Jeremiya 7:12 - La Bible en Otetela (Bible K'Ekila) 1991

¹² Nyutshu kakiane utsha la Shilo, lu dihuli diakamashikike lukumbu lami ntundu. Nyutendi uku akamaditshela, ne dia kolo ka wudja ami Isariyele.

Jeremiya 7:12 Iomraidhean Croise

1 Khumi ya Dikanga 9:7

ku dimi layunya Isariyele uma lu kete yakamawasha, ndu layunya luudu lone lamumukidia dikambu dia lukumbu lami uma lu ashu ami. Ku Isariyele ayuyala engo ka dionyo ndu ka tola lʼatei a wedja tshe.

Jeremiya 26:6

ku dimi layete luudu lone uku Shilo, ndu layete usumba one engo ka mananu le wedja tshe wa la kete.

Jeremiya 7:14

Diako mbayumutshela luudu latuwetaka lukumbu lami, latunyekamaka, ndu dihuli diakamanyusha nyu la washenyu, wuhu wakamatshela Shilo.

Euhwelu kʼElembe 12:11

Ku Latuyalaka, Unyashungu anyu, ayosonola dihuli dimotshi dia nkitsha lukumbu landi leko. Leko kayunyutukimoka kene tshe kamumunyudjangela: elambu anyu wa lutshumba, la elambu anyu ekina, tenyi dianyu dia dikumi, laelonga anyu la elambu anyu wa daka, wayunyukimoka le Latuyalaka, dia nshidiya alaka anyu.

Euhwelu kʼElembe 12:5

Keli kanyuyangi dihuli diayosonola Latuyalaka, Unyashungu anyu, lʼatei a wauhu anyu, dia ntukitsha lukumbu landi la ntsha edjaselu kandi leko.

Jashua 18:1

Ului tshe wʼasi Isariyele wakamote kame la Shilo, wakahiki luudu lʼesanganelu la dipema leko. Vo wakalembia kete.

Jashua 18:10

Ku Jashua akawaukia uwali la ntundu ka Latuyalaka la Shilo. Jashua akakahanya asi Isariyele kete, akasha diuhu la diuhu etenyi kawo.

Embadi 18:31

Okone vo wakatemolaka ekishi ka losela ka Mika kakandatshi nshi tshe yaki luudu la Unyashungu la Shilo.

1 Samuele 1:3

Pami kako akunelaka uma lʼusumba andi lʼeleku lʼeleku utsha la Shilo, dia ntotemola Latuyalaka, Kanga lulimbilimbi, la dia ntulambula elambu. Leko kaki ana apami ahendi wa Eli: Hofeni la Finehasi, elombedi wa Latuyalaka.

1 Samuele 4:22

Ndi akati ati: Lutumbu lambumo uma le Isariyele, ne dia wakahotodi oshete wa Unyashungu.