo, wakahete lu esumba wa Juda ndu lu tushinga ta Jerusalema. Vo wakalanyema, wakayala atongo uku ewo elo.

Delu dia Jeremiya 5:14

Dihangamendi hawuyudjase lʼeotwelo kʼusumba; Elongo wʼapami wambukimo mimba esambu awo.

Ezekiyele 26:13

Dimi layukumiya lundju lʼesumba anyu, la lundju la sese yanyu, halukuma ntu.

Ezekiyele 7:11

Akambu wa ngala wambuhama, wambuyala uku ohehela wa kolo. Nduku otoi lʼatei wʼului ayutshikala, kuyanga ongonyi awo; nduku layuyala la nemo lʼatei awo.

Hosea 2:11

Dimi layukumiya ongenongeno andi tshe, Nshi yandi ya waki, talelu tandi ta ngondo, nshi yandi ya mumuya La nshi yandi ya waki yakawashikike.

Hosea 2:13

Dimi layûsuya, ne dia nshi yandi ya waki, Yakandatshumbela WaBala malashi. Yakandayalengaka tungunga tʼatui la adidi andi, Yakandayelaka eseka andi. Ndu yakandambuhelaka, mbata Latuyalaka.

Akambu wʼAsi Lewi 26:33

Dimi layunyudianganya lʼatei a wedja, layosomola yombo lʼokongo anyu. Kete yanyu yayulanyema, esumba anyu wayuyala atongo.

Mika 7:13

Keli kete yayulanyema lu dikambu dia wane wudjashi loko, Ne dia elua wʼetsha awo.

Enyelo 18:23

Ndu tala hadiuyoheta lʼatei aye ntu; Hawuyuka diui dia utshuki a wadi Kuyanga dia umuntu lutshukami lʼatei aye ntu, Ne dia ambetshetshi wʼukanda waki antu a waki wa la kete, Ne dia wedja tshe wakakesama lʼekanga aye.