Jeremiya 51:8 - La Bible en Otetela (Bible K'Ekila) 1991

⁸ Babilona amboko shashimuya, ambuhandjo vwa. Nyusekhumi lʼalelu lu dikambu diandi. Nyotolele lodia dikambu dia puta kandi, Undu ndi ayokono.

Jeremiya 51:8 Iomraidhean Croise

Isaya 21:9

Kakiane enda, ambahemi wuyayi, ambahemi wa falasa ahendi ahendi! Ku ndi akati ntu ati: Ambuhandjo, yee! Babilona ambuhandjo, La difanelu tshe dia ditemolatemola diawo Diambatshatshema la kete,

Isaya 47:11

Okone kolo kayuya le ye, Ohenyohenyo wayuya le ye. We heya mbutshanya. Elanyelu kahayeyi kayuya le ye shashimuya. Ekanga aye haweyi nkishimba.

Isaya 47:9

Keli akambu ane ahendi: Eshishwelu kʼana la wadi aki udu, wayuya le ye shashimuya. Kuyanga we la wetshi la ekanga efula, vo wayukuma le ye,

Jeremiya 46:11

We Edjibitu usekaseka wʼemuma, Utshu utsha la Ngiliyade, utose lodia. We atomotshaka ekanga womotshamotsha, we hokono.

Jeremiya 48:20

Moaba ambutshama sonyi, ne dia vo wambulanyema. Nyusekhumi lʼalelu, nyudi tukuku. Nyusanya lukumu lʼumamu wa Aronona nyati:

Jeremiya 48:31

Diako mbalelami Moaba, Mbadami tukuku dikambu dia Moaba tshe. Wayutshela asi Kire-Herese utanda.

Jeremiya 50:2

Nyuteli wedja tshe lukumu, nyudianganya diui. Nyuhane ekuhu ka koi, nyuti lukumu lako. Tanyusheki nduku diui; nyuti nyati: Babilona kambosama! Bele kambutshama sonyi! Merodaka ambowediawediama! Difanelu diawo diambutshama sonyi, Dikishi diawo diambowediawediama!

Jeremiya 51:41

Hai, Babilona ambosama! Engo kuleki nemo lu kete tshe ambolembiama! Ndi wuhu ambulana Babilona lʼatei a wedja li!

Jeremiya 8:22

Undi, diombo kema la Ngiliyade, wetshi kema leko uka? Ku ya ukundi aki konkono ona umuntu a wudja ami?

Ezekiyele 30:2

Onʼa untu, uti akambu wahatayi wati: Khumadiondjo Latuyalaka kata ati: Nyukhumi akhumu lu lushi lone la lunyangu!

Danyele 5:24

Uma lu dikambu so, mbakandatumi etenyi ka lunya kakafundji efundelu kene.

Danyele 5:31

Ku Dariyo, usi Mediya, akose diulelu. Laso ndi aki la deku lasuki la akumi asamalu la pendi.

Nahuma 3:19

Nduku lodia ne dia ehumwelu kaye Puta Kaye kaya kandji efula. Wane tshe watukaka lukumu laye, Watuhumaka saka dikambu diaye; Ne dia akona aki kolo kaye kunkumaka le ndi tena tshe?

Enyelo 14:8

Ondjelo ukina a hendi, akuyeli, ata ati: Babilona ka wuki kambunyuko, kambunyuko kene kakanoshaka waulelu tshe wanu wa kele kʼakambu wa munanyi yato!

Enyelo 18:2

Ndi akahangohango la diui dia wulu ata ati: Babilona ka wuki kambunyuko, kambunyuko! To kambuyala edjaselu kʼedienge, la ka djimu tshe dia kolo, Ndu ka fudu tshe ya kolo, ndu yahetshawo,