Jeremiya 51:6 - La Bible en Otetela (Bible K'Ekila) 1991

⁶ Nyulawo uma la Babilona. Nyu tshe untu lʼuntu ashimbeli lumu landi, Nyutukudiakema lu elanyelu kawo, Ne dia etena kʼosombweyo ka Latuyalaka kambukuka. Ndi utsha mbafuta uku etsha awo.

Jeremiya 51:6 Iomraidhean Croise

Esambu 94:1

Latuyalaka li, we keli Unyashungu latosomboyanyaka! We Unyashungu latosomboyanyaka, uyaenya.

Tukedi 13:20

One latengolaka kame la akanga a yimba, atuyalaka kanga yimba. Keli one latekesanelaka la akanga a dinginya, atuhumoka lukulu lʼengeno.

Isaya 48:20

Nyutumbi uma la Babilona, Nyulawo uma lʼatei wʼasi Kaladiya! Nyuhangohango nyati: Latuyalaka Akatshungula ukambi andi Jakoba! Nyimbaki dikambu ne lʼongenongeno, Nyutaditaka pulu ndu la kuma ya kete.

Isaya 63:4

Lushi lami la nsomboya leko lʼutema ami, Eleku kʼatshungwami ami kambukuka.

Jeremiya 25:14

Ne dia wedja wa wulu la khumi ya dikanga ya waki wayuwaetsha ndu vo lʼokongo awo, la dimi layatshela uku etsha awo, ndu uku elimu wʼanya awo.

Jeremiya 25:16

Vo wayono, wayusukosuko, wayuyala uku akanga wʼaladi, ne dia yombo yayumutuma lʼatei awo.

Jeremiya 27:7

Wedja tshe wayuyala lʼokongo andi, ndi, onʼandi la ukana andi edja ndu lamʼayukuka etena ka kete yandi. Ku wedja efula la khumi ya dikanga ya waki wayolembia.

Jeremiya 46:10

Ne dia lushi loso, leli lushi la Khumadiondjo, Latuyalaka Kanga lulimbilimbi. Lushi loso, layuyala lushi la nsomboya, Layundosomboya atunyi andi. Yombo yayole antu, yayuluta, yayudjo la dikila diawo, Ne dia Khumadiondjo, Latuyalaka Kanga lulimbilimbi Ambulambula ulambu lu eke la ngelʼa kushi la ndjali ka Eyufarate.

Jeremiya 48:6

Nyulawo, nyuyashimbeli, Nyuyali uku ekumbu lʼusui wa shenga,

Jeremiya 50:15

Nyuwudjeli waelu wa ta lʼutshimba tshe. Vo wambolemba; Ngeli yawo yambulanyema, peli diawo diambunyuko, Ne dia onʼeli somboya ka Latuyalaka. Nyosomboya, nyutsheli uku akandatshaka.

Jeremiya 50:28

Nyuki tukuku tʼandawi! Vo wambulawo uma lu kete ya Babilona dia ntuta lukumu lʼesombweyo ka Latuyalaka, Unyashungu asu, lu Siona, ee, esombweyo dia etemwelo kandi!

Jeremiya 50:31

Enda, dimi layendana la ye we kanga utaku, Ne dia lushi laye lambukuka, Etena ka we numbuyama, Mbata Khumadiondjo, Latuyalaka Kanga lulimbilimbi.

Jeremiya 50:8

Nyulawo uma la Babilona, nyutumbi uma lu kete yʼasi Kaladiya, nyuyali lolombo uku waumi wa mbudi watolombolaka limba la dungalunga!

Jeremiya 51:11

Nyoketemole akhuwa! Nyukimeli dingawu. Latuyalaka ambutshutshiya, ndu ambuhashahasha tukanyi ta khumi ya dikanga yʼasi Mediya, ne dia ndi ambusanguya nanya Babilona. Oso eli esombweyo ka Latuyalaka, ee, esombweyo ka etemwelo kandi!

Jeremiya 51:36

Diako mbata Latuyalaka ati: Enda, dimi lutsha nsambula dikambu diaye, Ndu lutsha nyosombweya. Dimi layumia ashi a waki wa Babilona, Layumia ndu teko diawo.

Jeremiya 51:45

Nyu wudja ami, nyutumbi uma lʼatei awo, Nyu tshe untu lʼuntu ashimbeli lumu landi Dia mpanda kele ka wulu ka Latuyalaka.

Jeremiya 51:50

Nyu waku wakahandi yombo, nyutshu, Tanyutshimbatshimbaki! Nyuho Latuyalaka uma lu kete yʼetali, Nyudji tukanyi lu dikambu dia Jerusalema.

Jeremiya 51:56

Unanyishi ambukuma le ndi, le Babilona! Ahuka awo wambundama, eta awo wambowele, Ne dia Latuyalaka keli Unyashungu. Ndi katufutaka antu uku elimu awo. Mete ndi ayasomboya.

Jeremiya 51:9

Shu takalangi nkonoya Babilona, keli vo konkono. Nyeso, tutshiki, tutshu shu tshe untu lʼuntu utsha lakawo, Ne dia elumbwelu kawo kambukuma pulu lʼulungu, Kambediama utsha lu wangi.

Delu dia Jeremiya 3:64

Latuyalaka li, we ayafuta Uku eli ulimu wʼanya awo.

Walelu 16:26

Ndi akasengasenga ului wʼantu ati: Nyuneli uma la mvudu yʼapema yʼantu wa kolo ane. Tanyunandaki diango diawo, nyutukulanyema kame la wo lu kolo yawo tshe.

Euhwelu kʼElembe 32:25

Lʼandja, vo wayushila la yombo; Ku lu mvudu, la woma: Akambu ane wayuya le olongo a pami ndu le usekaseka wʼemuma, Le onʼashashi ndu le usumbi.

Euhwelu kʼElembe 32:41

Naka layudja yombo yami ya ngadimo diesa, La lunya lami layukime sambu kʼololo, Dimi layosomboya atunyi ami, Layusuya wane watumpetshaka

Euhwelu kʼElembe 32:43

Nyu wedja, nyanduli wudja wa Latuyalaka, Ne dia ndi ayosomboya dia dikila diʼekambi andi, Ayosomboya atunyi andi, Ku ndi ayutungela kete yandi la wudja andi ekesanelu.

1 Timote 5:22

Tokomolaki untu esadi. Totoki lu kolo yʼantu akina, uyali la utema a pudipudi.

Enyelo 16:19

Usumba ako a wuki wakatana beke satu, ku esumba wa wedja ekina wakanyuko. Unyashungu akuho Babilona ka wuki, dia ndi mbonosha dikoho dia wanu la dia wulu la kele kandi.