Jeremiya 7:18 - La Bible en Otetela (Bible K'Ekila) 1991

¹⁸ Ana watunaka kunyi, washewo wato-ngonyaka dja, amantu watosohanyaka shima dia nkatela khumʼekanga ka umuntu ka lʼulungu ekati, ndu dia ntshulwela ditemolatemola elambu awo wa lutela, dia mbutshami kele.

Jeremiya 7:18 Iomraidhean Croise

1 Khumi ya Dikanga 14:9

We akatshi kolo ndeka antu tshe waki la ntundu kaye, we akayatshela ditemolatemola la dikishi dia lolelola, dia mbukiami kele. We akambikadja lʼokongo aye.

1 Khumi ya Dikanga 16:2

Dimi lakakedia uma lu ditshu, ku lakakudji uwandji wa wudja ami Isariyele. Keli ne dia we akakendakendaka lu mbuka ka Jeroboama, ndu ne dia we akanganyia wudja ami Isariyele dia vo mbutshami kele lu kolo yawo,

Esambu 16:4

Waku watulambulaka ukina elambu, watufudiaka okei awo. Dimi haletawo nambula elambu awo wa dikila, Kuyanga mvuta kumbu yawo lʼelomo ami.

Isaya 3:8

Jerusalema ambulanyema, La Juda ambuhandjo, Ne dia aui awo la etsha awo watotombokwelaka Latuyalaka, Watudjaka ashu andi wa lutumbu tofwefwe.

Isaya 57:6

Lʼatei ave wa lokolonga wa lukidi keli esonwelo kanyu, Ee, vo weli etenyi kanyu ka sangu. Nyu nyatuwalambulaka elambu, Nyatuwatelaka elambu wa lutela. Undi, dimi mbeyaka nembohala lu dikambu diako?

Isaya 65:11

Keli nyu wane watonsekaka, dimi Latuyalaka, Watuhelaka ukungu ami wʼekila, Wakalela Lukulu lʼOlo mesa, Ndu wane wakasohanyia Wendjudi wanu.

Isaya 65:3

Nyu nyeli wudja watumbutshaka kele ndu la ntundu kami, Watulambulaka elambu lu dikambo, Watutshumbaka elambu wa malashi ladiku diʼatafadi.

Jeremiya 1:16

Dimi layalumbuya dikambu dia kolo yawo tshe, ne dia vo wakanseke, wakatshumbela ditemolatemola malashi, ndu wakatemola elimu wakawatshi lʼanya awo.

Jeremiya 11:17

Latuyalaka Kanga lulimbilimbi lakakune, ambuketele elanyelu, ne dia kolo ka khumbu ka Isariyele la khumbu ka Juda, kakawatshi dia mbutsha kele lamʼakawatshumbela Bala malashi.

Jeremiya 17:2

Osoku mbatuhoka ndu anʼawo diakelu diawo la Wa-Ashera weli la tshina diʼetamba wʼeyuyu lu akuna wʼetali.

Jeremiya 19:13

Mvudu ya Jerusalema la mvudu ya khumi ya dikanga ya Juda yakawasanya, yayuyala uku dihuli dia Tofeta: mvudu tshe lene akawatshumbela ului tshe wa diango dia lʼulungu malashi ladiku diayo, la mvudu tshe lene akawatshulwela ditemolatemola elambu wʼashashi.

Jeremiya 25:7

Keli nyu kumbukelami, dia nyu mbukiami yenyi la ditemolatemola diakanyatshi lʼanya dia nyutungela elanyelu, mbata Latuyalaka.

Jeremiya 32:29

Asi Kaladiya ane walosha usumba one, wayuyudja dja loko, wayutshumba kame la mvudu yakawatshumbelaka Bala elambu wa malashi ladiku diayo, yakawalambulaka ditemolatemola dikina elambu wa lutela dia mbutshami dikeli.

Jeremiya 44:25

Latuyalaka Kanga lulimbilimbi, Unyashungu wa Isariyele, kata ati: Ndu nyu ndu wadienyu nyakati uma lʼenyo anyu, nyakatshi lʼanya anyu nyati: Shu tayushidiya alokoloko asu wakatadji wa ntshumbela khumʼekanga ka umuntu ka lʼulungu malashi la wa mbulambula elambu wa lutela. Kakiane, nyushikike alokoloko anyu, nyashidiya.

Jeremiya 44:4

Keli dimi lakanyutumelaka ekambi ami amvutshi umaka pindju, dia vo ndjunyutela vati: Tanyutshaki dikambu dia wononyi ne diatumuhetshaka.

Jeremiya 7:17

Undi, we henyi akambu watuwutshaka lu esumba wa Juda ndu lʼesese wa Jerusalema?

Delu dia Jeremiya 5:13

Elonge wʼapami wakato epunga, Akenda wakatakana la wutshu wa kunyi.

Ezekiyele 16:26

We akatemolaka ditemolatemola diʼasi Edjibitu, asukanyi aye, weli la saki ka ntemola dikishi. We akafudia temwelo diaye dia mbutshami kele.

Ezekiyele 20:28

Lamʼakamakumia lu kete yakamatshibi dia mbasha, vo wakedia ashu utsha lu dikuna tshe diʼutali, utsha lʼutamba tshe wa pukaa. Vo wakalambulaka elambu awo leko, wakambukia kele la elambu awo. Vo wakalambulaka elambu awo wa malashi ndu elambu awo wa lutela.

Ezekiyele 8:16

Ku ndi akambela uya lu seke dia lʼatei dia luudu la Latuyalaka, menyi ku apami lasuki la akumi ahendi la atanu ane wemadi la suku dia luudu la Latuyalaka, lʼasa mbalasa lʼediakelu. Wuki ekongo awo utsha lʼetemwelo ka Latuyalaka, la dundji diawo dieledi utsha lʼehutwelu. Vo waki lu ntemola unya lu leke lako lʼehutwelu.

Ezekiyele 8:17

Ku ndi akamumbula ati: Onʼa untu, we henyi dikambu ne? Undi, dikambu dia tshitshe mbedio dia khumbu ka Juda ntsha akambu watuwutshaka lane, dia vo ndudia kete la akambu wa ngala, ndu nkalula lu etshelu ka akambu wa mbutshami kele? Vo wambuludia ehembe awo la sulu kawo.

1 Koreto 10:22

Khumadiondjo kutshasu kandjema uka? Wulu mbulekisu?

Euhwelu kʼElembe 32:16

Vo wakawukia kandjema ne dia ditemolatemola diʼangendangenda, Wakawukia kele lʼakambu awo wa wononyi,

Euhwelu kʼElembe 32:21

Vo wambumbukia kandjema le wane waha etemolatemola; Wakambukia kele ne dia dikishi diawo diʼanyanya. Okone ndu dimi layuwautsha kandjema le wudja waha wudja; Layuwautsha kele le wudja waha la yimba.

Euhwelu kʼElembe 4:19

Ewo, ne dia lamʼediaye ashu utsha lʼulungu, ndu lamʼenaye unya, ngondo la toto, ului tshe wa diango dia lʼulungu, utukuyukutwama dia dikhusela adui la ditemola, diango diakakahanya Latuyalaka, Unyashungu anyu, le wedja tshe weli la tshina diʼulungu wʼutundu.