Jeremiya 7:30 - La Bible en Otetela (Bible K'Ekila) 1991

³⁰ Asi Juda wakatshaka kene kaki kolo lu ashu ami, mbata Latuyalaka. Vo wakakitsha diango diawo dia wononyi lu luudu latuwetaka lukumbu lami, La dio lulanya.

Jeremiya 7:30 Iomraidhean Croise

2 Khumi ya Dikanga 21:3

Ndi akalongosola alunga wakalanya Hezekiya, shi, ntu Ndi akeme diakelu dia Bala, akatshi ekishi ka Ashera, uku akatshi Ahaba, khumʼekanga ka Isariyele. Ndi akatemolaka ului tshe wa diango dia lʼulungu, akadikhusamelaka.

2 Khumi ya Dikanga 21:4

Ndi akatshi diakelu lu luudu la Latuyalaka, kuyanga mbakati Latuyalaka ati: La Jerusalema kayumushikike lukumbu lami.

2 Khumi ya Dikanga 21:7

Ndi akandji ekishi ka Ashera kakandasele lu luudu lakatela Latuyalaka Davidi la onʼandi Solomona ati: Lu luudu lone, ndu lu Jerusalema, kakamasonola lʼatei a wedja tshe wa Isariyele, kayumushikike lukumbu lami pundju.

2 Khumi ya Dikanga 23:12

Khumʼekanga akahandjula diakelu diaki Vote a luudu la ladiku la mbetama la Ahaza, diakatatshi khumi ya dikanga ya Juda, ndu diakelu diaki lu aseke ahendi wa lu lukumbu la luudu la Latuyalaka, diakatatshi Manase. Ndi akadiwediawedia, akadinya uma lu ahuli adio, akatukadja efushi adio lu kyoko ya Kidirona.

2 Ekondo 33:15

Ndi akanya ditemolatemola dia wedja, la ekishi uma lu luudu la Latuyalaka, akalanya diakelu tshe diakandatshi lʼukungu wa luudu la Latuyalaka ndu la Jerusalema, akadikadja lʼandja wʼusumba.

2 Ekondo 33:3

Ndi akalongosola alunga wakalanya Hezekiya, shi. Ndi akatshi diakelu dia WaBala, akatshi dikishi dia WaAshera, ndi akatemolaka ului wa diango tshe dia lʼulungu, akadikhusamelaka.

2 Ekondo 33:7

Ndi akakitsha efanelu ka losela kʼekishi kakandasele lu luudu la Unyashungu, lakatela Unyashungu Davidi la onʼandi Solomona ati: Lu luudu lone, ndu la Jerusalema yakamasonola lʼatei a wedja tshe wa Isariyele, kayumushikike lukumbu lami pundju.

Isaya 66:4

Ndu dimi ntu layasonwela lukulu lʼengeno, Layatumela kene kayuwautsha woma, Ne dia dimi lakawaeti, ku vo kunkaluyami diui. Lakateketa la wo, ku vo kunungami. Keli vo wakatshi akambu waki kolo lu ashu ami; Wakasonola akambu wahatongenyangenyaka.

Jeremiya 16:18

Dimi layosomboya kolo kawo tena pendi, ne dia vo wakalanya kete yami la ditemolatemola diawo dia kolo, diaha la lumu Vo wambuludia etenyi kami kʼukito lʼakambu awo wa wononyi.

Jeremiya 23:11

Ne dia ndu amvutshi ndu elombedi wambusuwo. Dimi lakatani kolo kawo ndu lu luudu lami, Mbata Latuyalaka.

Jeremiya 32:34

Vo wakakitsha dikishi diawo lu luudu latuwetaka lukumbu lami dia lulanya.

Jeremiya 32:35

Vo wakatshela Bala alunga lʼukidi wa onʼa Hinome dia ntshumbela Moleka anʼawo wʼapami la anʼawo wʼamantu lu dja, dikambu diakimi kumbatela ndu diaki kundjala lu tukanyi tami, dia vo ntsha dikambu dia wononyi wuhu oso, dia munganyia Juda.

Ezekiyele 7:20

Vo wakose elengalenga kawo ka dimena, wakakiete engo ka ndjasema. Vo wakatshi dikishi diawo dia wononyi la diango diawo diatumuhetshaka lato, diako mbayumukiete engo ka mindu le wo.

Ezekiyele 8:3

Ku ndi akasimbula lunya, akankimela lu divu, ku Nyuma akambedia lʼasa kete la ulungu. Ndi akambela lu waenelo wa Unyashungu uya la Jerusalema, uya lu suku diʼeotwelo ka seke dia lʼatei diʼeledi utsha lu leke la ngelʼa kushi, lene aki efanelu ka kandjema kako katutungaka kandjema.

Danyele 11:31

Alimbi wayuya uma lu diui diandi, wayusanya etemwelo la lungeli lato, wayotola ulambu wa lutshumba wa la lushi la lushi. Vo wayei engo ka wononyi, katutungaka elanyelu.

Danyele 9:27

Ndi ayudja la antu efula sheki ya wulu yediko ya lubingu otoi. Ku lʼatei wʼetenyi otoi ka hendi ka lubingu, ndi ayukumiya ulambu la ulambu wa lutshumba. Unanyishi ako ayutsha akambu wuleki wononyi edja ndu akambu wakasanguyama ntshama lu ekumelu wayuyala la diku diandi.