Jeremiya 7:25 - La Bible en Otetela (Bible K'Ekila) 1991

²⁵ Umaka lushi lakatumbi washenyu uma lu kete ya Edjibitu edja ndu elo, dimi lakakolamelaka mbatumela ekambi ami tshe, amvutshi.

Jeremiya 7:25 Iomraidhean Croise

2 Ekondo 24:19

Latuyalaka akatumi amvutshi lʼatei awo dia mbaela le ndi. Keli vo kunanga nunga aui wakawuki.

2 Ekondo 36:15

Latuyalaka, Unyashungu a washewo, al atumelaka aui wa mbaewula esadi le atumami andi, ne dia ndi akalangaka mpandja wudja andi la edjaselu kandi hita.

Ezera 9:7

Uma lu nshi ya washesu, shu takayala la unungu a wuki edja ndu elo. Uma lu kolo yasu, mbakayatukimo, ndu shu, ndu khumi ya dikanga yasu, la elombedi asu lʼanya wa khumi ya dikanga yʼasi wedja, lu yombo, lu lohombo, lu elanyelu ndu lu sonyi kukumbi dundji diasu edja ndu elo.

Nehemiya 9:26

Keli vo wakayala la uhedia, wakakuhindwela. Vo wakakadja elembe aye lʼokongo, wakadiaki amvutshi aye wakatshutshiyaka dia vo nkalula le ye, wakakudjaka tofwefwe.

Nehemiya 9:30

We akakikela deku efula, we akawaewula uma le Nyuma kaye ndu uma le amvutshi aye, keli vo kumpuke atui. Okone we akakimo lʼanya wʼasi wedja.

Isaya 5:4

Dikambu diakona diutumutsha ntu lʼekambo kami La diku dia akambu wakamatshi leko? Okoko wana, lamʼakamalungamela elua wʼololo Ku to nto elua wʼululu?

Jeremiya 11:7

Dimi lakewulaka washenyu lʼutema otoi, umaka lushi lukamatundja uma lu kete ya Edjibitu edja ndu elo. Dimi lakawaewulaka pindju tshe nti: Nyukitanyia aui ami:

Jeremiya 25:3

Lʼatei wa deku akumi ahendi la satu ne, umaka eleku ka dikumi lʼasatu ka diulelu dia Josiya, onʼa Amona, khumʼekanga ka Juda, edja ndu kakiane, diui dia Latuyalaka diatuyakaka le mi. Dimi latunyutelakadio umaka pindju, keli nyu kumbuka.

Jeremiya 25:4

Keli nyu kumbuka kana mpuke atui dia nunga aui wa Latuyalaka, kuyanga ndi akanyutumelaka amvutshi andi umaka pindju wata vati:

Jeremiya 29:19

ne dia vo kunkitanyia aui ami, wakamatumelaka kʼolomo la pindju le ekambi ami amvutshi. Vo kununga, mbata Latuyalaka.

Jeremiya 35:14

Ana wa Rekabe watulamaka aui wakawadjangela Jonadaba, onʼa Rekabe ati: Tanyonokaki wanu. Vo hawutonoka wanu edja ndu elo, ne dia vo watukitanyiaka olembe wa shewo. Dimi lakateketaka la nyu nshi tshe umaka pindju, keli nyu kumbukelami.

Jeremiya 35:15

Ndu dimi lakanyutumelaka ekambi ami amvutshi umaka pindju, dia nyutela vati: Nyukaluli kakiane untu lʼuntu uma lu mbuka kandi ka kolo, nyolongosole akambu anyu, tanyuyelaki ditemolatemola dia ditemola, ku nyu nyayudjase lu kete yakamanyusha, nyu la washenyu. Keli nyu kumpuke atui, kumbukelami.

Jeremiya 44:4

Keli dimi lakanyutumelaka ekambi ami amvutshi umaka pindju, dia vo ndjunyutela vati: Tanyutshaki dikambu dia wononyi ne diatumuhetshaka.

Jeremiya 7:13

Nyulungi, lamʼakanyatshi akambu ane tshe, dimi lakakolamelaka nteketa la nyu, keli nyu kumbukelami. Dimi lakanyetaka, keli nyu kumbetawo, mbata Latuyalaka.

Ezekiyele 2:3

Ndi akamvutela ati: Onʼa untu, dimi luyanga nkutuma le asi Isariyele, le wudja wʼakanga wʼuhedia wakantombokwela; vo la washewo watumpediaka edja ndu elo kene.

Hosea 11:7

Wudja ami watukikitshaka utema dia mangana uma le mi; Watuwaetaka uya le KhumʼUlungu, Keli nduku otoi lʼatei awo atutumbulaka.

Hosea 12:10

Dimi kateketaka lʼamvutshi; Dimi lakafudiaka waenelo, La uma le amvutshi ako mbakamukaka wela.

Amose 2:11

Dimi lakatundja amvutshi lʼatei wa anʼanyu, La akidiami lʼatei wʼelongo anyu wʼapami. Aha osoku mbedio, nyu asi Isariyele? Mbambula Latuyalaka.

Malaki 3:7

Uma lu nshi ya washenyu, nyu nyaketola uma lu adjangu ami, aha mbalama. Nyukaluli uya le mi, ku dimi layukalula uya le nyu, mbata Latuyalaka Kanga lulimbilimbi. Keli nyu mumbulaka nyati: Ukundi ayutukalula?

Luka 11:49

Diako mbakati ndu yimba ya Unyashungu ati: Dimi layatumela amvutshi la atumami. Vo wayudiaka amotshi, wayuwasuya.

Euhwelu kʼElembe 9:7

Nyuho, tanyuhelaki uku akanyukia Latuyalaka, Unyashungu anyu, kele lʼusui wa shenga. Nyu nyakayahendwelaka Latuyalaka umaka lushi lakanyatumbi lu kete ya Edjibitu, edja ndu lamʼambunyukuma lu dihuli ne.