Jeremiya 6:12 - La Bible en Otetela (Bible K'Ekila) 1991

¹² Mvudu yawo, dikambo diawo, La wadiewo wayukimwama le akina, Ne dia dimi layusimbula lunya lami Ladiku dia kete nye, mbata Latuyalaka.

Jeremiya 6:12 Iomraidhean Croise

1 Ekondo 21:16

Davidi akedia ashu, enyi ku ondjelo wa Latuyalaka emadi lʼasa ulungu la kete uhangaki yombo ladiku dia Jerusalema. Ku Davidi la dihangamendi wolote akutu wakayakosha ekhukumadi la kete.

Isaya 10:4

Vo wayukutakuta lʼului wʼasi lukanu, Wayoko lʼului a waku wambudiakema. Kuyanga osoku, kele kandi hakitakita, Ndu lunya landi lakasimbemadi.

Isaya 5:25

Okone kele ka Latuyalaka kambufulanela le wudja andi. Ndi ambusimbula lunya landi dia mbasuya; Ekungu wambudidima; Ndu edu awo wambuyala uku ndjetete lu esese. Kuyanga akambu aso tshe wakatshama, kele kandi kumumo. Ndu lunya landi lakasimbwi tshu.

Isaya 9:12

Asi Suriya lu leke lʼehutwelu, La asi Filistiya lu leke lʼedjelu ka unya, Ku vo wayumana Isariyele lʼenyo hwe. Kuyanga osoku, kele kandi hakitakita, Ndu lunya landi lakasimbemadi.

Isaya 9:17

Okone Khumadiondjo hangenangena dia elongo awo wʼapami, Kuyanga mbuka ana awo wa ditshiki kana wadi waki edu awo ketshi. Vo tshe weli amonyodi la atshi wa kolo, Ndu enyo awo tshe nteketaka oteketateketa. Kuyanga osoku, kele kandi hakitakita, Lunya landi lakasimbemadi.

Isaya 9:21

Manase ayole Efarayima, la Efarayima, Manase, Ku vo ahendi wayolosha Juda. Kuyanga osoku, kele kandi hakitakita, Lunya landi lakasimbemadi.

Jeremiya 15:6

We akantuni, akakalula ekongokongo, mbata Latuyalaka. Diako mbamumusimbula lunya lami dia nkolosha la nkulanya. Dimi lambuheko nkuka ketshi.

Jeremiya 21:5

Dimi layolo la nyu la lunya la wulu lʼusimbwi, la yenyi, kele, la ududu wa mamba.

Jeremiya 38:22

Enda, amantu tshe wambutshikala lu luudu la khumʼekanga ka Juda, wayotolama utsha le ewandji wa khumʼekanga ka Babilona. Amantu ako wayuta vati: Engenyi aye wakakukesi, wakakahamela. Keli kakiane, lamʼambukakatela ekulu aye lu loteke, Vo wambumo uma le ye.

Jeremiya 38:23

Wayutundja wadieye tshe la anʼaye tshe utsha le asi Kaladiya, ndu we huhanda uma lʼanya awo. We ayundama lu anya wa khumʼekanga ka Babilona, la usumba one wayutshumbama dja lu dikambu diaye.

Jeremiya 7:20

Diako mbata Khumadiondjo Latuyalaka okone ati: Nyulungi, kele kami la ududu ami wayutshulo lu dihuli ne, ladiku diʼantu, ladiku dia nyama, ladiku diʼetamba wa lu dikambo, ndu ladiku diʼelua wa la kete. To kayoheta, haweyi nkidima.

Jeremiya 8:10

Diako mbayumukimo wadiewo le akina, La dikambo diawo le waku wayalunga, Ne dia vo tshe, one luleki tshitshe ndu luleki wuki, Wambuyala akanga a lukaki. Ndu umvutshi ndu olombedi, vo tshe watutshaka akambu wa lukesu.

Delu dia Jeremiya 2:8

Latuyalaka ambusanguya dia nanya eheli ka ona umuntu Siona, Ndi ambukiedika lʼushinga, atanya lunya landi uma lu nkilanya. Ndi ambukhumia lungeli lʼeheli akhumu, yo yambukhuma akhumu kame.

Delu dia Jeremiya 3:3

Mete, ndi atusimbulaka lunya landi Dia ndi ndo la mi yanyi tshe.

Delu dia Jeremiya 5:11

Wakasuwula amantu wa lu Siona, La esekaseka wa dimuma wa lu esumba wa Juda.

Delu dia Jeremiya 5:2

Etenyi kasu kʼukito kambukimwama le angendangenda, La mvudu yasu le asi wedja.

Delu dia Jeremiya 5:3

Shu teli ana wa ditshiki, waha la washi; Anyengesu weli uku wadi waki edu.

Ezekiyele 35:3

Uwuteli wati: Khumadiondjo Latuyalaka kata ati: We Ukungu a Seire, dimi layendana la ye. Dimi lambusimbe lunya lami ladiku diaye, layukete tongo la engo ka nkashimo.

Ezekiyele 7:24

diako mbayumela wedja wuleki kolo dia ndjahotola mvudu yawo. Dimi layukumia wulu awo wʼutaku. Ahuli awo wʼekila wayulanyema.

Mika 2:4

Lushi loso, wayunyukela yukedi, wayulela delu diʼokei; Wayuta vati: Shu tambushila ushiki. Ndi ambukadimula etenyi ka wudja ami. Ndi wuhu ambundukinya uma le mi li! Ndi ambukahanya dikambo diasu le akanga wʼuhedia.

Zefaniya 1:13

Ekundji awo wayuyala diango dia dimbu, Mvudu yawo yayuyala elanyelu ketu. Vo wayuhika mvudu, keli hawudjase loko. Vo wayune ekodi wa vinyo lu dikambo, Keli hawono ashi awo wʼelua.

Zefaniya 1:4

Dimi layusimbula lunya lami dia ndo la Juda, Ndu dia ndo la asi Jerusalema tshe. Dimi layushila atshikadi wa Bala ushiki uma lu dinuli ne, Ndu layunya lukumbu lʼelombedi, atemodi wa dikishi.