Jeremiya 6:16 - La Bible en Otetela (Bible K'Ekila) 1991

¹⁶ Latuyalaka kata okone ati: Nyemali lu mbuka, nyendi, Nyumbuli mbuka yʼedjedja lenʼeli mbuka kʼololo. Nyokendekende loko, ku nyu nyayutana ki lu etema anyu. Keli vo wakakaluya diui vati: Shu hatokendakenda loko.

Jeremiya 6:16 Iomraidhean Croise

1 Khumi ya Dikanga 8:36

kuwaukeli lʼulungu. Kudimanyia ekambi aye, wudja aye Isariyele kolo kawo. Kuwaetsha mbuka kʼololo kayuwuhumba nkendakenda. Kolosha mvula lu kete yakayasha wudja aye ukito.

2 Ekondo 19:11

Enda, Amariya keli olombedi anyu wa ladiku lu akambu tshe wa Latuyalaka; Zebadiya, onʼa Ishamele, keli umbuledi wa khumbu ka Juda lu akambu tshe wa khumʼekanga; ndu asi Lewi weko ewandji la ntundu kanyu. Nyukikitali, nyutshi, Latuyalaka ayali la untu tshe layutshaka ololo.

Esambu 116:7

We utema ami, ukaluli lu mumuya kaye, Ne dia Latuyalaka akakutshela ololo.

Isaya 2:5

Wa lu luudu la Jakoba, Nyuyi, tokendekende lu usasi wa Latuyalaka.

Isaya 28:12

Ndi akawatela ati: Mumuya kene, Usha one lambolemba mumuya. Dihuli dia mumuya ne! Keli vo kunanga mbuka.

Isaya 30:21

Lamʼayunyuyanga mbetola lu lunya la pami kana la lomoso, atui anyu wayuka diui uma lʼokongo ati: Mbuka keku, nyokendekende loko! nyokendekende loko!

Isaya 46:9

Nyuho akambu waki lu nshi yʼedjedja, Ne dia dimi keli Unyashungu, nduku ukina. Dimi keli Unyashungu, nduku ukina lufanyi le mi.

Isaya 57:2

Ndi amboto lu dihuli dia ki. Antu wʼololo watukundjaka mumuya lu mbetu yawo.

Isaya 8:20

Watshu le olembe ndu le omenyi! Naka vo hawoteketa aui aso, mete, usasi hawene le wo ntu.

Jeremiya 12:16

Naka wedja ene wayokolamela mbekela ditshelu dia wudja ami, dia ntshiba lu lukumbu lami vati: Uku eli Latuyalaka la lumu! Uku akawetsha wudja ami dia ntshibela Bala, ku vo wayongona lʼatei a wudja ami.

Jeremiya 18:12

Keli vo mvutaka vati: Dikambu so anyanya! Shu tayuyelaka paka tukanyi tasu, shu tshe tayutshaka uku saki yʼetema asu wa kolo.

Jeremiya 18:15

Wudja ami wambumbuhela, Wambutshumbela ditemolatemola malashi. Vo wakatakana lu ditshelu diawo Lamʼakawakendakendaka lu mbuka yʼedjedja. Vo waketetaka lu tuwuka, lu mbuka yahatalongoswama.

Jeremiya 2:25

Tanyutshikaki ekulu anyu hwe, tanyumiaki weudi anyu tu! Keli nyu mvutaka nyati: Kema, aui aso anyanya, Ne dia shu tatulangaka ditemolatemola dia wedja, tayudiyelaka.

Jeremiya 22:21

Dimi lakateketaka la ye lamʼakiye lʼongonyi, Keli we akataka wati: Dimi halungi. Osoku mbakayatshaka umaka nshi yaye ya dikenda. We kunkitanyiaka diui diami.

Jeremiya 31:21

We umuntu lʼemuma, Isariyele, eme tulimbitelu, Uhiki abaya wa menya antu mbuka, Ekamia utema aye utsha lʼosese, lu mbuka kakayatshu. Ukaluli, ukaluli, utsha lʼesumba aye ene.

Jeremiya 42:3

Latuyalaka, Unyashungu aye, atenya mbuka kahumbasu ndjela, ndu uku abumbasu ntsha!

Jeremiya 44:16

Lu dikambu diʼaui wakayatutedi lu lukumbu la Latuyalaka, shu hatukukitanyia nduku yema.

Jeremiya 50:5

Vo wayumbula mbuka kʼutsha la Siona, wayedia dundji diawo utsha leko, wata vati: Nyuyi, nyuyumamemi Latuyalaka lu sheki ya pundju, yahuhameki pundju.

Jeremiya 7:23

Keli dikambu ne mbakamawadjangela nti: Nyulungaki aui ami, ku dimi layuyala Unyashungu anyu, la nyu nyayuyaia wudja ami. Nyokendakendaki lu mbuka tshe yamumunyenya, ku nyu nyayuhumo lukulu lʼolo.

Jeremiya 7:24

Vo kununga, kumpuke atui. Vo wakakendakenda lu tukanyi tawo ndu lu saki yʼetema awo wa kolo, wakakalula ekongokongo, kuntsho utsha la ntundu.

Jeremiya 7:3

Latuyalaka Kanga lulimbilimbi, Unyashungu wa Isariyele, kata ati: Nyolongosole akambu anyu la etsha anyu, ku dimi layetawo nyu mbidjase lu dihuli ne.

Malaki 4:4

Nyuho elembe, aui la adjangu wakamatela ukambi ami Mose lu Horeba lu dikambu dia Isariyele.

Luka 16:29

Keli Abarahama akati ati: Vo weko la Mose la amvutshi; vo wawaukeli.

Joani 12:35

Ku Jesu akawatela ati: Yanyi yayuyala etenyi ka tshitshe ketu lʼatei anyu. Nyutetetshi lamʼekinyu la yanyi, udjima atukunyutana. One leteta lu udjima, heyi lene atandatshu.

Joani 13:17

Naka nyu mbeyaka akambu ane, nyu nyayuyala la otshoko lamʼayunyuwatsha.

Joani 5:39

Nyu nyatuyangiayangiaka lu afundelu, ne dia nyu nyatukanaka nyati: Leko kesu la lumu la pundiu; ndu afundelu ntu wambumvuta.

Etsha wa Atumami 17:11

Antu aso wakaleki wa la Tesalonika ololo, ne dia vo waketawo diui lʼuhetu: wakayangiayangia la lushi la lushi lu afundelu, kana akambu ane mete kewo.

Romo 4:12

Dikambu diako diakawete lotshetshe lʼambahemi wʼehekeli le wane wambahema uhekeli watokendakendaka lu wanya wa mbetawo kako ka tshesu Abarahama, ntundu ndi atahema uhekeli.

Euhwelu kʼElembe 32:7

Nyuhoki nshi yʼedjedja, Nyukani yimba dia deku dia nonga efula. Nyumbuli washenyu akambu ane, ku vo wayunyumanyawo fundu; Ndu esumbi anyu, ku vo wayunyutelawo.

Kolosai 2:6

Uku akanyalungula Khumadiondjo Kristu Jesu, okone nyokendakendaki la ndi.

Heberu 11:2

Ne dia wakatela watshesu dia dikambu ne.

Heberu 6:12

diaha nyu ndjala tasuasua. Keli nyukuya wane wambukita alaka ne dia mbetawo la etetemala kawo.

Embadi 2:17

Vo kumbukela embadi awo, wakatendela ditemolatemola, wakadikuselaka adui. Vo waketola esadi uma lu mbuka kakakendakendaka washewo. Vo kunkitanyia elembe wa Latuyalaka uku akakitanyiaka washewo.