Jeremiya 6:13 - La Bible en Otetela (Bible K'Ekila) 1991

¹³ Ndu wa tshitshe ndu a waki, Vo tshe weli akanga a lukaki. Ndu umvutshi ndu olombedi, Vo tshe watutshaka lukesu.

Jeremiya 6:13 Iomraidhean Croise

Isaya 28:7

Keli ndu vo, watusukosukoka la wanu, Watengengoka la dinono dia wulu. Elombedi la amvutshi watusukosukoka la dinono dia wulu, Wambolembiama tshe la wanu. Vo watengengoka la dinono dia wulu, watungaka lu dienelo. Vo watutakanaka lamʼatuwusambulaka akambu.

Isaya 57:17

Ne dia kolo ka okom va andi mbakamuki kele, mbakamokomola. Dimi lakawushe elundji, lakumala; Ku ndi akatetemala ndjela lulangu lʼutema andi.

Jeremiya 14:18

Naka lambutsho lʼusui, Menyi ku edu wʼantu a waku wakadiakemi la yombo; Naka lamboto lʼusumba, Menyi ku antu wambushila la ndjala, Ne dia ndu umvutshi ndu olombedi watetetaka lu kete Ku waha la ewu.

Jeremiya 17:11

Uku engwe kudami lu ekeli wakito kumumba, Osoku mbeli untu latukundjaka Ekundji uma lu mbuka ka kolo. Ndi ayetshika lʼatei a nshi yandi, Ku lʼekumelu, ndi ayuyala paka enginya.

Jeremiya 2:26

Uku atolomboka uvi lamʼatuwuwundaka, Osoku mbambolombo wa lu luudu la Isariyele: Vo la khumi ya dikanga yawo la ewandji awo, elombedi awo la amvutshi awo.

Jeremiya 2:29

Okoko wana walanganyu mama la mi? Nyu tshe nyakampedia, mbata Latuyalaka.

Jeremiya 2:8

Elombedi kumumbula vati: Lendʼeli Latuyalaka? Ndu embetsha wʼelembe kumbeyakami, Ndu elombodi wakampediaka, Ndu nmvutshi wakateketaka akambu wahatayi uma le Bala, Wakayelaka diango diaki kumbeya mbakimanyia.

Jeremiya 22:17

Keli ashu aye la utema aye ntshokaka paka lu saki ka diango, Dia ntshulula dikila diaha la unungu, La dia ntsha akambu a wengiya la wa ndjawudi.

Jeremiya 23:10

Kete yambulula too lʼakanga a lukesu. Yo yaya lʼutanda ne dia mananu. Adiyu wa lʼusui wambulungula. Vo watulawoka utsha lu kolo. Wulu awo weko paka dia ntsha kolo,

Jeremiya 23:11

Ne dia ndu amvutshi ndu elombedi wambusuwo. Dimi lakatani kolo kawo ndu lu luudu lami, Mbata Latuyalaka.

Jeremiya 27:15

Latuyalaka kata ati: Dimi kumbatuma, keli vo watutaka akambu wahatayi wa kashi lu lukumbu lami, dia dimi nyutshanya la dia nyu ntuvo, nyu la amvutshi ako watunyutelaka akambu wahatayi wa kashi.

Jeremiya 32:32

ne dia kolo tshe yakatshaka asi Isariyele la asi Juda aki dia mbutshami dikeli, vo la khumi ya dikanga yawo, ewandji awo, elombedi awo, la amvutshi awo asi Juda la asi Jerusalema.

Jeremiya 42:1

Elombodi tshe wʼalimbi: Johanana, onʼa Karea; Azariya, onʼa Ho-shaya; lʼantu tshe a waki ndu wa tshitshe, wakatshu,

Jeremiya 5:31

Amvutshi watutaka kashi lu akambu wahatayi. Elombedi watulelaka antu uku alangawo. Ku wudja ami watongenangenaka akambu aso. Lʼekumelu kʼakambu ako, kayunyutsha na?

Jeremiya 8:10

Diako mbayumukimo wadiewo le akina, La dikambo diawo le waku wayalunga, Ne dia vo tshe, one luleki tshitshe ndu luleki wuki, Wambuyala akanga a lukaki. Ndu umvutshi ndu olombedi, vo tshe watutshaka akambu wa lukesu.

Delu dia Jeremiya 4:13

Dikambu so diakayala, ne dia kolo yʼamvutshi awo. La ehedia wa elombedi awo, Wakatshulula dikila diʼantu wʼololo lʼatei awo.

Ezekiyele 22:12

Vo watulungulaka weedi dia ntshulula dikila lʼatei anyu. Nyu nya-tulungulaka osombelo la waho. Nyu nyatongonaka lu diango diatunyohotolaka anyanyu la wulu, nyu nyatumbuhelaka, mbata Khumadiondjo Latuyalaka.

Ezekiyele 33:31

Vo wayuya le ye uku atuyakaka wudja, ku wayudjase la ntundu kaye. Vo wayulunga aui aye, keli hawuwatsha, ne dia vo weko la ngandji ka lu elomo, ku etema awo weko lu waho awo.

Mika 3:11

Nyu ete wa Jerusalema nyatulumbuyaka Dia nkundja mbu yʼutshu. Nyu elombedi weli loko, Nyu nyatetshaka ne dia nkundja difutu. Nyatulimbitshiyaka akambu wa Unyashungu dia nkundja falanga. Keli nyu nyatekamaka le Latuyalaka, Nyata nyati: Undi, Latuyalaka kema lʼatei asu? Nduku elanyelu kayuya le su.

Mika 3:5

Latuyalaka kata okone lu dikambu dianyu, Nyu amvutshi watunganyiaka wudja ami, Lamʼatunyolekaka ma, nyu nyatuhangohangoka nyati: Ki! Keli le waku wahatudjaka nduku engo lʼenyo awo, Nyu nyatuyalongosolaka dia ndo la wo ta.

Luka 16:14

Afarise, waki anangi wa falanga, wakuki akambu aso tshe, wakosoke.

1 Timote 3:3

Tayaiaki kanga lundju kana okomwanyi, keli ayali la memakana; tayalaki la tamu, tayalaki unangi wa falanga.

2 Petero 2:1

Keli amvutshi wa kashi wakatumbi lʼatei wʼantu, uku embetsha wa kashi wukuyala lʼatei anyu, wayuya la akambu wa tamu wʼelanyelu lu usheshe. Vo wayanguna ndu Khumadiondjo lakatshungula, wayulanyema esadi.

2 Petero 2:3

Ne dia okomiya mbayuwengonya la nyu ushinga la aui wa nyimbiya. Dianyelu diawo diakawanyema edjedja, hatshimbatshimba; elanyelu kawo hetama djo.