Jeremiya 50:2 - La Bible en Otetela (Bible K'Ekila) 1991

² Nyuteli wedja tshe lukumu, nyudianganya diui. Nyuhane ekuhu ka koi, nyuti lukumu lako. Tanyusheki nduku diui; nyuti nyati: Babilona kambosama! Bele kambutshama sonyi! Merodaka ambowediawediama! Difanelu diawo diambutshama sonyi, Dikishi diawo diambowediawediama!

Jeremiya 50:2 Iomraidhean Croise

Esambu 64:9

Ee, antu tshe wayuka woma, Ku vo wayusanyia akina dia etsha wa Unyashungu. Okone mbayuwukana yimba ololo dia etsha andi.

Esambu 96:3

Nyusanyaki lutumbu landi lʼatei a wedja, La elimu andi wa mamba lʼatei antu tshe.

Esambu 97:7

Waku tshe watotemolaka ditemolatemola dia losela, Ndu watuyalaka la osemo ne dia dikishi diawo, wutshami sonwi. Nyu ditemolatemola tshe, nyotemole.

Isaya 12:4

Lu lushi loso, nyayuta nyati: Nyukaki Latuyalaka lusaka, nyetaki lukumbu landi; Nyusanyiaki wedja dia etsha andi, Nyuwauhulaki dia wuki wa lukumbu landi.

Isaya 13:2

Nyuhane ekuhu ka koi ladiku diʼukungu wʼutali, Nyedia diui wulu utsha le antu, Nyetshetsha anya dia vo mboto lu asuku wʼantu a waki.

Isaya 21:9

Kakiane enda, ambahemi wuyayi, ambahemi wa falasa ahendi ahendi! Ku ndi akati ntu ati: Ambuhandjo, yee! Babilona ambuhandjo, La difanelu tshe dia ditemolatemola diawo Diambatshatshema la kete,

Isaya 37:19

Vo wakatshumbi ditemolatemola diawo lu dja, ne dia dio diaki paka ditemolatemola diakawatshi uma lʼetamba lʼave, diako mbakawadilanya.

Isaya 39:1

Lʼetena kako Merodaka-Baladana, onʼa Baladana, khumʼekanga ka Babilona, akatumela Hezekiya mukanda la ushasua, ne dia ndi akuki lukumu ati: Ndi aki la kandji, ku ambokouo.

Isaya 46:1

Dikishi dianyu, Bele la Nebo, diamboko. Nyu nyambudiemba, nyambudiahe ladiku dia punda la ngombe. Dio diambuyala ushiko ladiku dia nyama yambokomo.

Isaya 48:20

Nyutumbi uma la Babilona, Nyulawo uma lʼatei wʼasi Kaladiya! Nyuhangohango nyati: Latuyalaka Akatshungula ukambi andi Jakoba! Nyimbaki dikambu ne lʼongenongeno, Nyutaditaka pulu ndu la kuma ya kete.

Isaya 48:6

We akuki akambu ane, ambalimbitela, Undi, we huyala omenyi loko? Umaka kakiane dimi layukenya akambu wʼeyuyu, Akambu wushami wakiye kumbeya.

Jeremiya 10:11

Nyuwateli nyati: Ditemolatemola diaki kuntunga ulungu la kete, diayushisho uma la kete ndu uma lʼesi ulungu.

Jeremiya 10:15

Dio dieli anyanya, ulimu wa lukesu. Lamʼayuya elumbwelu, dio diayulanyema.

Jeremiya 31:10

Nyu wedja, nyuki diui dia Latuyalaka, Nyutudisanya lu asenga tshe weli etali, Nyututi nyati: One lakahandjula Isariyele, ayasanganya ntu, Ayalama uku atulamaka ulami ekoko andi,

Jeremiya 4:16

Nyuteli wedja, nvulimbitshiya Jerusalema nyati: Anyingi, wambuya uma lu kete yʼetali, Wambuhangohangwela esumba wa Juda.

Jeremiya 4:6

Nyedia ekuhu ka koi utsha la Siona. Nyulawo, nvuyashimbeli, tanyutshimbatshimbaki, Ne dia dimi lutsha mbela kolo uma la ngelʼa kushi, elanyelu ka wuki.

Jeremiya 46:14

Uti lukumu lu Edjibitu, utulusanya la Mingidole, Utulusanya lu Memifi ndu la Tapanehese! Nyemali, nyuyalongosole, Ne dia yombo yayudiaka antu lu etshimba anyu!

Jeremiya 50:46

Kete yambudidima la lundju lʼeoselo ka Babilona; tukuku tawo tambukema lʼatei a wedja tshe.

Jeremiya 51:12

Nyuhane ekuhu ka koi lu eheli ka Babilona. Nyukikitsha wimbe wa ta, Nyukitsha alami, nyukitsha ndjalu. Latuyalaka akasanguya, Ndu ambutsha kene kakandataka lu dikambu diʼasi Babilona.

Jeremiya 51:27

Nyuhane ekuhu ka koi lu kete, Nyudi amama lʼatei a wedja. Nyolongosole wedja dia ndosha Babilona. Nyeti waulelu wa Ararata, wa Mini, ndu wa Ashikenaze. Nyosonwele olombodi dia mbolosha. Nyutshutshiya falasa le wo uku endjo wʼanganga.

Jeremiya 51:31

Undawi ambutuhumana lʼundawi ukina, Ndu dikendji diambutuhumana la dikendji dikina, Dia ntutela khumʼekanga ka Babilona lukumu vati: Usumba andi ambolembiama lu beke tshe.

Jeremiya 51:44

Dimi layusuya Bele lu Babilona, Layukituhuya kene kakatamene. Wedja hawutshokaka utsha le to ntu. Eheli ka Babilona kambunyuko.

Jeremiya 51:47

Uma lu dikambu ne, nshi yayuyala, Yayumulanya dikishi dia Babilona. Wudja awo tshe wayukumbama la sonyi. Antu awo wayukalema edu lʼatei awo.

Jeremiya 51:52

Nyuki, nshi yayuyala, Yayumulanya dikishi diawo dia lolelola, La ahumwami wayukhuma akhumu lu kete yawo tshe, Mbata Latuyalaka.

Jeremiya 51:8

Babilona amboko shashimuya, ambuhandjo vwa. Nyusekhumi lʼalelu lu dikambu diandi. Nyotolele lodia dikambu dia puta kandi, Undu ndi ayokono.

Jeremiya 52:31

Lu eleku kʼakumi asatu lʼesambeli ka lohombo la Jehoyakina, kaki eleku ka ntundu ka Evile-Merodaka, khumʼekanga ka Babilona. Lu eleku kako, lu lushi lʼakumi ahendi lʼatanu lu ngondo ka dikumi la ahendi kakandatundja Jehoyakina, khumʼekanga ka Juda, uma lu lukanu.

Jeremiya 6:18

Okone nyu wedja nyuhukami. Nyu ului wʼantu, nyulungi kene kayuyala le wo!

Danyele 1:2

Khumadiondjo akakimo Jehoyakima, khumʼekanga ka Juda lu anya andi, kame la diango dimotshi diʼulimu diʼuma lu luudu la Unyashungu. Nebukadineza akaditole utsha lu kete ya Shinare, lu luudu la etemolatemola kandi. Ndi akatudiotshiya lu luudu la eumbelu lʼetemolatemola kandi.

Danyele 3:14

Nebukadineza akambula Shadaraka, Meshake la Abede-Nengo ati: Undi, diui so diahanyakhusela ditemolatemola diami adui kana ntemola kimeta ka paunyi kene kakameme, mete kedio?

Zefaniya 2:11

Latuyalaka ayuyala engo ka woma le wo, Ne dia ndi ayuvusha ditemolatemola tshe dia la kete ndjala. Ku antu tshe wayotemola untu lʼuntu uma lu dihuli diandi, Ndu wa lu asenga tshe wa wedja.

Enyelo 18:2

Ndi akahangohango la diui dia wulu ata ati: Babilona ka wuki kambunyuko, kambunyuko! To kambuyala edjaselu kʼedienge, la ka djimu tshe dia kolo, Ndu ka fudu tshe ya kolo, ndu yahetshawo,