Jeremiya 7:15 - La Bible en Otetela (Bible K'Ekila) 1991

¹⁵ Dimi layunyutshanya uma la ntundu kami, uku akamatshanya anengenyu tshe, tukanula tshe ta Efarayima.

Jeremiya 7:15 Iomraidhean Croise

2 Khumi ya Dikanga 17:23

edja ndu lamʼakawatshanya Latuyalaka uma la ntundu kandi, uku akandataka lʼenyo wa ekambi andi amvutshi tshe. Okone Isariyele wakatolama fumbi uma lu kete yawo utsha lu Asuriya lene udjashiwo edja ndu elo.

2 Khumi ya Dikanga 24:20

Uma lu kele ka Latuyalaka mbakayala akambu aso la Jerusalema ndu la Juda, diako mbakandawatshanya uma la ntundu kandi. Zedekiya akahindwela khumʼekanga ka Babilona.

2 Ekondo 15:9

Ndi akasanganya asi Juda tshe la asi Bendjamina, asi Efarayima, asi Manase la asi Simeyona wakadjashi lʼatei awo, ne dia asi Isariyele efula wakuyelilamʼakawenyi vati: Latuyalaka, Unyashungu andi, eko kame la ndi.

Esambu 51:11

Tumbitshanyaki etali uma la ntundu kaye, Tunyaki Nyuma kʼOlolo kaye uma le mi.

Isaya 7:16

Ntundu ona ako ateyi ntuna kolo la nsonola ololo, kete ya khumi ya dikanga hyendi yayutunama.

Jeremiya 15:1

Latuyalaka akamvutela ati: Kuyanga Mose kana Samuele ayemala la ntundu kami, dimi halolembe utema lu dikambu dia wudja one. Uwatshanya uma la ntundu kami, watshu.

Jeremiya 23:33

Lamʼayukumbula usi wudja one, umvutshi, kana olombedi ati: Kakona keli endelu ka Latuyalaka? Kakaluya diui wati: Nyu mbeli endelu kako Dinu layunyukadja, mbata Latuyalaka.

Jeremiya 23:39

Diako mbayu-munyuhela, mbayumunyukadja nyu la usumba one wakamanyusha, nyu la watshenyu, uma la ntundu kami.

Jeremiya 3:8

Kuyanga mbakamaseke asi Isariyele, akanga wʼuhedia, ne dia etemwelo kawo ka dikishi ndu kuyanga mbakamawasha mukanda wʼesekanelu, dimi lakenyi nti: Anengewo, asi Juda, akanga a lukesu, hawuki woma. Vo wakatshu dia ntotemola ditemolatemola pupu.

Jeremiya 52:3

Uma lu kele ka Latuyalaka mbakayala akambu ane la Jerusalema ndu la Juda. Osoku mbakandawatshanya uma la ntundu kandi. Zedekiya akahindwela khumʼekanga ka Babilona.

Jeremiya 9:19

Ne dia tukuku tʼalelu tambukema uma le Siona. Yee! tambushila, tambukumbama la sonyi, Ne dia shu takaseke kete, ndu ne dia vo wakalanya mvudu yasu!

Ezekiyele 23:31

We akayelaka mbuka kakakendakendaka enundu aye, diako mbayumudja dikoho diandi diʼelanyelu lu anya aye.

Ezekiyele 33:25

Okone uwateli wati: Khumadiondjo Latuyalaka kata ati: Nyu nyatolekaka ma kame la dikila, nyatediaka ashu utsha le dikishi dianyu, nyatutundjaka dikila. Nyu mbeyaka nkita kete uka?

Hosea 1:4

Ku Latuyalaka akawutela ati: Uwole lukumbu wati: Jezerele; ne dia paka yema tshitshe mbambutshikala, dia dimi nsomboya khumbu ka Jehu dikila dia Jezerele. Dimi layukumiya diulelu dia khumbu ka Isariyele.

Hosea 12:1

Efarayima watolekaka lopepe, Watuyelaka lopepe lʼuma lʼehutwelu ka unya. Vo watufudiaka kashi lu akambu wa ngala la lushi la lushi; Wambudja lʼasi Asuriya sheki; Wambotola iso utsha lʼEdjibitu.

Hosea 13:16

Samariya wayemba wutahu wa kolo yawo, Ne dia vo wakauombokwela Unyashunpu awo, Wayadiaka la tombo. Wayohotshahotsha anʼawo wʼashashi. Wayatshatsha akundju a wadiewo weli la waemi.

Hosea 7:13

Mananu kayali le wo ne dia vo wakandawo. Elanyelu kayali le wo, ne dia vo wakampendwela. Dimi lutshimbela, Keli vo watutaka aui wa kashi lu dikambu diami.

Hosea 9:13

Dimi lakenyi ana apami wa Efarayima Wambosonwama dia dia ndjakema. Efarayima ayolombola anʼandi utsha le undjaki.

Hosea 9:3

Vo hawutshikala lu kete ya Latuyalaka. Efarayima wayukalula lu Edjibitu. Ku vo wayutole mbu ya ude ya mindu lu Asuriya.

Hosea 9:9

Vo wakayalanya efula, uku lu lushi la Ngibeya. Latuyalaka ayuho uhedia awo, Ayasuya ne dia kolo yawo.

Jona 2:4

Dimi lakati nti: Dimi lakatshanyema etali uma la ntundu kaye, Keli dimi layenda ntu utsha lʼetemwelo kaye kʼekila.

Walelu 1:32

Lʼatei wʼasika Josefu, vo wakali efula kʼapami, untu lʼuntu, uku efula kakumbu, waki la deku akumi ahendi pulu ladiku, wane tshe wakakuki ntsho lu ta, uma lu wudja wa Efarayima, uku nonga yawo, khumbu yawo, ndu mvudu ya washewo.